ზოგს თვეები სჭირდება გასახდომად, ზოგს ერთი კვირა. ამაში დამნაშავე ხანდახან ფიზიოლოგია, ხანდახან გახდომის ხერხია. რამდენიმე დღეში რამდენიმე კილოგრამის დაკლება მენიუს შემცირების გარეშეც შეგიძლიათ.
ჩაი გახდომისთვის
სწორი კვება გამორიცხავს ცხიმიან, შემწვარ ან ზედმეტად მარილიან პროდუქტებს. მარილზე ვეგანებიც კი უარს ამბობენ. საშუალოსტატისტიკური ადამიანის რაციონში ის ძალიან ბევრია, რაც არაბუნებრივია. მარილი წყლის განაწილებას უწყობს ხელს, როცა ის ძალიან ბევრია, პროცესი ფერხდება და შეშუპება ჩნდება. წყლის ბალანსის დარღვევის გამო ჩნდება ცელულიტიც.
მასთან ბრძოლა მარტივია. მიმართეთ შარდმდენ საშუალებებს. ისინი შეშუპებას ხსნიან და ორგანიზმში წყლის ცვლას არეგულირებენ.
ლიმონი, მწვანე ჩაი, საზამთრო და ჯანჯაფილი კარგია, თუმცა არაა საკმარისი პრობლემა სწრაფად გადაიჭრას. მწვანე ჩაი დაფნის ფოთოლით ის მხსნელია, რაც გჭირდებათ.
გასახდომი ჩაი
დაგჭირდებათ:
- 800 მლ წყალი
- 1 დარიჩინის ჯოხი
- 3 ს.კ. მწვანე ჩაი
- 1–2 დაფნის ფოთოლი
აადუღეთ წყალი და ჩაყარეთ ყველა ინგრედიენტი. დატოვეთ ორთქლისთვის 15 წუთით, დაახურეთ თავსახური. მზა ჩაი საცერში ან მარლაში გაატარეთ და დალიეთ დღეში სამჯერ: დილით უზმოზე, საუზმის შემდეგ და ძილის წინ. კურსი 1 კვირა გრძელდება. არ გაიმეოროთ იმაზე ხშირად ვიდრე რამდენიმე თვეში ერთხელ.
მწვანე ჩაი და დაფნის ფოთოლი გასახდომია, დარიჩინი კი არომატისთვისაა საჭირო. მისი სურნელი მადას აცხრობს.
