ბალენსიაგა” ესპანელი მოდის დიზაინერის, კრისტობალ ბალენსიაგას მიერ დაარსებული მოდის სახლი. მან ქალების ტანსაცმლის სამყაროში მაღალი მოდისთვის დამახასიათებელი ფორმები შემოიტანა. კრისტიან დიორმა კი ბალენსიაგას „ოსტატთა ოსტატი“ უწოდა. ამჟამად Balenciaga ეკუთვნის ფრანგულ კომპანია „Kering“-ს.
ბალენსიაგას მოსწავლეები იყვნენ ისეთი დიზაინერები, როგორებიც არიან პიერ კარდენი, ოსკარ დე ლა რენტა და ემანუელ უნგარო, თუმცა მისი ყველაზე ცნობილი პროტეჟე იყო იუბერ დე ჟივანში. კოკო შანელი განსაკუთრებულ პატივს სცემდა კრისტობალ ბალენსიაგას, აღმერთებდა მის ტექნიკას და მიაჩნდა, რომ პარიზში საუკეთესოდ ჭრიდა თარგებს და საუკეთესოდ კერავდა.
1997 წლიდან 15 წლის განმავლობაში ბრენდის კრეატიული დირექტორი იყო ნიკოლა გესქეიერი. მის შემდეგ ბალენსიაგას სახლს სათავეში ჩაუდგა ალექსანდერ ვონგი, რომლის კავშირიც ბრენდთან არც ისე გრძელვადიანი აღმოჩნდა. 2015 წელს ბალენსიაგას კრეატიული დირექტორი გახდა დემნა გვასალია.
დემნა გვასალია დაიბადა სოხუმში 1981 წლის 25 მარტს. ხატვითა და ტანსაცმლით ბავშვობიდან იყო დაინტერესებული, მაგრამ ოჯახის მოთხოვნით, თბილისის სახელმწიფო უნივერსიტეტის საერთაშორისო ეკონომიკის ფაკულტეტზე ჩაირიცხა. სწავლის გაგრძელებას მაგისტრატურაში ეკონომიკის მიმართულებით აპირებდა, მაგრამ მისი ოჯახი საცხოვრებლად გერმანიაში გადავიდა, სადაც დემნამ პროფესიის შეცვლა გადაწყვიტა და ხელოვნების აკადემიაში ჩააბარა.
დემნა გვასალიამ პარიზში, “მარჯიელას” ქალის და მამაკაცის ხაზის წამყვან დიზაინერად სამი წელი იმუშავა. ხელმძღვანელობდა H&M & Margiela-ის კოლაბორაციას 2012 წელს. შემდეგ შეთავაზება მიიღო Louis Vuitton-ის კრეატიული დირექტორისგან, მარკ ჯეიკობსისგან. მიუხედავად მაღალი ანაზღაურებისა და კარგი პირობებისა, გვასალიას “ლუი ვიტონში” მუშაობა არ მოეწონა და თავის მეგობრებთან (Margiela-დან) ერთად, შექმნა საკუთარი ბრენდი, Vetements (ფრანგულად „ტანსაცმელი“). გთავაზობს დემნა გვასალიას სამ გამორჩეულ ლუქს, რომელიც მსოფლიოში ცნობილმა ქალბატონებმა მოირგეს.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
