ჯორჯო არმანიზე უკეთ არავინ იცის რა არის ელეგანტურობა. მოდის ინდუსტრიის გურუმ მოახერხა დაემტკიცებინა, რომ მოდური ყოველთვის მოუხერხებელი და მჭიდრო არაა. არმანის სტილი ელეგანტურობის და საქმიანი იმიჯის სინონიმია. ჯორჯომ შექმნა ზუსტად ის, რაც ყველა ქალს შეეფერება.
სამოსი ყოველდღიურობისთვის
81 წლის იტალიელი მოდელიერი დარწმუნებულია, რომ ქალებმა უბრალო სამოსი უნდა ატარონ, ნატურალური და ხარისხიანი ქსოვილებით დამზადებული. „განსხვავება სტილსა და მოდას შორის ხარისხშია“ – გვარწმუნებს არმანი.
მოხერხებული და მოდური სამოსი ყოველი დღისთვის ყველა ქალის საუკეთესო მოსართავია. სწორედ ასეთ სამოსს ქმნის ჯორჯო. სრულყოფილი ნაკერი, მსუბუქი ქსოვილები და მინიმალიზმი მის კოლექციებს ელეგანტურობას და აბსოლიტურ ჰარმონიას სძენს.
ჯორჯო არმანის სტილი
„ელეგანტურობა – გარეგნობის გასაღებია, რომელზეც დროს გავლენა არ აქვს. ეს არის ის, რაც მოდიდან არასდროს არ გადავა. ჩემთვის სტილი გაცილებით მნიშვნელოვანია, ვიდრე ხანმოკლე მოდური ტენდეციები.“ – გვიდასტურებს დიზაინერი. შემოდგომა-ზამთრის კოლექცია „ახალ სტანდარტს“ საუკეთესოდ წარმოაჩენს.
სარეკლამო კამპანიის სახეები 90-იანების ტოპ-მოდელები გახდნენ: სტელა ტენანტი, ევა ჰერციგოვა, იასმინ ლე ბონი და ნადია აუერმანი – ნამდვილი ლამაზმანები.
მთელი კოლექცია ნეიტრალურ ტონებშია შესრულებული, სამოსის ნაკერები ლაკონური და მოხერხებულია, ყველაფერი საოცრად ქალურად და ელეგანტურად გამოიყურება.
„აირჩიეთ ნეიტრალური ფერების ქსოვილები, ფერადი ჭრების გარეშე – ისინი თქვენ მოდის თვალსაწიერიდან მოგემსახურებიან.“ – გვირჩევს არმანი.
შავ-თეთრ ფოტოებზე უკეთ იკვეთება ქსოვილების ფაქტურა, რომლებისგანაც ცნობილი ბრენდში სამოსს კერავენ.
ოფისის მკაცრი კოსტიუმები – არმანის ფავორიტი სამოსია. ისინი შემოქმედის ყველა კოლექციაში ღირსეულ ადგილს იმკვიდრებენ.
„სამოსის შექმნა – მსოფლიოში ყველაზე მგრძნობიარე საქმეა“ – დარწმუნებულია ჯორჯო. საკუთარი ხელებით ტანსაცმლის შექმნის პროცესი ჯადოსნურ ფოკუსს ჰგავს. კონცენტრირება ხელის თითებზე ხდება და მანეკენზე სასურველი ფორმის მორგება ნამდვილი მაგიაა.
არმანი გვარწმუნებს: „ტანისამოსის არჩევისას არ ღირს ზედმეტი ძალისხმევის გაღება – ყველაზე მოდური ადამიანები გამოიყურებიან ისე, თითქოს ენერგია საერთოდ არ დაუხარჯავთ საკუთარ გარეგნობაზე“.
ჯორჯო არმანის გამოუვიდა მოდის სამყარო გადაეტრიალებინა და სამოსის როლზე კაცობრიობისთვის წარმოდგენა შეეცვალა. ასეთი რამ მხოლოდ ნამდვილ გენიოსებს გამოსდით.
