კანის მოვლა ნებისმიერ სეზონზე აქტუალური თემაა. არსებობს წესები, რომლებიც აუცილებლად უნდა გავითვალისწინოთ ზამთარშიც და ზაფხულშიც. კრემები და ნიღბები კი, კანის ტიპისა და საჭიროებებიდან გამომდინარე უნდა შევარჩიოთ.
სხვადასხვა სეზონზე კანის მოვლის წესები იცვლება.ზაფხულში კანში გროვდება მეტი თავისუფალი რადიკალები, ასევე უნდა ვუფრთხილდეთ მზის სხივების ზემოქმედებით ფოტოდაბერებას. ცხიმიან კანზე კი ჩნდება მეტი გამონაყარი და კომედონები, რადგანაც ზაფხულში გამოიყოფა მეტი კანის ცხიმი.
ანის მოვლის საერთო წესები ზაფხულში მოიცავს დილა-საღამოს აუცილებელ წმენდას (კარგია მიცელარული წყალი, თერმული წყალი კი დღის განმავლობაში). გამწმენდი გელები უნდა იყოს წყლის ფუძეზე, განსაკუთრებით ცხიმიანი კანისთვის სასურველია იყოს ალოე ვერას შემადგენლობით. უნდა ვიხმაროთ მეტი დამატენიანებლები დამცავი ფილტრებით SPF 30-60. საღამოს – მკვებავი საცხი.. ახალგაზრდა და ცხიმიანი კანისთვის კი სპეციალური საცხები.ასევე გამორიცხეთ ზაფხულში პილინგები და მათეთრებლები.პილინგებისთვის, ფოტოგაახალგაზრდავების და ბიორევიტალიზაციის პროცედურებისთვის გამოიყენეთ ზამთრის პერიოდი.
ზამთარში კანს სჭირდება განსაკუთრებული მოვლა და მეტი საშუალებები, მაგრამ აქ იცვლება მთავარი წესი – ძალიან ცივ თვეებში არ იხმაროთ წყლის ფუძეზე დამზადებული დამატენიანებლები, რადგან მასში არსებული წყლის მოლეკულები იყინება და იწვევს მიკროტრავმებს. კრემის წასმა საჭიროა გარეთ გასვლამდე მინიმუმ 0,5 საათით ადრე.
ასურველია, ამ პერიოდში კრემები ვიხმაროთ ,,უკუღმა“- დამატენიანებლი ღამით, მკვებავი კი დღისით. ეს წესი განსაკუთრებით იმათ ეხება, ვისაც ძალიან მშრალი კანი აქვთ. მიუხედავად მზის ნაკლებობისა, ზამთარში გარეთ გასვლისას მაინც საჭიროა დამცავი საშუალებების ხმარება, მხოლოდ ნაკლები ფილტრით.
ზამთარში კარგია ჟანგბადის ნიღბებიც (შეიძინეთ აფთიაქში ან გააკეთეთ სახლში), რადგან ჰაერზე ნაკლებ დროს ვატარებთ და ოთახში კი ჰაერი გამომშრალია. მაგალითად, ჩვეულებრივ მკვებავ ნიღაბს (ჰერკულესი, გვირილის ნახარში, კოსმეტიკური თიხა) შეგიძლიათ დაამატოთ რამოდენიმე წვეთი წყალბადის ზეჟანგი.
წყარო: https://www.beaumonde.ge/
მასალის გამოყენების პირობები
