ჯონ კრასინსკი 2024 წლის ყველაზე სექსუალურ მამაკაცად დასახელდა – საინტერესო დეტალები People-მა გამოაქვეყნა
ჯონ კრასინსკი გამოცემა People-მა 2024 წლის ყველაზე სექსუალურ მამაკაცად დაასახელა.
ის ჰოლივუდში ახლა ერთ-ერთი ყველაზე პოპულარული კინორეჟისორი, პროდიუსერი და მსახიობია. 45 წლის ვარსკვლავი ემილი ბლანტის მეუღლეა და როგორც თავად ამბობს, ცოლთან და შვილებთან ერთად დროის გატარება და საღამოს დოკუმენტური ფილმების ნახვა განტვირთვის ყველაზე კარგი საშუალებაა.
ის და ემილი ბლანტი 14 წელია, ერთად ცხოვრობენ. წყვილს 2 ქალიშვილი – 10 წლის ჰეზელი და 8 წლის ვიოლეტი ჰყავს.
ჯონ კრასინსკი NBC-ის სიტკომში „ოფისი”ჯიმ ჰალპერტის როლითაა ცნობილი. 2018 წელს კი ემილისთან ერთად ფილმში “ჩუმი ადგილი” ითამაშა. კრასინსკი ამავე ფილმის რეჟისორიც იყო. ამის შემდეგ, მისი რეჟისორობით ფილმის მეორე ნაწილიც გამოვიდა. ახალი ფილმი ” IF” განსაკუთრებული პოპულარობით სარგებლობს. მისი რეჟისორი, სცენარის ავტორი და ერთ-ერთი მთავარი როლის შემსრულებელი სწორედ ჯონ კრასინსკია.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
