დაღლილი და ჭუჭყიანი ხელებისთვის
სკრაბი შეიცავს ამქერცლავ დაფქულ ბრინჯსა და პემზის ფხვნილს,რაც მყარ, თუმცა ნაზ კონსისტენციას იძლევა. ნუშის ზეთი მკვებავია და ზეითუნის ზეთთან შერეულს შეუძლია დაარბილოს, დაამშვიდოს, განკურნოს და დაიცვას კანი. როზმარინის ეთერზეთის მასტიმულირებელი მოქმედება შესანიშნავია დაღლილი და გადაქანცული კუნთებისთვის.
ინგრედიენტები
როზმარინის ეთერზეთი
მაცოცხლებელი და დამათბობელი, ეს ზეთი შესანიშნავია გადაღლილი ხელებისთვის.
პემზის ფხვნილი
ეს სახეხია, რომელიც მკვდარ კანს აცილებს და აცოცხლებს.
ზეითუნის ზეთი
ეს ზეთი კვებავს, ამშვიდებს, არბილებს, იცავს და კურნავს კანს.
ნუშის ზეთი
ეს მკვებავი და ანთების საწინააღმდეგო ზეთია.
დაფქული ბრინჯი
ნაზი სახეხია კანის მკვდარი უჯრედების მოსაცილებლად.
50 გრამი კრემის რომ მოვამზადოთ საჭიროა:
დაფქული ბრინჯი 1 ს/კ
პემზის ფხვნილი 1 ს/კ
ნუშის ზეთი 1 ს/კ
ზეითუნის ზეთი 1 ს/კ
როზმარინის ეთერზეთი 10 წვეთი
მოათავსეთ ყველა ინგრედიენტი ერთად და აურიეთ.
გადაიტანეთ მინის ქილაში და თავდახურული ბნელ ადგილას შეინახეთ.
შენახვის ვადა 3 თვე.
შეიზილეთ მუშაობის შემდეგ ხელის კანში 1-2 წუთის განმავლობაში. შემდეგ დაიბანეთ თბილი წყლით და წაისვით რომელიმე ხელის დამარბილებელი კრემი.
