როგორ მოვიშოროთ ენიდან ნადები
ენაზე ნადები საკმაოდ გავრცელებული პრობლემაა და ბევრ ადამიანს აწუხებს. მისი გაჩენა შესაძლოა გამოწვეული იყოს როგორც ბუნებრივი პროცესებით, ისე ჯანმრთელობის სხვადასხვა მდგომარეობით. ნადების მოცილება მნიშვნელოვანია არა მხოლოდ ესთეტიკური მიზეზებით, არამედ პირის ღრუს ჰიგიენისა და ზოგადი ჯანმრთელობისთვისაც.
ნადები შეიძლება წარმოიქმნას შემდეგი მიზეზებით:
📌არასაკმარისი ჰიგიენა – ენას ხშირად ნაკლებ ყურადღებას ვაქცევთ კბილების გაწმენდისას.
📌საკვების ნარჩენები და ბაქტერიები – განსაკუთრებით ნახშირწყლებით მდიდარი პროდუქტების მიღების შემდეგ.
📌მშრალი პირი – ნერწყვის ნაკლებობა ხელს უწყობს ბაქტერიების გამრავლებას.
📌მავნე ჩვევები – მოწევა, ალკოჰოლისა და ძლიერი ყავის ხშირი მოხმარება.
📌ჯანმრთელობის პრობლემები – კუჭ-ნაწლავის დარღვევები, სოკოვანი ინფექციები, ანტიბიოტიკების ან სხვა წამლების ხანგრძლივი მიღება.
როგორ მოვაშოროთ ნადები?
✅ კბილების ჯაგრისით და სპეციალური ენის საწმენდით. ყოველი დილის და საღამოს ჰიგიენისას ენა აუცილებლად უნდა გაიწმინდოს. ამისთვის გამოიყენეთ რბილი ჯაგრისი ან სპეციალური სკრეპერი.
✅ პირის ღრუს სავლები, ანტისეპტიკური სავლები ან ბალახოვანი ნაყენები (მუხის ქერქი, სალბის ფოთოლი) ხელს უწყობს ბაქტერიების შემცირებას.
✅ საკმარისი სითხის მიღება. წყლის ხშირი დალევა ნერწყვის გამომუშავებას ასტიმულირებს და ხელს უშლის ნადების დაგროვებას.
თუ ნადები:
ძალიან სქელია და მუდმივად ბრუნდება;
აქვს უცნაური ფერი (მოყვითალო, შავი, მწვანე);
თან ახლავს უსიამოვნო სუნი, ტკივილი ან მეტყველების გაძნელება, მაშინ აუცილებელია სტომატოლოგთან ან ოჯახის ექიმთან ვიზიტი, რადგან ეს შეიძლება მიუთითებდეს ინფექციაზე ან შიდა ორგანოების პრობლემებზე.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით
ტელეგრამზე: https://t.me/SheniEkimi
