ფაფა – ეს არის ის, რაც ხელს შეუწყობს წონაში სწრაფად დაკლებას. კომპლექსური ნახშირწყლები უჯრედულ ბოჭკოსთან ერთად დიდი ხნის განმავლობაში და უკეთესად დაგანაყრებთ. ფაფები ხელს უწყობს საჭმლის მონელებას, ეხმარება შეკრულობას.
დიეტა სიმინდის ფაფით შესანიშნავი არჩევანია, თუ საჭიროა სასწრაფოდ დაკარგოთ 5 დამატებითი კილოგრამი. წონაში იკლებ და არ განიცდი შიმშილს. იმავდროულად, სხეული მიიღებს ყველა საჭირო ვიტამინებსა და მინერალებს, რომლითაც სავსეა სიმინდის ფაფა.
სიმინდის ფაფა გასახდომად
სიმინდის ფაფა ერთდროულად ორგანიზმს კვებავს და უხეში მცენარეული ბოჭკოების შემცველობის გამო ნაწლავებს წმენდს. მეტაბოლიზმს აუმჯობესებს ისე, რომ თან წონაში იკლებთ. პროდუქტი ხელს უწყობს სისხლში მავნე ქოლესტერინის დონის შემცირებას.
წყალზე მოხარშულ სიმინდის ფაფაში 100 გრ.-ზე 81 კკალორიაა, რაც ძალიან მცირეა. გლიკემიური მაჩვენებელი მასში საკმაოდ მაღალია – 70-მდე, ამიტომ მონოდიეტა 4 დღეზე მეტი არ არის რეკომენდებული. ჭამეთ პატარა პორციებით და მიიღეთ ბევრი წყალი.
პირველი დღე
400 გრ სიმინდის ფაფა, 1 კიტრი, 1 პომიდორი, 1 ვაშლი, 2 ლიტრი წყალი.
მეორე დღეს
პირველი დღის მენიუს ვიმეორებთ,
მესამე დღე
400 გრ სიმინდის ფაფა, 300 გრ თეთრი კომბოსტოს და სტაფილოს სალათი, შეზავებული ლიმონის წვენით და 1 ჩ/კ. ზეითუნის ზეთით, 2 ლიტრი წყალი, 3 პორცია მწვანე ჩაი შაქრის გარეშე.
მეოთხე დღე
მეორდება მესამე დღის მენიუ.
როგორ მოვხარშოთ სიმინდის ფაფა
სიმინდის ფაფა თუ გასახდომად უნდა გამოიყენოთ, მოხარშეთ კარგად, არ დაამატოთ რძე, შაქარი ან კარაქი.
შემადგენლობა:
50 გრ წვრილად დაფქვილი სიმინდის ფქვილი
200 მლ წყალი
0.5 ჩ/კ. ზეითუნის ზეთი
მომზადება:
წყალი აადუღეთ, ჩაყარეთ სიმინდის ფქვილი, დაამატეთ ცოტა მარილი და დაბალ ალზე 15-20 წუთი ხარშეთ. მომზადების შემდეგ მოასხით ზეითუნის ზეთი.
