ბელა ჰადიდი ბრენდის სახე ოფიციალურად გახდა
ბელა ჰადიდი მსოფლიოში ცნობილმა შვეიცარიულმა საიუველირო სახლმა, Chopard-მა საკუთარ გლობალურ ბრენდ ამბასადორად დაასახელა. შესაბამისი ფოტოები მან საკუთარ სოციალურ ქსელებშიც გამოაქვეყნა.
Chopard-ის სარეკლამო კამპანიის ფარგლებში, ბელა ჰადიდმა ფოტოგრაფ ალასდერ მაკლელანთან ითანამშრომლა. მოდელმა საიუველირო ნივთები და საათები ბრენდის სხვადასხვა კოლექციიდან მოირგო.
“ბელა Chopard-ის სულს განასახიერებს. დახვეწილი, ელეგანტური და სიცოცხლისადმი ლტოლვის ჰარმონიული კომბინაცია ყველას ყურადღებას იპყრობს და ამავდროულად, ჩვენს საათებსა და სამკაულებში ჩადებულ იდეებს ახმოვანებს.” – ამბობს Chopard-ის კრეატიული დირექტორი კაროლინ შოიფელი.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
