31/03/2021
ავტორი: ირინა დათაშვილი
საზოგადოებრივ ჯანდაცვი ექსპერტი, გაეროს გენერალური მდივნისა და ვაქცინებისა და იმუნიზაციების გლობალური ალიანსის მრჩეველი,პროფესორი გიორგი ფხაკაძე ვაქცინების შესახებ საუბრობს:
„მცირე განმარტება ვაქცინებთან დაკავშირებით, – უკვე სამმა დიდმა ქვეყანამ მიიღო გადაწყვეტილება, შეაჩერონ „ასტრაზენეკას“გამოყენება 55-60 წელზე ქვემოთ ასაკის ადამიანებში (გერმანიამ – 60 წელს ქვემოთ, კანადამ და საფრანგეთმა – 55 წელს ქვემოთ)
ევროპის ძლიერი მარეგულირებლები ყურადღებით აკვირდებიან ვაქცინაციის პროცესს. მიღებული გადაწყვეტილებები ძლიერი ინდიკატორია იმის, რომ საქართველომ მაგალითი უნდა აიღოს მხოლოდ ევროპელი მეგობრებისგან. საქართველოში არ უნდა შემოვიტანოთ არც ერთი COVID-19 ვაქცინა და მედიკამენტი, რომელიც ჯანდაცვის მსოფლიო ორგანოზაციის და ევროკავშირის წამლის სააგენტოს მიერ რეკომენდირებული არ არის. რამდენი ხნის წინ ვთქვი „ასტრაზენეკას“ შეჩერების საჭიროებაზე 55 წლის ასაკის ქვემოთ ადამიანებში და გავილანძღე. როცა რაღაცას ვამბობ, გთხოვთ, დამიჯერეთ, მეტი რა ენაზე უნდა გითხრათ, არ ვიცი.
„ნოვავაქს“ რაც შეეხება, ვიყიდოთ, დავასაწყობოთ, მაგრამ გამოვიყენოთ მხოლოდ მაშინ, როცა ჯანდაცვის მსოფლიო ორგანიზაცია იტყვის, რომ ეს ვაქცინა კარგია. ამ ეტაპზე კორონავირუსთან ბრძოლის ყველაზე მძლავრ იარაღად ისევ რჩება სამედიცინო პირბადე და მოგიწოდებთ, გამოვიყენოთ ის. ასევე, უნდა დავნერგოთ ელექტრონული ჯანდაცვა, – ეს არის ის, რაც დღესვეა გასაკეთებელი და ძალიან ფრთხილად უნდა ვმართოთ ვაქცინაციის პროცესი“ – განაცხადა გიორგი ფხაკაძემ. რაც შეეხება „საქართველოს აკრედიტაციას“, გიორგი ფხაკაძის თქმით, უკვე 9 სამედიცინო დაწესებულებამ გამოხატა დამოუკიდებელი და ნებაყოფლობითი აკრედიტაციის გავლის სურვილი, კიდევ რამდენიმე მუშა პროცესშია.
-„ აკრედიტაციის შედეგად ქვეყანაში გვექნება კარგი და ძალიან კარგი საავადმყოფოები. ყველა იმ უნივერსიტეტს, სადაც არის იურიდიული და სამედიცინო ფაკულტეტი, მოგიწოდებთ თანამშრომლობისკენ – „საქართველოს აკრედიტაცის“ ინიციატივის ფარგლებში ერთ-ერთი ინდიკატორი არის პაციენტის უფლებები და გთხოვთ, ამ მიმართულებით ჩაერთოთ პროცესებში. ასევე მივმართავ პაციენტის უფლებების სფეროში მომუშავე ორგანიზაციებს, კარგი იქნება, სამედიცინო დაწესებულებებში პაციენტის უფლებების მიმართულებით ვითანამშრომლოთ. მივმართავ ასევე სამედიცინო უნივერსიტეტებს, კოლეჯებს – ძალიან მნიშვნელოვანია აკადემიური ინსტიტუციების ჩართულობა აკრედიტაციის პროცესში უწყვეტი სამედიცინო განათლებისა და სამედიცინო დაწესებულებებში ხარისხის სტანდარტებისა და ინდიკატორების გაუმჯობესების კუთხით. დღეს უკვე ჩატარდა ერთი შეხვედრა სხვადასხვა უნივერსიტეტების წარმომადგენლებთან. კვირის ბოლომდე სამუშაო ჯგუფის ფორმატში კიდევ ერთი შეხვედრა გაიმართება, სადაც უწყვეტ სამედიცინო განათლებასა და იმ მინიმალურ ინდიკატორებზე იქნება საუბარი, რომელიც სამედიცინო დაწესებულებებში ხარისხის სტანდარტების გაუმჯობესების საშულაებას მოგვცემს.
შეიქმნება ორი სამუშაო ჯგუფი: 1. პაციენტის უფლებების დაცვის მიმართულებით და 2.უწყვეტი სამედიცინო განათლებისა და ხარისხის სტადარტების ინდიკატორების შემუშავების მიმართულებით. ორვე ჯგუფის სამუშაო შეხვედრა ჩატარდება კვირის ბოლომდე.
შესაბამის ორგანიზაციებსა და აკადემიურ ინსტიტუციებს გთხოვთ, აკრედიტაციის პროცესში მონაწილეობის სურვილის შემთხვევაში გამომიგზავნეთ წერილი პირად შეტყობინებაში ან accreditation.ge მითითებულ მეილზე – info@accreditation.ge რამდენიმე უნივერისტეტმა უკვე გამოხატა თანამშრომლობის სურვილი, ამ ინფორმაციას დავდებ ვებგვერდზე, ყველაფერი იქნება გამჭვირვალე. ჩვენ უნდა ავაშენოთ არა რაოდენობრივი, არამედ ხარისხიანი ჯანდაცვა. ჩვენ უნდა მივხედოთ ჩვენს ქვეყანას“ – განაცხადა გიორგი ფხაკაძემ. საზოგადოებრივი ჯანდაცვის ექსპერტი გიორგი ფხაკაძე საქართველოს სამედიცინო დაწესებულებების დამოუკიდებელი შეფასებისა და აკრედიტაციის ინიციატივით გამოდის.
აღნიშნული ინიციატივა ფრანგული ორგანიზაციის – „აკრედიტაცია საზღვრების გარეშე“ – მიერ არის მხარდაჭერილი. გაეროს გენერალური მდივნის მრჩევლის ჯანდაცვის საკითხებში, პროფესორ გიორგი ფხაკაძის „საქართველოს აკრედიტაციის ინიციატივა“ გულისხმობს საქართველოს სამედიცინო დაწესებულებების ხარისხის კონტროლის ამაღლებას.
Professor Giorgi Pkhakadze, MD, MPH, PhD
#drpkhakadze#accreditationge#გიორგიფხაკაძე
Профессор Гиорги Пхакадзе. #ПрофессорПхакадзе
