დიდი ხანია ხალხურმა მედიცინამ გამიტაცა. ბაღის შროშანის ყვავილებისაგან შეიძლება ნაყენის მომზადება, რომელიც კუნთების ტკივილისას დიდ დახმარებას გაგვიწევს.
როგორ მოვამზადოთ ნაყენი:
კარგად გაშლილი ბაღის შროშანის ყვავილები მოვათავსოთ მუქი მინის ქილაში ან ბოთლში, დავასხათ სუფთა სპირტი( სპირტი ყვავილებს უნდა ასცდეს ორი თითის დადებაზე ), მჭიდროდ დავახუროთ და დავდგათ 6 კვირის განმავლობაში ბნელ, გრილ ადგილას.
საკმარისია მტკივანი ადგილი ამ ნაყენით დაიზილოთ, რომ ტკივილი გაგივლით.
მეგობრებს არ სჯეროდათ ამ “სასწაულმოქმედი” ნაყენის, მაგრამ აზრი ეცვლებოდათ გამოყენებისთანავე. ვისაც არ ეხერხება, სიამოვნებით ვუმზადებ. ისინი იკურნებიან, მე კიდევ ამით კმაყოფილი ვარ.
არსებობს კუნთების ტკივილის სამკურნალო სხვა რეცეპტებიც, რომლებიც ასევე შეგიძლიათ თქვენ თვითონ მოამზადოთ:
შინაურ პირობებში დასაშვებია კუნთების დაზელა ევკალიპტის, როზმარინის, ლავანდის, მაიორანის, ფიჭვის განზავებული ეთერზეთებით. ასეთი მასაჟი ახურებს და ადუნებს დაზიანებულ კუნთოვან ბოჭკოებს და აძლიერებს სისხლის მიმოქცევას.
ეფექტურია მუხის ქერქისა და ნაძვის ან ქრისტესისხლას აბაზანები.
წინასწარ გასაპნულ კომბოსტოს ორ ფურცელს წაუსვით საჭმელი სოდა და მიიდეთ დაზიანებულ ადგილას. ზევიდან გადააფარეთ დოლბანდი.
ტკივილისას მეტად ეფექტურია მინდვრის შვიტას კომპრესები და მალამო, აიღეთ 4 გ დამარილებული ღორის ქონი ან დამარილებული ნაღების კარაქი, კარგად შეურიეთ 1 გ გამომშრალი შვიტა და მტკივან კუნთებში შეიზილეთ.
აიღეთ თითო სადილის კოვზი ვაშლის ძმარი და თაფლი, დაასხით ერთი ჭიქა წყალი და კარგად აურიეთ. მიიღეთ 2-3 ჭიქა დღეში. სასურველია, იმავდროულად სხეული ვაშლის ძმრით დაიზილოთ. ერთი თვის შემდეგ 10 დღით შეისვენეთ.
კოწახურის ტოტის ქერქს დაასხით 1 ჭიქა 70%-იანი სპირტი და 7-10 დღით დააყენეთ სიბნელეში. მიიღეთ 30 წვეთი დღეში 3-ჯერ. ყოველი ერთთვიანი კურსის შემდეგ 10 დღე შეისვენეთ.
