ზამთრის სეზონთან ერთად მგრძნობიარე კანის პრობლემებიც იმატებს. მგრძნობიარე კანი ეს არის კანის მდგომარეობა, რომელიც რაიმე შინაგანი ან გარეგანი ფაქტორების ზემოქმედებითაა გამოწვეული.მგრძნობიარე შეიძლება იყოს ნებისმიერი ტიპის კანი.
ბუნებრივად კანი ჰიდროლიპიდური შრითაა დაფარული.
ჰიდროლიპიდური შრე დამცავ ფუნქციას ასრულებს და ცხიმოვანი ნივთიერებისა და წყლისგან შედგება.გარემოს დამზიანებელი ფაქტორების ნეგატიური ზემოქმედების გამო ხდება ჰიდროლიპიდური შრის მთლიანობის რღვევა, რის შედეგადაც მისი,როგორც ბარიერის ფუნქცია ქვეითდება. კანი ხდება დაუცველი, კანში არსებული ნერვული დაბოლოებები „შიშვლდება“ და მასზე იოლად ზემოქმედებს სხვადასხვა აგრესიული ფაქტორი.
რა არის გამოწვევი ფაქტორები ?
- ცივი კლიმატი
- ძალიან ცხელი კლიმატი
- მშრალი ჰაერი შენობაში
- მზის ინსოლაცია
- ხისტი წყალი
- მშრალი კანი
- ასაკი
- ჰორმონალური დისბალანსი
- სტრესი
რა ნიშნებით ხასიათდება მგრძნობიარე კანი ?
- არათანაბარი ტექსტურა
- გამომშრალი უბნები
- სიწითლე
- მტკივნეულობა შეხებისას
- ქავილი
- რეაგირებს მოვლის საშუალებებზე
- რეაგირებს ცხელ შხაპზე
- რეაგირებს ტემპერატურის ცვლილებაზე
როგორც უკვე ვისაუბრეთ მგრძნობიარე კანის შემთხვევაში მისი დამცავი შრე და, შესაბამისად, ბარიერული ფუქნცია დარღვეულია, არასწორად შერჩეული დასაბანი საშუალება კიდევ უფრო აზიანებს დამცავ ფენას, ამით კი მდგომარეობა კიდევ უფრო რთულდება.
- გამოიყენე მხოლოდ მგრძნობიარე კანისთვის განკუთვნილი კოსმეტიკა
- დასაბანი საშუალების შერჩევისას უპირატესობა pH ნეიტრალურ საშუალებას მიანიჭე;
ასევე ძალიან კარგია, თუ მიცერალური ტექნოლოგიით დამზადებულ საშუალებას გამოიყენებთ.
კანი დაიბანეთ არა ცხელი, არამედ თბილი წყლით.
- ნაზად და კარგად გაიმშრალეთ
მოერიდე:
- ცხელ აბაზანას
- საპნების შემცველ დასაბან საშუალებებს
- სკრაბებს
სწორი მოვლა
სახის მოვლის რუტინაში აუცილებლად ჩართე:
- დამატენიანებელი კრემი (კანის ტიპის მიხედვით)
- კრემი, რომელსაც კანზე დამცავი ფენის წარმოქმნა შეუძლია-ეს შენს კანს გარემოს მავნე ფაქტორების ზემოქმედებისგან დაიცავს.
ზოგადი რეკომენდაციები
საკმარისად იძინე, მიიღე საკმარისი რაოდენობით წყალი, მოერიდე ცხელ შხაპს და საპნის შემცველ საშუალებებს,თუ დახურულ სივრცეში დიდ დროს ატარებ ოთახში ჰაერის დამატენიანებელი დადგი, სახე თბილი წყლით და სპეციალურად მგრძნობიარე კანისთვის განკუთვნილი საშუალებით დაიბანე, რეგულარულად გამოიყენე დამატენიანებელი და მზისგან დამცავი საშალებები და შედეგიც არ დააყოვნებს.
წყარო: https://www.vidal.ge/
#drpkhakadze #shenisilamaze #gochadze
მასალის გამოყენების პირობები
