საქართველოს პირველი არხის გადაცემა „პირადი ექიმი – მარი მალაზონია“
სახე, მკლავი, მეტყველება – როგორ ამოვიცნოთ ინსულტი, რომ გადავარჩინოთ ადამიანი?
ამის შესახებ ნევროლოგი, პროფესორი ალექსანდრე ცისკარიძე საუბრობს.
„ყოველთვის უნდა ვიფიქროთ იმაზე, რომ რაც შეიძლება სწრაფად ვიმოქმედოთ. იმისათვის, რომ სწრაფად ვიმოქმედოთ, ცხადია, დროულად უნდა ამოვიცნოთ ინსულტი და სწორედ, ამერიკაში შექმნილი აბრევიატურა FAST (face, arms, speech, time) გულისხმობს ინსულტის განვითარების ნიშნებს, – ადამიანს ეცვლება სახე, მკლავს ვერ იმორჩილებს, ვერ საუბრობს და მეოთხე საწყისი ამ სიტყვისა(დრო) გახლავთ გადამწყვეტი.
ოჯახის წევრმა, ქუჩაში გამვლელმა, კოლეგამ მაშინვე უნდა დარეკოს სასწრაფოში, პაციენტი დაუყოვნებლივ იყოს გადაყვანილი კლინიკაში, სადაც სიტუაციას მართავენ თანამედროვე სტანდარტების მიხედვით. გაიდლაინებში, სასწრაფო დახმარების ექიმის დრო მნიშვნელოვნად შემჭიდროებულია, ადამიანის სიცოცხლეს საფრთხე თუ არ ემუქრება, ადგილზე მკურნალობის დაწყებაც არ არის რეკომენდებული. თითოეული წუთი დაკავშირებულია რამდენიმე მილიონ ტვინის უჯრედის ფუნქციონირების გადარჩენასთან”
მასალის გამოყენების პირობები
