გარდაიცვალა ქალი კატა, ქალი რომელმაც 80 პლასტიკური ოპერაცია გაიკეთა იმისთვის, რომ ქმრის კატას დამსგავსებოდა
ქალი კატა, იგივე შვეიცარიელი ჯოსელინ ვილდენშტეინი, 84 წლის ასაკში გარდაიცვალა. სამწუხარო ამბავი მეგობარმა მამაკაცმა, დიზაინერმა ლოიდ კლაინმა გაავრცელა. მისი თქმით, ჯოსელინის სიცოცხლე ფილტვის არტერიის თრომბოემბოლიამ შეიწირა.
ჯოსელინი მსოფლიოსთვის ცნობილი გახდა თავისი გარეგნობით, რომელიც მან კარდინალურად შეცვალა. სიცოცხლეში მან დაახლოებით 80 პლასტიკური ოპერაცია გაიკეთა და მილიონობით დოლარი დახარჯა, რის შედეგადაც მისი სახე სრულიად შეიცვალა.
ჯოსელინი ჩვეულებრივი შვეიცარიული ოჯახიდან იყო. მისი ცხოვრება 1977 წელს შეიცვალა, როდესაც იგი ამერიკელ მილიარდერს, ალეკ ნ. ვილდენშტეინს, შეხვდა და შემდეგ ცოლად გაჰყვა. ალეკი ცნობილი ხელოვნების დილერისა და ცხენების მომშენებლების ექსპერტის, დანიელ ვილდენშტეინის ვაჟი იყო.
გარკვეული დროის შემდეგ, ჯოსელინმა იგრძნო, რომ მის მიმართ ქმარმა ინტერესი დაკარგა. ამის გამო გადაწყვიტა მის დიდ კატას დამსგავსებოდა, რომელსაც ალეკი აღმერთებდა. მას განსაკუთრებით უყვარდა ვეფხვები და ლომები, საკუთარ მამულში ფოცხვერიც კი ჰყავდა. პირველი ოპერაციის შემდეგ, ჯოსელინმა გაჩერება ვეღარ შეძლო და 80-ზე მეტჯერ მიმართა პლასტიკურ ქირურგიას, რაც საერთო ჯამში 4 მილიონ დოლარზე მეტი დაუჯდა. თუმცა, ამან მისი ქორწინება ვერ გადაარჩინა.
2000 წელს წყვილმა განქორწინების შესახებ განაცხადა. ალეკ ნ. ვილდენშტეინი ამბობდა, რომ გაყრის მიზეზი “კატა-ქალის“ ზედმეტი ხარჯები გახდა კოსმეტიკურ პროცედურებზე, მაშინ როდესაც თავად ჯოსელინი ქმრის ღალატს ასახელებდა მიზეზად. ჯოსელინი უარყოფდა, რომ შეიცვალა გარეგნობა, თუმცა მისი ახალგაზრდობის ფოტოებიდან აშკარად სხვა ქალი გვიყურებს.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
