ცნობილია, თუ გსურთ, რომ კარგად გამოიყურებოდეთ, უნდა გამოიძინოთ. მაგრამ, თურმე, მარტო გამოძინება არ კმარა.
ჯერ ერთი, საჭიროა ძილის წინ კანის მოვლა და, გარდა ამისა, რეკომენდებულია დასაძინებლად ღამის 11 საათამდე დაწოლა – სანამ ორგანიზმში ძილის ჰორმონის – მელატონინის გამომუშავება დაიწყება. ის არა მარტო განდევნის უძილობას, არამედ ეხმარება კანს აღდგენაში. მელატონინის გამომუშავების პიკი მოდის 23 საათიდან დილის 4 საათამდე პერიოდში. და თუ ღამის კრემს დაწოლამდე 1 საათით ადრე წაისვამთ, განახლების პროცესი უფრო ეფექტურად წარიმართება. მაშინაც კი, თუ თქვენ ძალიან გვიან, შუაღამის შემდეგ წვებით დასაძინებლად, ღამის მკვებავის 23 საათამდე წასმაზე მაინც ნუ იტყვით უარს.
ღამის კრემებს არ ყოფენ კანის ტიპის მიხედვით, რადგან მათ ერთი ამოცანა აქვთ – შექმნან საჭირო პირობები უჯრედების განსაახლებლად. ამასთან, თითოეული კრემი შეიცავს სხვადასხვა სასარგებლო ნივთიერებას, რომლებსაც აქვთ დამატენიანებელი, მკვებავი და გამამკვრივებელი ზემოქმედება. თქვენ უნდა გადაწყვიტოთ, რომელი მათგანი სჭირდება თქვენს კანს და ისე გააკეთოთ არჩევანი. წაისვით კრემის თხელი ფენა, 15-20 წუთის შემდეგ კი აიშრეთ ქაღალდის ხელსახოცით, რომ არ გქონდეთ ნიღბის შეგრძნება. ეს შეგიძლიათ გააკეთოთ სახის მასაჟის დროს.
თ ვერ გამოიძინეთ და ამიტომაც ვერ გამოიყურებით კარგად? არსებობს კანის გამოცოცხლებისა და შეშუპების საწინააღმდეგო რამდენიმე საშუალება: დაიბანეთ პირი, ოღონდ, არა მხოლოდ წყლით, არამედ, გამოიყენეთ თქვენ მიერ შერჩეული გამწმენდი საშუალება – გელი ან ქაფი. ღამის განმავლობაში ფორებიდან გამოიყოფა ტოქსინები და კანის ცხიმის ნაწილაკები, რომლებიც კანს მორუხო ფერს აძლევს, მაგრამ, როგორც კი ამ ნაწილაკებს მოიშორებთ, კანი ნათელ ელფერს შეიძენს.
QR კოდიshenisilamaze.ge
შენი სილამაზე. (2024). ძილი, სილამაზე და ძილისწინა რუტინა. 14 ივნისი, 2024. https://shenisilamaze.ge/%e1%83%ab%e1%83%98%e1%83%9a%e1%83%98-%e1%83%93%e1%83%90-%e1%83%a1%e1%83%98%e1%83%9a%e1%83%90%e1%83%9b%e1%83%90%e1%83%96%e1%83%94-2/
