რა არის სახის პილინგი და როდის უნდა მიმართოთ მას

პილინგი ერთ-ერთი ყველაზე გავრცელებული კოსმეტოლოგიური პროცედურაა. თუ სიმშრალესთან ერთად გაწუხებთ აკნე, პიგმენტური ლაქები, ნაწიბურები, ან წვრილი ნაოჭები,  შეგიძლიათ ყველა ეს პრობლემა ერთი პროცედურით – პილინგით მოაგვაროთ.პილინგი ანუ ექსფოლაცია კანის ზედაპირიდან მკვდარი უჯრედების მოცილებას გულისხმობს, რომელიც მიზნად კანის გარეგნული იერის გაუმჯობესებას ისახავს.პილინგის მეთოდი და პროცედურის რაოდენობა დამოკიდებულია პაციენტის ასაკსა და კანის მდგომარეობაზე, რასაც მკურნალი ექიმი ინდივიდუალურად არჩევს.

ილინგი აუმჯობესებს კანის მდგომარეობას, კანი ხდება უფრო გლუვი და ნაზი, აქვს ერთგვაროვანი ფერი, პოსტაკნეს ლაქები, ნაწიბურები ქრება. ასევე, ცხიმოვანი ჯირკვლების მუშაობას არეგულირებს. პილინგი სახის კანის გასაახალგაზრდავებლად გამოიყენება, ასევე, წვრილი ნაოჭების პროფილაქტიკისთვის, ელასტიკურობისა და კანის სიმკვრივისთვის – კოლაგენის გაძლიერებული სინთეზის ხარჯზე, და რა თქმა უნდა, პილინგი გვეხმარება ხასიათისა და თვითშეფასების ამაღლებაში.

პილინგის პროცედურის დაგეგმვა უმჯობესია შემოდგომით. მცხუნვარე მზის პერიოდში პილინგის გაკეთება არ არის სასურველი. პილინგის სეზონებია შემოდგომა, ზამთარი და ადრეული გაზაფხული, როდესაც მზე აქტიური არ არის.

ზედაპირულ პილინგებს შორის ინტერვალი 10 დღიდან სამ კვირამდე განისაზღვრება, უმჯობესია თუ კურსის სახით, სეზონზე პილინგის 6-8 პროცედურა ჩატარდება, ანუ როდესაც კანის რეგენერაცია მთავრდება და კანი მზად არის, შემდეგ კეთდება მეორე პილინგი. რაც შეეხება, შუალედურ პილინგს, შუალედური პილინგი საშუალოდ 2 თვეში ერთხელ კეთდება და სეზონზე ორი ან სამი პროცედურა ესწრება.

ასევე, შესაძლებელია პილინგის მეზოთერაპიასთან და ინექციასთან შეთავსება, შესაძლებელია როგორც ცალ-ცალკე მონაცვლეობით, ასევე ერთ პროცედურაში მოქცევა. განსაკუთრებით მაშინ, როდესაც პიგმენტური ლაქების მკურნალობა ხდება – ერთდროულად შესაძლებელია პილინგის და ინექციის გაკეთება.

პილინგს აქვს იუვენილური ჯგუფი, როდესაც აკნესა და პოსტაკნეს მკურნალობა ხდება 18 წლიდან, ასევე აქვს საშუალო ჯგუფი „ანტიეიჯისთვის“ – 27-35 წელი და მესამე – უფროსი ჯგუფი, რომელიც 36 წლის ზევით გულისხმობს.

წყარო: https://kvira.ge/

SheniSilamaze.ge

#drpkhakadze

See Full Bio

READ  5 ნივთი, რომელიც ,,კოკო შანელის აზრით” ყველა ქალბატონს უნდა ჰქონდეს