ღეროვანი ტატუაჟის შესრულების 2 მეთოდი არსებობს: ევროპული და აღმოსავლური.
ევროპული მეთოდით დახატული წარბები ძალიან ბუნებრივად და ელეგანტურად გამოიყურება. ტატუაჟი პატარა შტრიხებით კეთდება, და წარბის თითოეული ღერი დაახლოებით ერთი და იგივე სისქის და სიგრძისა (0,5 – 1 სმ.), ამასთან, ყველა დახატული ღერი მიმართულია მაღლა. ევროპული მეთოდით შესრულებულ ტატუაჟს ლამაზად დავარცხნილი წარბების ეფექტი აქვს, რაზედაც ძალიან ბევრი ქალი ოცნებობს. ამ მეთოდის გამოყენების შემდეგ, წარბების კორექცია 10 თვეში ერთხელაა მიზანშეწონილი.
აღმოსავლური მეთოდი, ევროპულთან შედარებით, უფრო რთული შესასრულებელია. სამაგიეროდ, ძალიან გაგიჭირდებათ დახატული წარბების ნადმვილისგან გარჩევა. რაში მდგომარეობს ტექნიკა?
წარბის თითოეული ღერი (ისევე როგორც ევროპული მეთოდის დროს) მკაცრად ზევითაა მიმართული, თუმცა აი ღერების სიგრძე ვარირებს და სხვადასხვა სიგრძისაა – ზოგიერთი შტრიხი, საერთო ფონიდან სპეცილაურად გადმოცდენილად იხატება, რომ წარბს კიდევ უფრო მეტად ბუნებრივი იერი ჰქონდეს. მხოლოდ გამოცდილი ტავლი მიხვდება, რომ წარბი ტატუაჟითაა შესრულებული. აღმოსავლურ ტატუაჟს უფრო ხანგრძლივი ეგექტი ახასიატებს და მისი კორექცია წელიწადში ერთხელაა რეკომენდებული.
ღეროვანი ტატუაჟის უპირატესობები
ღეროვანი ტატუაჟის დახმარებით შესაძლებელია კოსმეტიკური და ესთეტიკური პრობლემების მოგვარება. ზოგადად, წარბი, სახის ძალიან მნიშვნელოვანი შტრიხია. მისი სიხშირე, ან სიმეჩხრე ძალიან დიდ როლს თამაშობს ადამიანის საერთო ვიზუალში და შეუძლია რადიკალურად შეცვალოს გარეგნობა. სახლის პირობებში, წარბების პინცეტით ხშირი ამოპუტვის შედეგად, ტრამვირებული თმის ღერები უფრო სუსტი და უსიცოცხლოა. ხშირად, ქალბატონებს უნდათ დაიბრუნონ ხშირი წარბები, მაგრამ მათი თავიდან გაზრდა უკვე აღარ გამოსდით… გარდა ამისა, ფაქტობრივად შეუძლებელია წარბის ფორმის რადიკალური შეცვლაც… სწორედ ასეთ დროს, მიმართავენ ქალბატონები წარბების ტატუაჟის პროცედურას.
ღეროვანი ტატუაჟი გვეხმარება:
- მივანიჭოთ წარბებს სიხშირე და სისქე
- შევცვალოთ წარბების ფორმა (რადიკალურადაც კი)
- გავასწოროთ ასიმეტრია
- დავფაროთ წარბების ზონაშ არსებული ნაწიბურები და სხვადასხვა დეფექტები
პროცედურის ხანგრძლივობა, საკორექციო წარბის სირთულიდან გამომდინარე ვარირებს, და საშუალოდ 1-2 საათს წარმოადგენს. ასევე, გასათვალისწინებელია, რომ თავდაპირველად ტატუაჟის ფერი გაცილებით უფრო მუქი იქნება, თუმცა დაახლოებით 1 კვირაში გაღიავდება და საბოლოდ სასურველ ფერს მიიღებს.
უკუჩვენებები
მიუხედავად იმისა, რომ ღეროვანი ტატუაჟი უვნებელ პროცედურად ითვლება, მაინც არსებობს რისკ ჯგუფები, რომელთათვისაც არ არის რეკომენდებული მისი ჩატარება,
- ფეხმძიმობა და ლაქტაცია
- ანთებითი და ვირუსული დაავადებები
- სისხლის შედედბის პრობლემა
- კანის მაღალი სენსიტიურობა
- მაღალი არტერიული წნევა
- ეპილეფსია ან ონკოლოგიური დაავადებები
- რომელიმე მინერალური კომპონენტის მიმართ ალერგია
წყარო: http://lotus.ge/
#drpkhakadze #shenisilamaze #gochadze
მასალის გამოყენების პირობები
