თმა რამდენად ჯანსაღიც არ უნდა იყოს, დაცული ვერ იქნება დაზიანებისგან, თუ მას სათანადო დროს და ყურადღებას არ დავუთმობთ. თმის გაყოფილი ბოლოები, თავის მოვლის საკითხში, ერთ-ერთ ყველაზე აქტუალურ პრობლემად სახელდება.
გაყოფილი ბოლოების მიზეზი რამდენიმე ფაქტორით შეიძლება იყოს გამოწვეული, მათ შორის ყველაზე უფრო გავრცელებულია:
- ქიმიური პროცედურები, როგორიცაა თმის ქიმიური დახვევა ან შეღებვა.
- თერმული პროცედურები
- თმის უხეში დავარცხნა
ჯანმრთელი თმის ერთ-ერთი მთავარი პრობლემა სწორედ გაყოფილი ბოლოებია. მისი თავიდან ასაცილებლად კი გასათვალისწინებელია ქვემოთ მოცემული შემდეგი რჩევები:
სამწუხაროდ, რადგან გაყოფილი ბოლოების აღდგენის ხერხი არ არსებობს, ერთადერთი რისი გაკეთებაც არის შესაძლებელი, ეს თმის დაზიანებული ნაწილის მოჭრაა. ამ მხრივ თქვენ ხელს შეუწყობთ გაყოფილი ბოლოების შემცირებას.
მოცემულ სტატიაში განიხილება სწორედ ის 7 რჩევა, რომელიც დაგეხმარებათ თმის სიჯანსაღის შენარჩუნებაში.
- ნაზად მოეპყარით თმას დაბანის შემდეგ
გახსოვდეთ სველი თმა იოლად ზიანდება, ამიტომ შამპუნისა და კონდიციონერის გამოყენების შემდეგ მას ფრთხილად მოპყრობა სჭირდება. დაბანის შემდეგ პირსახოცით უხეშად არ შეიმშრალოთ თმა, ვინაიდან აღნიშნული ქმედება თმის ცვენას, გაუხეშებას და საბოლოოდ ბოლოების გაყოფას იწვევს. ამის ნაცვლად შეგიძლიათ თმა პირსახოცით ნაზად შეიშროთ.
- აბურდული თმის დავარცხნა
აბურდული თმა სველი იქნება თუ მშრალი, რთულია დავარცხნა, ამიტომ იგი გაშრობამდე უნდა დაუბრუნოთ პირვანდელ ნორმალურ მდგომარეობას და შემდეგ დაივარცხნოთ, გაიშროთ ან მისცეთ ფორმა.
ამერიკელ დერმატოლოგთა ასოციაცია გვირჩევს ფართოკბილიან სავარცხელს, ვინაიდან დავარცხნისას კბილებს შორის სივრცეში თმის გატარებისას, იგი არ ზიანდება, რაც, თავის მხრივ, არ იწვევს თმის ბოლოების გაყოფას.
- დაიტენიანეთ თმა
სიმშრალე თმას ასუსტებს, განსაკუთრებით თმის ბოლოებისკენ, რაც გაყოფილი ბოლოების წარმოქმნას იწვევს.
თმის დასატენიანებლად გამოიყენეთ თმის ნიღაბი ყოველკვირეულად. თმის ნიღაბი ღრმა კონდიცირების საშუალებაა, რომელიც ატენიანებს თმას და ამცირებს სიმშრალეს. ნიღაბი ასევე ამცირებს თმის დაზიანების რისკს, რის შედეგადაც თმა უფრო რბილი და მბზინვარე ხდება.
თმის ნიღაბის პროდუქტების გამოყენება ყოველთვის უფრო შედეგიანია, ვიდრე თმის კონდიციონერის. ვინაიდან პირველში პროდუქტები მეტადაა კონცენტრირებული. ამასთან, ნიღაბი თმაზე შეგიძლიათ დაიტოვოთ – 20 წუთიდან რამდენიმე საათამდე, ან თუნდაც მთელი ღამით.
შეგიძლიათ შეიძინოთ მზა თმის ნიღაბი ან ქვემოთ მოცემული ინგრედიენტებით დაამზადოთ იგი:
- ქოქოსის ზეთი
- ალოე ვერა
- თაფლი
- ზეითუნის ზეთი
- ბანანი
- თერმული პროდუქტების შემცირება
გაცხელებული მოწყობილობების გამოყენებამ, განსაკუთრებით ყოველდღე, შეიძლება გამოაშროს ან შეცვალოს თმის სტრუქტურა.
შეძლებისდაგვარად მიეცით თმას საშუალება სხვადასხვა უთოს დახმარების გარეშე გაშრეს.
თუ აუცილებლობას წარმოადგენს უთოს გამოყენება, გაითვალისწინეთ რომ სითბოს პარამეტრებიდან დაუწიოთ მას.
- არ დაივარცხნოთ თმა ზედმეტად ხშირად
თმის ზედმეტად დავარცხნამ შეიძლება გამოიწვიოს დაზიანება, მათ შორის თმის ბოლოების გაყოფა.
- დაიძინე აბრეშუმის ბალიშზე
ღამით თმაზე ზრუნვა ხელს უშლის ბოლოების გაყოფას. ბამბის ბალიშზე დაძინების ნაცვლად, დაიძინეთ აბრეშუმის ან ატლასის ბალიშზე ხახუნის შესამცირებლად.
აბრეშუმის ან ატლასის ბალიშზე თმა სრიალებს, რაც ბალიშსა და თმას შორის ნაკლები ხახუნის შედეგს იძლევა. ეს უკანასკნელი კი დაგეხმარებათ თმის დაზიანების თავიდან აცილებაში.
ამ მხრივ, კიდევ ერთი რჩევაა ღამით აბრეშუმის შარფის ტარება თმის დასაცავად.
- ქიმიური პროდუქტების გამოყენებებს შორის დაყავით დრო
ისეთი ქიმიური პროცედურების გამოყენება, როგორიცაა თმის შეღებვა და დახვევა, თმაზე არც ისე კარგ გავლენას ახდენს, განსაკუთრებით, თუ ერთდროულად ერთზე მეტ პრეპარატს იყენებთ.
ასეთ პროცედურებს შორის, რეკომენდირებულია, დაჰყოთ 8-10 კვირა. გამოიყენეთ თმის ნიღაბი კვირაში ერთხელ და თმის კონდიციონერი ყოველი დაბანისას.
#drpkhakadze #shenisilamaze #gochadze
მასალის გამოყენების პირობები
