ბრიტანელი მსახიობი ქეით ბეკინსეილი ბოლო პერიოდში არც ისე აქტიურადაა დაკავებული სამსახიობო კარიერით.
ამის ერთ-ერთი მიზეზი, მისი საყლაპავი მილის პრობლემა იყო, რის გამოც საავადმყოფოში 6 კვირის გატარება მოუწია.
ასევე, ბოლო პერიოდში, სოციალურ ქსელში საკმაოდ დიდი კრიტიკის ქვეშ მოექცა საკუთარი წონის და ასაკთან შეუსაბამო ჩაცმულობის გამო.
50 წლის მსახიობმა სულ ცოტა ხნის წინ ინსტაგრამზე „სთორი“ გამოქვეყნა, სადაც შავ საცურაო კოსტიუმშია გამოწყობილი. კოსტიუმს კი ამშვენებს წარწერა „შენი აზრი არ მიკითხავს“. ეს არის გზავნილი იმ ადამიანების მიმართ, რომლებიც დიდი ხანია, მსახიობს წონის და ჩაცმულობის გამო აკრიტიკებენ.
აქვე გეტყვით, რომ 2021 წელს ქეით ბეკინსეილი “Esquire” – ის გამოკითხვაში ყველაზე სექსუალურ ქალად დასახელდა.
