თვით ზრუნვა არ არის საკუთარი საჭიროებების სხვების საჭიროებებზე მაღლა დაყენება.
თვით ზრუნვა არ არის შენაძენი და პროცედურები. როდესაც ვამბობთ: “თავი გაინებივრე”, “თავს მოუარე” და ა.შ., ვგულისხმობთ, რომ ადამიანმა საკუთარ თავზე ფული უნდა დახარჯოს, რაც დროდადრო სულაც არ არის ცუდი, მაგრამ თვით ზრუნვა არ არის. არც კოსმეტოლოგიური პროცედურა და ახალი საყურის ყიდვაა თვით ზრუნვა. თვით ზრუნვა მართლა ზრუნვას გულისხმობს. თვით ზრუნვაა უკეთესი და უფრო კომფორტული (და დიახ, უფრო ძვირად ღირებული) ფეხსაცმლის შეძენა და ფეხების მუდმივ ტკივილზე უარის თქმა. თვით ზრუნვაა ოდნავ მეტის გადახდა და ჯანსაღი ლანჩის მირთმევა; თვით ზრუნვაა კბილების გაწმენდა 6 თვეში ერთხელ. ვერავითარი სალონში გასწორებული თმა ვერ ამოავსებს სიცარიელეს, ვერ მოგცემთ ენერგიას. გინდათ ენერგია? გამორთეთ ფილმი და დაიძინეთ. ძილი ყველაზე დიდი საჩუქარია.
თვით ზრუნვა არ არის საკუთარი საჭიროებების სხვების საჭიროებებზე მაღლა დაყენება.
თუ საკუთარ თავზე ზრუნვა სხვების შევიწროებით ხდება, ესე იგი რაღაცას არასწორად აკეთებთ.პირიქით, სოციალური კავშირების აღდგენა თვით ზრუნვის აუცილებელი ნაწილია. თვით ზრუნვა ნიშნავს იმ ხალხთან ყოფნას, რომელიც გვზრდის, გვასწავლის, გვეხმარება და პირიქითაც – რომელსაც ჩვენ ვუდგავართ მხარში. სხვებზე ზრუნვა, ოღონდ გაცნობიერებულად, თვით ზრუნვის აუცილებელი ნაწილია.
თვით ზრუნვა ხშირად სიტუაციურია, რადგან მისი მიზანი, საბოლოო ჯამში ფსიქიკური და ფიზიკური ჰომეოსტაზის აღდგენაა.
თვით ზრუნვა მხოლოდ ქცევა არ არის, ეს განწყობაა. საკუთარ თავზე ზრუნვის მთავარი კომპონენტი არა განსაზღვრული ქცევა, არამედ შინაგანი სამყაროს მიღება. თვით ზრუნვა თვით ემპათიას ნიშნავს.
ხშირად თვით ზრუნვა სოლო აქტივობა გვგონია, მაგალითად, აბაზანის მიღება ან მედიტაცია, მაგრამ სტრესის დროს სხვებთან დაკავშირება თვით ზრუნვის აუცილებელი პირობაა. თვით ზრუნვა ნიშნავს, რომ ჩვენს სამყაროში სხვებსაც ვუშვებთ, ვუკავშირდებით დიდი ხნის წინ დაკარგულ მეგობრებს, პირადად ვხვდებით ხალხს, რომელსაც მხოლოდ ინტერნეტით ველაპარაკებით. დიახ, მარტო მედიტირებაც აუცილებელია, მაგრამ ჯგუფში ჩართულობაც, მიკუთვნებულობაც არანაკლებ მნიშვნელოვანია.
როგორ დავიწყოთ თვითზრუნვა?
სწორი ძილი თვით ზრუნვის აუცილებელი შემადგენელია. ძილს უდიდესი გავლენა აქვს ფიზიკურ და ფსიქოლოგიურ ჯანმრთელობაზე.
მოუარეთ საჭმლის მომნელებელ სისტემას. არსებობს ასეთი გამოთქმა: “ჩვენ ის ვართ, რასაც ვჭამთ”.
ივარჯიშეთ. ესეც ისეთი რამაა, ყველამ რომ ვიცით და არ ვაკეთებთ. მეცნიერებმა კონსენსუსს მიაღწიეს – თუ საშუალოსტატისტიკური ადამიანი ხართ, ანუ თქვენი ყოველდღიურობა დიდ ფიზიკურ ძალისხმევას არ მოითხოვს, აუცილებლად უნდა დაგეგმოთ რაიმე სახის ვარჯიში.
ისწავლეთ უარის თქმა. ხშირად გვგონია, რომ ვალდებულები ვართ, ყველაფერზე დავთანხმდეთ, გვინდა თუ არა, შეგვიძლია თუ არა.
გაატარეთ დრო სუფთა ჰაერზე მზე, ჟანგბადი, ღია სივრცე… ეს ყველაფერი ევოლუციურად გვჭირდება.
მასალის გამოყენების პირობები
