საახალწლო მაკიაჟი, რომლითაც ნებისმიერი მამაკაცის გულს დაიპყრობს
საახალწლო მაკიაჟი ძალიან მნიშვნელოვანი დეტალია. უკვე გადაწყვიტეთ როგორი მაკიაჟით ხვდებით ახალ 2025 წელს?
მოდი ვნახოთ რა შეცდომები არ უნდა დაუშვათ, იმისთვის, რომ ნებისმიერი მამაკაცი მოხიბლოთ.
ჩვენ გვაქვს ინფორმაცია როგორი მაკიაჟი მოსწონთ მამაკაცებს დღესასწაულებზე და როგორი აღიზიანებთ.
ყურადღება მიაქციეთ დეტალებს, რომელსაც გადამწყვეტი მნიშვნელობა აქვს. ეცადეთ, რომ სახე მეტისმეტად არ გიბზინავდეთ. გლუვი კანი მშვენიერია, თუმცა ბალანსი უნდა დაიცვათ, რადგან პრიალა სახე მამაკაცებს სულაც არ იზიდავთ.
მამაკაცებს არ მოსწონთ როცა ქალს ტონალური კრემი სქლად აქვს დატანილი სახეზე და ფიქრობენ, რომ უსიამოვნო შესახედია. საახალწლო მაკიაჟი ეცადეთ, რომ ბუნებრივთან მიახლოვებული იყოს. ტონალური არ უნდა იყოს თქვენი კანის ფერზე მუქი.
თუ გსურთ, რომ თვალშისაცემი იყოთ, არ არის აუცილებელი თვალები ბოლომდე ჩაიშავოთ და ამისთვის 1 საათი დაკარგოთ. ალტერნატივად შავი ლაინერით მსუბუქად მოხატულ თვალებს გთავაზობთ. ასე თქვენი თვალის ფერზე მეტად გამახვილდება ყურადღება, ვიდრე მაკიაჟის დეტალზე.
წარბები- ეს ერთ-ერთი ყველაზე საკრალური თემაა, რადგან მამაკაცებისთვის სრულიად გაუგებარია, რატომ ვიცვლით წარბის ფორმას.
მათ მოსწონთ საშუალო სიგრძის, აკურატულად გამოყვანილი წარბები და არა არაბუნებრივად სქლად ან მუქად მოხატული.
ნუ იჩქარებთ ხელოვნური წამწამების დამაგრებას. ბუნებრივი და ლამაზი წამწამების მისაღებად საკმარისია კარგი ხარისხის ტუშს და წამწამების ასაპრეხის გამოყენება. შეგიძლიათ სპეციალური ჯაგრისიც გამოიყენოთ, რომლითაც წამწამებს დაივარცხნით.
დაიცავით ბალანსი და იყავით შეუდარებელი ახალი წლის ღამეს!
https://shenipositive.ge/ https://shenisilamaze.ge/
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
