ფეხშიშველა სიარული გახლავთ გაჯანსაღების ერთ-ერთი ყველაზე მარტივი მეთოდი,
რომელიც ასტიმულირებს და აღადგენს ნივთიერებათა ცვლას. საკმარისია დღეში მხოლოდ 10 წუთი, რათა მოგეხსნათ დაღლილობა. ეს დაგეხმარებათ, გამოიყურებოდეთ ახალგაზრდად და დაიკლოთ წონაში.
ფეხის ტერფებზე უამრავი აქტიური წერტილია განლაგებული, რომლებიც უზრუნველყოფს შინაგანი ორგანოების სწორ მუშაობას.
ფეხსაცმელში ჩამალული ფეხები მოკლებულია ამ წერტილების ზემოქმედებას. მნიშვნელოვანია მათი სტიმულირება ფეხის მასაჟით, ბევრად სასარგებლო კი ფეხშიშველა სიარულია ბაღში, მინდორზე.
რამდენიმედღიანი მსგავსი გასეირნების შემდეგ შეატყობთ, რომ მეტად გახალისდით, მოგეძალათ ენერგია. გაქრება ხერხემლისა და ფეხების ტკივილი, განახლდება ორგანიზმის ყველა უჯრედი. ფეხშიშველა სიარული რეკომენდებულია მათთვის, ვისაც ნერვული სისტემა შერყეული აქვს, აწუხებს უძილობა და თავის ტკივილები. ასევე, ეს დაგეხმარებათ ნივთიერებათა ცვლის აღდგენასა და ზედმეტი კილოგრამების მოცილებაში.