მეცნიერება ადასტურებს, რომ ქალები უფრო კომპეტენტურად გამოიყურებიან, როცა მაკიაჟს ატარებენ. მივეჩვიეთ, რომ კოსმეტიკის მოხმარება სპეციფიკური ტექნიკების ცოდნას და დროს მოითხოვს. მაგრამ, ხშირად გვავიწყდება მისი ჩამობანა, რაც უმნიშვნელოვანესია. ამ რიტუალს სერიოზული მნიშვნელობა უნდა მივანიჭოთ.
წარმოგიდგენთ 5 მარტივ ნაბიჯს კანის სიჯანსაღისთვის:
ნაბიჯი 1: მოშორებამდე
მაკიაჟის მოშორება იწყება მოსამზადებელი პროცესით. პირველ რიგში, სახის გამწმენდები შეიძინეთ. თუ გაქვთ ცხიმიანი კანი, უნდა აირჩიოთ უცხიმო პროდუქტები, მშრალი კანის შემთხვევაში კი დამატენიანებლები. თვალის გამწმენდი ცალკე შეიძინეთ. თმა შეიკარით ან უკან გადაიწიეთ, რათა ხელი არ შეგიშალოთ და დაიწყეთ კანის სპეციალური სხველი ხელსახოცით გაწმენდა.
ნაბიჯი 2: მაკიაჟის მოშორება თვალებიდან
დაასველეთ ბამბა თვალის გამწმენდში და დაიდეთ თვალზე. აცალეთ 10-20 წამი და შემდეგ ბამბა ნელა ამოძრავეთ თვალის გარშემო ხახუნის გარშე. ამ ადგილას კანი ძალიან ფაქიზია.
ნუ ამოძრავებთ ბამბას წინ და უკან. ამოძრავეთ ის შიდა ნაწილიდან გარეთა ნაწილისკენ, შემდეგ კი ჩადით დაბლა.
ნაბიჯი 3: მაკიაჟის მშორება ტუჩებიდან
ეს რთული ნაბიჯია, სიფრთხილე გმართებთ, რომ ტუჩსაცხმა სახე არ მოგითხვაროთ. შეგიძლიათ გამოიყენოთ სპეციალური პროდუქტები, მაგრამ ვაზელინიც მშვენიერია. წაისვით ის ტუჩებზე, დაუცადეთ 5 წთ და შემდეგ ბამბით მოიშორეთ. ძალიან ნუ დააწვებით ტუჩებს.
ნაბიჯი 4: მაკიაჟის მშორება სახიდან
შეგიძლიათ დაიწყოთ მიცერალური წყლით. დაასველეთ ბამბა და წაისვით სახეზე. არ დაგავიწყდეთ ყბა და ყურების არეალი. დარწმუნებული იყავით რომ გაიწმინდეთ თმის ხაზი, იმიტომ, რომ კოსმეტიკა იქაც რჩება. ბოლოს შეგიძლიათ გამოიყენოთ მაკიაჟის მოსაშორებელი და წაისვათ ის წრიული მოძრაობებით სახესა და კისერზე.
დაიბანეთ სახე წყლით და გაიმშრალეთ პირსახოცით. ბაქტერიების თავიდან ასაცილებლად შეგიძლიათ გამოიყენოთ ქაღალდის პირსახოცი. ნუ დააწვებით კანს.
ნაბიჯი 5: გაწმენდის შემდეგ
კანის მოვლა მაკიაჟის მოშორების შემდეგაც მნიშვნელოვანია. ამ ეტაპზე ნაზად უნდა გაიკეთოთ მასაჟი სახეზე. აუცილებლად წაისვით დამატენიანებელი, რათა კანი არ გამოშრეს.
