ქართველი მოდელი მატილდა გვარლიანი თავის განსაკუთრებული სილამაზითა და არაორდინარული გარეგნობით საერთაშორისო წარმატებას აღწევს.
მატილდა გვარლიანი ისეთ ცნობილ ბრენდებთან თანამშრომლობდა, როგორებიცაა Valentino, Fendi და Dolce & Gabbana.
მატილდას განსხვავებულ და განსაკუთრებულ გარეგნობას ბევრი უსვამს ხაზს, მისი არაორდინარული სილამაზე კი ყოველთვის იქცევს გარშემომყოფთა ყურადღებას.
როგორც თავად ამბობს, გაყოფილი კბილები ერთ დროს მას აკომპლექსებდა, მაგრამ ახლა თვლის, რომ სწორედ არასტანდარტული სახე გახდა მისი წარმატების ერთ-ერთი მიზეზი.
მატილდა გვარლიანი სხვა ამპლუაშიც წარსდგა მაყურებლის წინაშე. და ფილმში “მემენტო მორი” მიიღო მონაწილეობა. ფილმის რეჟისორი გიორგი ქადაგიძეა, ფილმში კი მატილდასთან ერთად ზურა ყიფშიძე და გიორგი ტიგინაშვილი თამაშობენ. მთავარი გმირის, მარიამის ცხოვრება სამუდამოდ იცვლება მას შემდეგ, რაც მას სასიკვდილო დაავადების დიაგნოზი დაუსვეს. ახალგაზრდა გოგონამ, რომელიც ახლა მამასთან ერთად ცხოვრობს, დიდი ხნის წინ დაკარგა მოსიყვარულე დედა… ფილმი ტელეეკრანებზე 2021 წელს გამოვიდა.
22 წლის მოდელს წარმატებული სამოდელო კარიერა აქვს. მატილდა გვარლიანი არაერთი ცნობილი ბრენდის სახეა.
ცოტა ხნის წინ ცნობილი გახდა, რომ მატილდა გვარლიანი TOP 50 მოდელს შორისაა! Models.com-ზე აღნიშნულია, რომ მოდელებმა, რომლებიც Top 50-ში მოხვდნენ, შეძლეს შთაბეჭდილება მოეხდინათ დიზაინერებზე, კასტინგდირექტორებზე, ფოტოგრაფებსა და ა.შ. მათ თავი საუკეთესოდ წარმოაჩინეს და ისინი მომავალი სუპერმოდელები არიან.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
