როგორ უნდა მოამზადოთ ბოტოქსის ეფექტის ბრინჯის ნიღბები
ბრინჯის ნიღაბს მართლაც საოცარი ეფექტი აქვს. რაც მთავარია, მარტივად მოსამზადებელია და ყველასთვის ხელმისაწვდომი. ასე რომ, საერთოდ არ არის აუცილებელი, ძვირად ღირებულ კოსმეტიკურ საშუალებებზე ფულის დახარჯვა. გამოიყენეთ ბრინჯის ნიღბები და ისეთ შედეგს ნახავთ, თავადაც გაოცებული დარჩებით.
ნაოჭების გასასწორებელი და სახის კანის დასაჭიმი ბრინჯის ნიღაბი ნებისმიერი სახის ტიპისათვის:
2 სადილის კოვზი ბრინჯი მოხარშეთ წყალში. წყალი იმდენი უნდა იყოს, რომ ბოლომდე არ ჩაშრეს, რადგან ნახარში დაგჭირდებათ. ხარშეთ, სანამ ბრინჯი არ ჩაიშლება. შემდეგ გადაწურეთ და ნახარში შეინახეთ. მოხარშულ ბრინჯს დაუმატეთ ერთი ჭიქა რძე და კიდევ ხარშეთ ნელ ცეცხლზე. შემდეგ გააგრილეთ, დააბლენდერეთ, რომ ერთგვაროვანი მასა მიიღოთ და დაიდეთ სახეზე. გაიჩერეთ, სანამ ნიღაბი მთლიანად არ გაშრება. ჩამოიშორეთ შენახული ბრინჯის ნახარშით, ცოტა ხანს შეიშრეთ და შემდეგ თბილი წყლით ჩამოიბანეთ. ნიღბის მთლიანად მოშორების შემდეგ არ დაგავიწყდეთ მკვებავი კრემის წასმა. გაიკეთეთ ეს ნიღაბი 3 დღე მიყოლებით და ერთი თვის შემდეგ კიდევ ერთხელ გაიმეორეთ. გარდა იმისა, რომ ნიღაბს ბოტოქსის ეფექტი აქვს და ასწორებს არა მხოლოდ წვრილ ნაოჭებს, ის კანის ფერსაც აუმჯობესებს.
#drpkhakadze #გიორგიფხაკაძე #pitskhelauri #აქხარისხია #shenisilamaze.ge
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
