რა არის ბოტოქსი და როგორ მოქმედებს ის სახის კანზე

ბოტოქსი სამკურნალო საშუალებაა, რომელიც მიმიკური ნაოჭების მოსაშორებლად გამოიყენება.ყველაზე ხშირად ისინი ჩნდება შუბლზე, წარბებს შორის, თვალის კუთხეებში.სხვა წარმოშობის ნაოჭების გადასასწორებლად გამოიყენება შემდეგი მეთოდები: კონტურული პლასტიკა, მეზოძაფებით ტრედლიფტინგი, ქიმიური ლიფტინგი და სხვა.

ჩვეულებისამებრ, ბოტოქსი შეჰყავთ მიმიკურ კუნთებში, სადაც ის დროებით ბლოკავს ნერვული იმპულსების აღქმას. ამ ბლოკადის ხარჯზე კუნთი ან მისი ნაწილი დუნდება, აღარ იკუმშება და მისგან ჩამოყალიბებული ნაოჭები სწორდება. ექიმის ოსტატობა ისაა, რომ ბოტოქსით სრულად არ გათიშოს ნაოჭების წარმომქმნელი კუნთები და მხოლოდ მომატებული ტონუსი მოხსნას – ისე, რომ არ დაირღვეს ბუნებრივი მიმიკა.ბოტულოტიქსინის ზემოქმედებით დროებით იბლოკება ნერვკუნთოვანი კავშირი. კუნთთა და ნერვული ბოჭკოები ამ დროს არ ზიანდება.

როგორ უნდა მოემზადოთ პროცედურისთვის:

• ბოტოქსის ინექციამდე სამი დღით ადრე არ არის რეკომენდებული ანტიბიოტიკებისა და ანტიკოაგულანტების – ასპირინის, ჰეპარინის, ფენინდიონის – მიღება.
• ერთი დღით ადრე უარი თქვით ალკოჰოლზე.
• პროცედურის დღეს არ არის სასურველი სპორტული თუ სხვა სახის ფიზიკური აქტივობა.

პირველი პროცედურის შემდეგ მიმიკური ნაოჭები საშუალოდ 4-6 თვით სწორდება. ამ ხნის შემდეგ ბოტოქსით ბლოკირებული ნერვკუნთოვანი კავშირები აღდგება, კუნთთა ბოჭკოები ისევ იკუმშება და ნაოჭებიც ხელახლა ჩნდება, ამიტომ შედეგის შესანარჩუნებლად აუცილებელია მისი ხელმეორედ შეყვანა. 3-5 სეანსის შემდეგ გადასწორებული ნაოჭების ეფექტი, წესისამებრ, 10-12 თვეს ძლებს.

უკუჩვენებებს რაც შეეხება, პროცედურის შემდეგ ნანემსარის ადგილას მოსალოდნელია მცირე შეშუპება და წერტილოვანი სისხლჩაქცევები, რომლებიც მკურნალობას არ მოითხოვს – რამდენიმე დღეში თავისთავად გაივლის.

გამორიცხული არ არის ჰიპერკორექცია – პრეპარატის ზედოზირებისას კუნთები დაგეგმილზე მეტად დუნდება. შეინიშნება ქსოვილების დაწევა, „ნიღბისებური სახე“ ან სახის ასიმეტრია.

წყარო: https://mkurnali.ge/

#drpkhakadze  #shenisilamaze  #gochadze 

SheniSilamaze.ge

#drpkhakadze

See Full Bio