ორსულები დღეს არცერთ სფეროში არავის უკვირთ. არც სამოდელო სფეროა ამაში გამონაკლისი
ორსულები სამოდელო სამყაროშიც გამოჩნდნენ. სამოდელო სამყარო ახლა ბევრად უფრო ინკლუზიურია, ვიდრე მრავალი წლის წინ. თუ ძველად პოდიუმებზე მხოლოდ განსაზღვრული პარამეტრების მქონე გოგონები გადიოდნენ, ახლა პლუს ზომის მოდელები, სხვადასხვა ასაკის, სქესის, ინტერესების მქონე ვარსკვლავები შოუებზე აქტიურად ჩნდებიან და ადამიანებს მოტივაციას აძლევენ. დროთა განმავლობაში, სტერეოტიპულმა აღქმებმა ადგილი რეალობას დაუთმო.
ბოლო დროს პოდიუმზე ორსული მოდელები არცთუ ისე იშვიათად გვხვდება, რაც ადასტურებს, რომ დედობა მოდის ინდუსტრიაში კარიერის გასაგრძელებლად დაბრკოლება არ არის.
34 წლის ანდრეა კონოვალსკე ნიუ-იორკში, Homespun Heart-ის წლევანდელ შოუზე გამოჩნდა. გოგონა მესამე შვილს ელოდება. მოდელმა თქვა, რომ შოუში მონაწილეობაზე შეთავაზება იქამდე მიიღო, ვიდრე გაიგებდა, რომ ორსულად იყო. თუმცა, მას შემდეგ, რაც გოგონამ შეიტყო, რომ შვილს ელოდებოდა, ბრენდმა თანამშრომლობაზე უარი არ უთხრა და ამიტომ, ის ნიუ-იორკის მოდის კვირეულზე ვიხილეთ.
https://shenipositive.ge/ https://shenisilamaze.ge/
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
