ორშაბათი, მარტი 31, 2025
- Advertisement -spot_img
მთავარიბლოგი„ვინც აკრიტიკებთ გიორგი ღოღობერიძეს… გახსოვდეთ, – არსებობს სინდისი“- გიორგი ფხაკაძე

„ვინც აკრიტიკებთ გიორგი ღოღობერიძეს… გახსოვდეთ, – არსებობს სინდისი“- გიორგი ფხაკაძე

08/05/2021

ავტორი: ირინა დათაშვილი

#datashvil

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე გვესაუბრა:

„დიდი მადლობა თქვენი წერილებისთვის, კომენტარებისთვის, გამოხმაურებისთვის. იმედი მაქვს, ის ინფორმაცია, რომელსაც ჩემს ფეისბუქგვერდზე ვდებ, თქვენთვის პრაქტიკული და საინტერესოა.

ამ ბოლო დროს იმდენი ლანძღვა და ნეგატივი წამოვიდა ჩემი მისამართით, სიმართლე გითხრათ, ცოტათი დამთრგუნველიცაა. სისულელეებს წერენ, შეკვეთილი სტატიები და ა.შ., შევეჩვიე კიდეც, მაგრამ დღეს ერთი პატარა ლაივი მინდა ჩავწერო იმაზე, რაც ძალიან მომხვდა გულზე და ეს ჩემს შესახებ არ არის;


მე მეგონა, მარტო მე მლანძღავდნენ და თურმე სადა ხარ?! ინტერნეტში გადავაწყდი ნეგატიურ პოსტებს ჩემს ახალგაზრდა, ნიჭიერ და პერსპექტიურ კოლეგაზე, გიორგი ღოღობერიძეზე. არ დავასახელებ ინფორმაციის წყაროს და იმას, თუ ვინ დაწერა, უნებლიეთ ტირაჟირება რომ არ გავუკეთო ამ შურიან პასკვილს. ისე მეწყინა, ვერ წარმოგიდგენიათ!

გასაგებია, ახალგაზრდა როცა ხარ, შეიძლება, რაღაც შეცდომა დაუშვა, ეს ნორმალურია. შეცდომას ყველა უშვებს, მეც, ამხელა გამოცდილებისმქონე. შეცდომა ადამიანურია.

მე გადავხედე გიორგი ღოღობერიძის ჩაწერილს ვიდეოებს. ეს არის ახალგაზრდა სპეციალისტი, ძალიან ნიჭიერი, ჭკვიანი და მონდომებული. რა თქმა უნდა, უნდა გაიზარდოს, კიდევ მეტი გამოცდილება უნდა შეიძინოს. გამოცდილება არის დრო, დროს ვერ იყიდი. შეიძლება, აქვს რაღაც პატარა ტექნიკური შეცდომები, მაგრამ ეს ნორმალურია. ის კითხულობს უამრავ ინფორმაციას, რომელიც არის, რა თქმა უნდა, ინგლისურად, ანალიზს აკეთებს, და შემდეგ გასაგებ ენაზე აწვდის ხალხს. ფაქტიურად ადამიანი ეწევა საზოგადოების განათლებას. ნეტავი ასეთი ბევრი გვყავდეს. შეიძლება, ასე გადაუარო და სტიმული დააკარგვინო?!


ვინც აკრიტიკებთ გიორგის, ნეტავ თქვენ გაგეკეთებინათ ის, რასაც ის ახერხებს. ამ უაზრო სისულელეების წერას, ეს ჯობდა. ჩვეულებრივ მოქალაქეებზე არ მაქვს საუბარი, როცა სხვა კოლეგები ასე უსამართლოდ აკრიტიკებენ, საწყენია. თუ ასეთი მაგრები ხართ, თქვენ გააკეთეთ, გიშლით ვინმე ხელს?! თუ არადა შური ქვია ამას!

მეგობრებო, სისულელეებს ნუ აჰყვებით. შეცდომები ყველას მოსდის, უშეცდომო მხოლოდ ღმერთია. შეიძლება, ახალგაზრდას რაღაც გამორჩეს ან ინფორმაცია სხვანაირად გადმოსცეს, არაა პრობლემა. რატომ იმას არ უყურებენ, რამდენ პოზიტიურ და საჭირო ინფორმაციას ავრცელებს ღოღობერიძე?! საზოგადოებას ანათლებს.

მეც, ჩემდამი ტალახის სროლის შემდეგ რამდენჯერმე ვიფიქრე, აღარ გავაკეთებ ლაივებს-მეთქი, მაგრამ იმდენმა ადამიანმა მომმართა სხვადასხვა შეკითხვით, მივხვდი, ხალხის 99%-ს სჭირდება, რასაც ვაკეთებ. ასევე ღოღობერიძეც აკეთებს ძალიან მნიშვნელოვან საქმეს. დროთა განმავლობაში კიდევ უფრო დაიხვეწება, გაიზრდება, კიდევ უფრო დიდ გამოცდილებას დააგროვებს. რა უბედურებაა ეს ბოღმა, იმის ნაცვლად, რომ ერთმანეთს დავეხმაროთ, მხარი დავუჭიროთ?!

გიორგი ღოღობერიძეს არანაირი მხარდაჭერა არ სჭირდება, ძალიან ძლიერი ადამიანია, ამ მტრობასაც გაართმევს თავს, როგორც დავინახე, სწორად აკეთებს თავის საქმეს, მაგრამ ვერ მოვითმინე, არ მეთქვა.

საქართველო პატარა ქვეყანაა, იმის ნაცვლად, რომ ერთმანეთს ვუმტროთ, ჯობს, მხარში ამოვუდგეთ. როცა სხვას უთხრით მიწას, ამით საკუთარ თავს უთხრით სინამდვილეში. თუ ვინმეს რამის გაკეთება შეუძლია, ხელი უნდა შევუწყოთ, გასაკეთებელი კი ამ ქვეყანაში იმდენია, ყველას ეყოფა – გააკეთეთ! არაა საჭირო ნეგატივი.

იმედი მაქვს, გიორგი ღოღობერიძე არ ჩავარდება ამ მტრულ „ხაფანგში“, პირიქით, გაძლიერდება და გააგრძელებს წინსვლას და იმ ძალიან მნიშვნელოვან საქმეს, რასაც აკეთებს, ის საზოგადოებას საჭირო ინფორმაციებს მიაწვდის.

გახსოვდეთ, 100%-იანი მედიცინა არ არსებობს. მედიცინა არის 90%, 10% შეცდომებია. ასევე, როცა რაღაცას წერთ, გახსოვდეთ, – არსებობს სინდისი“.



Professor Giorgi Pkhakadze, MD, MPH, PhD

#drpkhakadze #accreditationge #გიორგიფხაკაძე

Профессор Гиорги Пхакадзе. #ПрофессорПхакадзе


https://youtube.com/@drpkhakadze

მასალის გამოყენების პირობები
მსგავსი სიახლეები
რჩევები ტაჯიკეთში მოგზაურობამდე

რჩევები ტაჯიკეთში მოგზაურობამდე

27 March, 2025
მიხეილ სარჯველაძე საერთაშორისო კონფერენციაში – „მშვიდობისა და ნდობის წელი: საერთაშორისო ქმედებების განვითარება ბავშვებისთვის“, მონაწილეობს

მიხეილ სარჯველაძე საერთაშორისო კონფერენციაში – „მშვიდობისა და ნდობის წელი: საერთაშორისო ქმედებების განვითარება ბავშვებისთვის“, მონაწილეობს

მარტი 31, 2025
„ბრიტიშ ეარვეისმა“ საქართველოს ავიაბაზარზე ოპერირება დაიწყო

„ბრიტიშ ეარვეისმა“ საქართველოს ავიაბაზარზე ოპერირება დაიწყო

31 მარტი 2025
სწორი პოზიცია ლეპტოპთან მუშაობისას – რჩევა საქართველოს ერგონომიკის ასოციაციისგან

სწორი პოზიცია ლეპტოპთან მუშაობისას – რჩევა საქართველოს ერგონომიკის ასოციაციისგან

მარტი 31, 2025
29-30 მარტს საქართველოს ზოგიერთ, ხოლო 31 მარტს უმეტეს რაიონში მოსალოდნელია ხანმოკლე წვიმა და ელჭექი

29-30 მარტს საქართველოს ზოგიერთ, ხოლო 31 მარტს უმეტეს რაიონში მოსალოდნელია ხანმოკლე წვიმა და ელჭექი

მარტი 28, 2025
“ერთადერთი ვაჟი ვერ გადაარჩინა” – ჯუნა დავითაშვილის ტრაგიკული ბედი, დაწყევლილი მემკვიდრეობა და წარუმატებელი ქორწინება ქართველ საჯარო მოხელესთან

“ერთადერთი ვაჟი ვერ გადაარჩინა” – ჯუნა დავითაშვილის ტრაგიკული ბედი, დაწყევლილი მემკვიდრეობა და წარუმატებელი ქორწინება ქართველ საჯარო მოხელესთან

21 თებერვალი 2025
თბილისის ფუნიკულიორი 120 წლისაა

თბილისის ფუნიკულიორი 120 წლისაა

მარტი 27, 2025
21 მარტის ასტროლოგიური პროგნოზი

21 მარტის ასტროლოგიური პროგნოზი

მარტი 21, 2024
გგონია, უბრალოდ ჭარბად ჭამ? ეს შეიძლება კვებითი აშლილობა იყოს!

გგონია, უბრალოდ ჭარბად ჭამ? ეს შეიძლება კვებითი აშლილობა იყოს!

მარტი 30, 2025
რჩევები, რომლებიც საზღვარგარეთ სწავლის დაწყებამდე გამოგადგებათ

რჩევები, რომლებიც საზღვარგარეთ სწავლის დაწყებამდე გამოგადგებათ

29 მარტი 2025
ბესიკის ქუჩა – ძველი სახლები, პოეტის სახელი და თბილისის სული ერთ სივრცეში

ბესიკის ქუჩა – ძველი სახლები, პოეტის სახელი და თბილისის სული ერთ სივრცეში

მარტი 30, 2025
მინის ალტერნატივა, რომელიც პლასტმასს ჩაანაცვლებს — გამჭვირვალე ხე ბიომასალით

მინის ალტერნატივა, რომელიც პლასტმასს ჩაანაცვლებს — გამჭვირვალე ხე ბიომასალით

მარტი 30, 2025
მედიაჰოლდინგი “შენი”, გიორგი ფხაკაძის ხელმძღვანელობით, 30M+ ნახვით, საქართველოში ლიდერი, დამოუკიდებელი მედიაა

მედიაჰოლდინგი “შენი”, გიორგი ფხაკაძის ხელმძღვანელობით, 30M+ ნახვით, საქართველოში ლიდერი, დამოუკიდებელი მედიაა

თებერვალი 4, 2025
spot_img

ბოლო სიახლეები