რით განსხვავდება დეოდორანტი და ანტიპერსპირანტი ერთმანეთისაგან?

დეოდორანტს და ანტიპერსპირანტს დღეს რეგულარულად მოიხმარენ ქალებიც და მამაკაცებიც, მაგრამ ცოტამ თუ იცის, რომ ეს ორი პროდუქტი ერთმანეთისგან განსხვავდება. არსებობს მოსაზრებაც, რომ დეოდორანტი და ანტიპერსპირანტი ზრდის ძუძუს კიბოს განვითარების რისკს, ამიტომ ბევრი თავს იკავებს მათი მოხმარებისგან.

სინამდვილეში ანტიპერსპირანტი ბლოკავს საოფლე ჯირკვლების მოქმედებას და აჩერებს ოფლის გამოყოფას, დეოდორანტი კი ახშობს უსიამოვნო სუნს, რომელიც კანზე ადამიანის მიკროფლორის შემადგენელი ბაქტერიების გამრავლების შედეგად ჩნდება.

მაშინ როდესაც დეოდორანტი კოსმეტიკურ პროდუქტად განიხილება, ანტიპერსპირანტი კლასიფიცირდება როგორც სამედიცინო ნაწარმი, ამიტომ მის წარმოებას აშშ-ში სურსათისა და მედიკამენტების უსაფრთხოების სამსახური (FDA) აკონტროლებს.

ანტიპერსპირანტი მანამდე უნდა დაიტანოთ კანზე, სანამ ოფლის გამოყოფა დაიწყება. სხვა შემთხვევაში ის ეფექტურად ვერ შეაკავებს პროცესს.

ანტიპერსპირანტი ყველაზე ეფექტურია სუფთა, მშრალ კანზე დატანისას. თუ მას დილით, შხაპის მიღებისთანავე დაიტანთ, კანი შესაძლოა ჯერ კიდევ ნოტიო იყოს და პროდუქტი კარგად ვერ შეიწოვოს.

რაც შეეხება დეოდორანტს, ის შეიცავს ანტიბაქტერიული მოქმედების ინგრედიენტებს, რომლებიც ხელს უშლის კანზე ბაქტერიების გამრავლებას. ის ორ ეტაპად მოქმედებს: პირველ ეტაპზე ამცირებს იმ მიკრობების რაოდენობას, რომლებიც უსიამოვნო სუნს იწვევს, მომდევნოზე კი თავად ოფლის სუნს ნიღბავს და სასიამოვნოდ ცვლის.

დეოდორანტიც და ანტიპერსპირანტიც უსაფრთხოდაა მიჩნეული, მაგრამ ისეთი ინგრედიენტები, როგორებიცაა ალუმინი და პარაბენები, რომლებსაც ზოგიერთი პროდუქტი შეიცავს, ნამდვილად არასასურველია ჯანმრთელობისთვის, ამიტომ დღესდღეობით აქტიურად მიმდინარეობს უფრო ჯანსაღი და ბუნებრივი ინგრედიენტებით მათი ჩანაცვლება.

თუ ალერგიული ხართ, ყურადღებით წაიკითხეთ ინგრედიენტების ჩამონათვალი – ის ანტიპერსპირანტები და დეოდორანტები, რომლებიც სურნელის გამომყოფ ინგრედიენტებს შეიცავს, ხშირად გვევლინება ალერგიული კონტაქტური დერმატიტის რისკფაქტორებად, ამიტომ სასურველია იცოდეთ, რომელი ნივთიერებები შედის ამ პროდუქტების შემადგენლობაში და რამდენად საშიშია ისინი თქვენი ჯანმრთელობისთვის.

წყარო: https://www.aversi.ge/

#drpkhakadze  #shenisilamaze  #gochadze 

SheniSilamaze.ge

#drpkhakadze

See Full Bio

READ  სრულყოფილი ძილი აუცილებელია სტრესის ჰორმონის, კორტიზოლის, დონის დასარეგულირებლად და ზოგადად, ჰორმონების ბალანსის გასაუმჯობესებლად