Հայերեն
Azərbaycan dili
English
ქართული
Русский
ავტორი: თამარ ფიცხელაური
მედიაჰოლდინგი 《შენი》დგას ყველა ქართული სტარტაპის გვერდით და მზად არის, საინტერესო ბიზნესწამოწყებების მედიამხარდამჭერი გახდეს.
ამჯერად shenisilamaze.ge გაგაცნობთ ნათია კიკნაძეს, პროფესიით ექიმს, ტანსაცმლის დიზაინერს ქუთაისიდან, რომელიც მხოლოდ ქალბატონებისთვის ქმნის სამოსს… გამოირჩევა ინდივიდუალიზმით, რომელიც მის პროდუქციას განსაკუთრებულს ხდის.
როგორ გამოიყურება წლევანდელი წლის მოდის ტენდენციები; რას ურჩევდა დამწყებ დიზაინერებს; რა მოთხოვნები აქვთ ქუთაისელ მომხმარებლებს, ამ და სხვა საკითხებზე ნათია კიკნაძის ინტერვიუს გთავაზობთ:
– ნათია, გვიამებთ როგორ აღმოაჩინეთ ეს ნიჭი?
– ეს ნიჭი ჯერ კიდევ ბავშვობაში აღმოვაჩინე, როცა მზა სამოსს მიყიდდნენ, აუცილებლად გადავაკეთებდი და შევცვლიდი ჩემებურად. არ მიყვარდა მასობრივი ტანსაცმელი, ყოველთვის ვცდილობდი ვყოფილიყავი ინდივიდუალური და გამორჩეული.
8-9 წლის ასაკიდან ვკერავდი, ჯერ თოჯინებისთვის. ცოტა რომ წამოვიზარდე, ჩემთვისაც ვიკერავდი, ან გადავიკეთებდი ხოლმე ბებოს კაბებს. წლების შემდეგ ამ ჩემმა გატაცებამ ჩემი ძირითადი პროფესია ექიმობაც კი დამათმობინა და მთელი სული და გული მივუძღვენი ამ საყვარელ საქმიანობას.
– ვისთის არის განკუთვნილი თქვენი სამოსი?
– ჩემი სამოსი განკუთვნილია ქალბატონებისთვის, რომელთაც უყვართ ლამაზად და ინდივიდუალურად ჩაცმა.
– ჩემი სამოსი არის ინდივიდუალური. მიყვარს აქსესუარებით, მაქმანებით, ბისერებით და ნაქარგებით გაფორმება.
ფერებს რაც შეეხება, უპირატესობას ვანიჭებ მშვიდ და პასტელურ ფერებს, თუმცა არ გამოვრიცხავ ზომიერ სიჭრელესაც.
– თუ მუშაობთ მომხმარებლის ინტერესების გათვალისწინებით? ანუ იღებთ ინდივიდუალურ შეკვეთებს?
– რა თქმა უნდა, მომხმარებლის ინტერესები პირველ რიგში უნდა იყოს გათვალისწინებული, თუმცა ჩემი რჩევებით ვეხმარები მათ საბოლოოდ ჩამოყალიბებაში. ვიღებთ ინდივიდუალურ შეკვეთებსაც.
– არის თუ არა კონკურენცია თქვენს სფეროში?
– როგორც აღვნიშნე ჩემს მიერ შექმნილი სამოსი ჩემი სტილია და ის გამოირჩევა ინდივიდუალიზმით. კონკურენცია ჩვენს სფეროში უდიდესია, თუმცაღა ჯანსაღი კონკურენცია მისაღებია, რაც კიდევ მეტად გეხმარება განვითარებაში.
– ხარისხი თუ ფასი?
– ხარისხი, რა თქმა უნდა. ფასს რაც შეეხება ვცდილობ იყოს მისაღები, რათა ბევრმა ქალბატონმა შეძლოს შეძენა, ვისაც ჩემი სტილი და სამოსი მოეწონება
– როგორ და სად უნდა მოგმართოთ მომხმარებელმა?
– წლევანდელ მოდის ტენდენციებზეც გვესაუბრეთ..
– წლევანდელი წლის ტენდენციები იმდენად მრავალფეროვანია, არაა რთული მოერგო მოდას ვიზუალური მონაცემებიდან გამომდინარე და ჩაიცვა მოდურად, თან მოხდენილად.
– საინტერესოა, როგორ იცვამენ ქუთაისში?
– ქუთაისში უყვართ ჩაცმა და გაპრანჭვა, თანაც საკმაოდ გემოვნებით!!!
– რას ურჩევდით დამწყებ დიზაინერებს?
– დამწყებ დიზაინერებს ვურჩევ, მიუხედავად დიდი კონკურენციისა ამ სფეროში, არ შეშინდნენ, შეინარჩუნონ თავიანთი ნიშა და ინდივიდუალიზმი, საქმის სიყვარულით და დაუღალავი შრომით შედეგს მიაღწევენ.
ქალბატონებს კი, რომელთაც ლამაზად ჩაცმა უყვართ, ვეტყოდი რომ სწორედ ამისთვის არიან დიზაინერები, რომლებიც ქმნიან ინდივიდუალურ და განსხვავებულ სამოსს.
️
