ბიორევიტალიზაცია, ბოტოქსი თუ სხვა გამაახალგაზრდავებელ- გამაჯანსაღებელი პროცედურები, ასევე ინექციური ჩარევები დღეს დიდი პოპულარობით სარგებლობს ქალბატონებში და არამარტო…
ბევრს სურს, ასაკი დაიკლოს, სხვადასხვა ასიმეტრიული ნაკლი დაფაროს და გაასწოროს, ან, უბრალოდ, მიაღწიოს სრულყოფილებას.
მედიაჰოლდინგ “შენის” რესპონდენტი კოსმეტოლოგ – ესთეტიკი ნატალია ბარბარქაძე გაგაცნობთ რა სიფრთხილის ზომები უნდა დაიცვათ, რა უნდა იცოდეთ სანამ კოსმეტოლოგიურ- ესთეტიურ კაბინეტს ესტუმრებით და კიდევ ბევრ საინტერესო დეტალს ვრცლად ინტერვიუდან შეიტობთ:
– ნატალია, გაეცანით ჩვენს მკითხველს…
– მე ვარ ნატალია ბარბაქაძე, 40 წლის. პროფესიით გახლავართ კლინიკის მენეჯერი, მედდა.
– ნატალია, როდის გადაწყვიტეთ მედიცინიდან ესთეტიკაში გადასვლა და რატომ?… ყველა ესთეტიკს უნდა ჰქონდეს თუ არა სამედიცინო განათლება?
– ზოგადად, ყოველთვის მომწონდა ეს სფერო, დიდ ინტერესს იწვევდა ჩემში და გადავწყვიტე ცოდნის გაღრმავება. რატომ? – სულ ვფიქრობდი რომ ეს სფერო ჩემია.
რაც შეეხება სამედიცინო განათლებას – დიახ, აუცილებელია ყველა ესთეტიკისთვის, რადგან ღრმა ცოდნის გარეშე, შეუძლებელია გართულებების გარეშე მუშაობა.
– უფრო რომელი პროცედურებია პოპულარული?
– პოპულარული პროცედურები და ხელმისაწვდომიც არის ბიორევიტალიზაცია, ბოტულინოთერაპია, ბუსტერი, ტუჩის მოდელირება.
– ვრცლად გვიამბეთ ამ პროცედურების შესახებ…
– ბიორევიტალიზაცია მიღებულია, როგორც ერთ-ერთი საუკეთესო და უსაფრთხო გაახალგაზრდავების მეთოდი ქირურგიული ჩარევის გარეშე. ბიორევიტალიზაციის პროცედურა გულისხმობს უშუალოდ სპეციალისტის მიერ დერმისზედა და ღრმა შრეების გამდიდრებას გარე სტიმულირების ფაქტორებით: პრეპარატი, ულტრაბგერა, ლაზერი, მაგნიტური ტალღა, სიცივე და სხვა.
რაც შეეხება ბოტულინოთერაპიას – ეს გახლავთ მიმიკური ნაოჭების კორექცია. მიმიკური ნაოჭები სხვადასხვა ასაკში ყველაზე მძაფრად თვალების ირგვლივ და შუბლის მიდამოში ჩნდება, მათი კორექციის საუკეთესო საშუალებას ბოტოქსის ინექციები წარმოადგენს.
ბუსტერი არის ინოვაციური, გამაახალგაზრდავებელი ინექციური პროცედურა, რომელიც ეფუძნება ჰიალურონის მჟავის უნიკალურ საფუძველს. პროცედურის დროს ხდება: კანის ღრმა დატენიანება, კოლაგენისა და ელასტინის სინთეზის სტიმულირება, თავისუფალი რადიკალების ბლოკირება.
-რა ფასიდან იწყება თქვენთან პროცედურების ღირებულება?
-150 ლარიდან ზემოთ.
– თუ გახსენდებათ ასეთი შემთხვევა, სხვაგან გაკეთებული პროცედურით უკმაყოფილო მომხმარებელი თქვენთან მოსულიყოს პრობლემის გამოსასწორებლად?
-კი ტუჩი ჰქონდა გაკეთებული რაღაც პლასტმასის ფილერით, სავარაუდოდ და ისე მოხდა, რომ პრობლემა გავასწორეთ და პაციენტი დაბრუნდა ბედნიერი. ასევე ბოტოქსის შედეგად ფტოზი იყო ქუთუთოების და ესეც მოვაგვარეთ.
– არის კატეგორია, რომელსაც არ სჭირდება არანაირი ჩარევა, მაგრამ მოდას არის აყოლილი… ასეთი პაციენტი თუ გაგიშვიათ უარით?
– კი ძალიან ბევრი და ისე ავუხსენი და დავანახე ეს ყველაფერი, რომ მადლობებით გაბრუნებულან უკან.
– ძირითადად რა ასაკის მომხმარებელები სარგებლობენ თქვენი პროცედურებით?
– 20 წლიდან ზემოთ.
– რას ურჩევთ ქალბატონებს – რა ასაკიდან უნდა დაიწყოს ქალმა გამაახალგაზრდავებელი პროცედურების ჩატარება და რა ინტენსივობით?
– გამაჯანსაღებელი პროცედურები სასურველია 20 წლის ასაკიდან დაიწყოთ, რადგან კოლაგენის გამომუშავება უკვე მცირდება და სწორედ ამ დროს უნდა დავეხმაროთ კანს სიჯანსაღისა და ახალგაზრდობის შენარჩუნებაში. რაც შეეხება ინტენსივობას, სასურველია 6 თვეში ერთხელ ამ პროცედურების ჩატარება.
– რა სიფრთხილის ზომები უნდა მივიღოთ?
– სიფრთხილის ზომები მიღება აუცილებელია. პირველ რიგში უნდა მივმართოთ კვალიფიციურ და სანდო სპეციალისტს, ასევე აუცილებლად უნდა გავეცნოთ პრეპარატის ხარისხს და გავიგოთ კონკრეტული პროცედურის უკუჩვენებების შესახებ.
– თუ სჭირდება კანს სპეციალური მოვლა გარკვეული პროცედურების შემდეგ?
– პროცედურის შემდეგ რა თქმა უნდა, აუცილებელია კანის მოვლა. ყველა პროცედურას ინდივიდუალური კანის მოვლის რეკომენდაცია აქვს, რასაც ვუზიარებთ პაციენტებს.
– თქვენი სამომავლო გეგმები როგორია? რა არის თქვენი მიზანი?
– სამომავლოდ ძალიან მინდა შევძლო, ყველა ქალისთვის გახდეს ხელმისაწვდომი ესთეტიკური პროცედურები.
ავტორი – თაკო ფიცხელაური
#drpkhakadze #გიორგიფხაკაძე #pitskhelauri #აქხარისხია
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
