ქერტლი მაშინაც კი შეიძლება გაჩნდეს, როცა თმის მოსავლელად არაფერს იშურებ. ქერტლის საწინააღმდეგო საშუალებები მის ერთხელ და სამუდამოდ გაქრობას გვპირდებიან, მაგრამ მოლოდინი ყოველთვის არ მართლდება.
რას ვაკეთებთ არასწორად?
ქერტლის წარმოქმნა უწყვეტი პროცესია. ეპიდერმისი, კანის ზედა შრე, რამდენიმე ფენად განლაგებული უჯრედებისგან შედგება. უჯრედები განუწყვეტლივ მიგრირებენ შიგნიდან გარეთ, საბოლოოდ კი იხოცებიან და ცვივიან, მათ ადგილს კი ახლები იკავებენ.
როცა კანის განახლების პროცესი ნორმალურად მიმდინარეობს, ის თითქმის შეუმჩნეველია, მაგრამ ზოგჯერ ჩვეულებრივზე მეტი უჯრედი კვდება და ჩამოიფქცვნება ან ჩამოფცქვნილი უჯრედები ერთად გროვდებიან. სწორედ ამ დროს ჩნდება ქერტლი.
ექსპერტები ვარაუდობენ, რომ ქერტლისადმი მიდრეკილებას შესაძლოა მემკვიდრეობითი ბუნება ჰქონდეს.
ქერტლის გაჩენას ხელს უწყობს სტრესიც. ის გავლენას ახდენს კანის მეტაბოლიზმზე, ხოლო როცა კანის დამცავი ბარიერი ირღვევა, როგორც გითხარით, მრავლდება სოკო, რამაც შესაძლოა ქერტლი გამოიწვიოს.
ქერტლის დროს კარგია დამატენიანებელი ნიღბები. სპეციალისტები ღამით ეგრეთ წოდებული “ზეთის ქუდის” გაკეთებას გვირჩევენ: რამდენიმე წვეთი ზეითუნის, მზესუმზირას, სეზამის ან ჟოჟობას ზეთი თავის კანში შეიზილეთ, დილით კი თბილი წყლით ჩამოიბანეთ. შეგიძლიათ, ეს პროცედურა სამ კვირაში ერთხელ გაიმეოროთ.
თმა უმჯობესია რბილი ბუნებრივი ჯაგრისით დაივარცხნოთ, დაბანისას კი ნაზად შეიზილოთ შამპუნი. ასეთი ბუნებრივი მასაჟი ასტიმულირებს სისხლის მიმოქცევას და ხელს უშლის ქერტლის წარმოქმნას.
ქერტლის დროს კარგია ჰამამელისის ექსტრაქტი და ვარდის წყალიც – ისინიც თმის ძირებში უნდა შეიზილოთ. ეფექტიანია ვაშლის ძმარიც – გადაივლეთ თმაზე ერთი ჭიქა ძმრისა და ერთი ჭიქა წყლის ნარევი.
სწორად გამოიყენეთ ქერტლის საწინააღმდეგო შამპუნი. ამ ტიპის საშუალებები ხელს უშლის ქერტლის ხელახალ წარმოქმნას, თუმცა ხშირად შეიცავს სოკოს საწინააღმდეგო აგენტს, მაგალითად, თუთიის პირითიონს, ამიტომ მათი ყოველდღიური ან ხანგრძლივი მოხმარება, როგორც წესი, არ არის რეკომენდებული.
მასალის გამოყენების პირობები
