საქართველოს პირველი არხის გადაცემა „პირადი ექიმი – მარი მალაზონია“
„არასდროს გამოიყენოთ საკვები ემოციებისგან განტვირთვისთვის”
სტომატოლოგიური კლინიკებისთვის ახალი სტანდარტები ამოქმედდა
სტომატოლოგიური კლინიკებისთვის ახალი სტანდარტები ამოქმედდა. ცვლილებების მიხედვით, სტომატოლოგიური საქმიანობის დაწყების და ოპერირების წესები მკაცრდება.
ჯანდაცვის სამინისტროს ინფორმაციით, ახალი სტანდარტების მიხედვით, სტომატოლოგიური დაწესებულება ვალდებული ხდება, 6 თვეში ერთხელ, თანამშრომლების B ჰეპატიტზე პროფილაქტიკური იმუნიზაცია, ხოლო C ჰეპატიტზე სკრინინგი უზრუნველყოს.
„ცვლილების მიხედვით, სტომატოლოგიური დაწესებულებებისთვის განახლდა, დაზუსტდა და უფრო დეტალურად გაიწერა ინფექციის პრევენციის, კონტროლის, სტერილიზაცია – დეზინფექციის და სამედიცინო ნარჩენების მართვის აუცილებელი კრიტერიუმები.
პროცესის უკეთ სამართავად, სავალდებულო გახდა დაწესებულებაში ინფექციების კონტროლზე პასუხისმგებელი პირის გამოყოფა. სტომატოლოგიური დაწესებულება ვალდებული ხდება, უზრუნველყოს თანამშრომელთა პროფილაქტიკური იმუნიზაცია B ჰეპატიტზე და სკრინინგი C ჰეპატიტზე, ექვს თვეში ერთხელ.
ცვლილებებით განსაზღვრული მოთხოვნები, არსებული სტომატოლოგიური კაბინეტებისა და კლინიკებისთვის, სავალდებულო 2024 წლის იანვრიდან იქნება. ახალი დაწესებულებები კი საქმიანობის დაწყებას მხოლოდ ამ სტანდარტების დაკმაყოფილების შემთხვევაში შეძლებენ“, – აღნიშნულია ჯანდაცვის სამინისტროს ინფორმაციაში.
#datashvil #drpkhakadze #sheniganatleba #sheniambebi #sheniekimi
მაღალტექნოლოგიური ჰოსპიტალ მედცენტრის დამფუძნებელი მიხეილ ართმელიძე ახალ წელს გილოცავთ
მაღალტექნოლოგიური ჰოსპიტალ მედცენტრის დამფუძნებელი მიხეილ ართმელიძე ახალ წელს გილოცავთ:
„გილოცავთ 2024 წელს. გისურვებთ ხვავს, ბარაქას, ჯანმრთელობას, ბედნიერებას თქვენს ოჯახის წევრებთან ერთად იყავით წარმატებულები და ბედნიერები. ბევრ ახალ წელს შევხვდეთ ერთად.
ძვირფასო მეგობრებო და კოლეგებო, მინდა დიდი მადლობა გადაგიხადოთ იმ გაწეული სამუშაოსთვის, რომელიც ჩვენ ერთობლივად შევძელით და გავაკეთეთ.
2023 წელი იყო დახუნძლული კარგი დღეებით, დადებითი ემოციებით, წარმატებებით, ახალი ამოცანებით.
ძალიან მნიშვნელოვანია, რომ არაერთი წელი გავაცილეთ ერთად და არაერთ წარმატებას მივაღწიეთ.“
საერთაშორისო აკრედიტაციის ორგანიზაციას „აკრედიტაცია კანადას“ საქართველოში გიორგი ფხაკაძე წარმოადგენს.
საერთაშორისო აკრედიტაციის ორგანიზაციას „აკრედიტაცია კანადას“ საქართველოში საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე მედცენტს ახალ წელს ულოცავს:
„გილოცავთ…
ჩემთვის პატივია, რომ ზუსტად მედცენტრი არის აკრედიტაცია კანადას პირველი პარტნიორი საქართველოში.
ზუსტად ასეთი ძლიერი და ხარისხზე ორიენტირებული კლინიკები, როგორიც არის მედცენტრი / MedCenter ირჩევენ აკრედიტაცია კანადას Accreditation Canada“.
(DRG) დაფინანსების მოდელი, ქვეყანაში წარმატებით დაინერგა – პაციენტების თანაგადახდა, 27%-დან 10%-მდე შემცირდა
ჯანდაცვის მინისტრმა, მოადგილეებთან და სამუშაო ჯგუფის წევრებთან ერთად, DRG რეფორმა შეაფასა. როგორც ზურაბ აზარაშვილმა აღნიშნა, სამედიცინო დაწესებულებების დიაგნოზთან შეჭიდული ჯგუფებით (DRG) დაფინანსების მოდელი, ქვეყანაში, წარმატებით დაინერგა – მისი ამოქმედებიდან, 1 წლის შემდეგ, პაციენტების თანაგადახდა, 27%-დან 10%-მდე შემცირდა. ჯანდაცვის მინისტრის განცხადებით, მაქსიმალურად მაღალი ხარისხის სამედიცინო მომსახურების უზრუნველყოფისა და ჯიბიდან გადახდების კიდევ უფრო შესამცირებლად, რეფორმა აქტიურად გაგრძელდება.
როგორც შემაჯამებელ შეხვედრაზე აღინიშნა, DRG რეფორმის დაწყებიდან – დღემდე, 395 000-ზე მეტ მოქალაქეს, 550 000-ზე მეტი სამედიცინო შემთხვევა, სახელმწიფომ, დაახლოებით, 840 მილიონი ლარით დაუფინანსა.
აღსანიშნავია, რომ DRG-ის ამოქმედების შედეგად, სრულად იფარება პაციენტის კვება, ამასთან გაუქმდა მანამდე არსებული 500 და 1000-ლარიანი ფრანჩიზები, რომლის ხარჯიც, ჯამურად, სახელმწიფოს 20 მილიონ ლარამდე დაუჯდა.
თუ რეფორმის პირველ ეტაპზე, დაფინანსების DRG მოდელი გადაუდებელ და გეგმურ სტაციონარულ მომსახურებაზე, ინფექციური დაავადებების მართვაზე, მაღალი რისკის ორსულთა, მშობიარეთა და მელოგინეთა მკურნალობაზე ვრცელდებოდა, 2023 წლის ნოემბრიდან, მათ საკეისრო კვეთისა და მშობიარობის მომსახურებები დაემატა. ცვლილების მიხედვით, ამ ორი სერვისის ტარიფი გათანაბრდა და 1222 ლარით განისაზღვრა. აღნიშნულ მომსახურებებზე, DRG სისტემით, უკვე დაფინანსდა 3500-ზე მეტი მშობიარობა. აქვე აღსანიშნავია, რომ სიახლის ერთ-ერთი მთავარი მიზანი, არასაჭირო საკეისრო კვეთების შემცირება იყო, რაც ასევე, წარმატებულად სრულდება და სახეზეა მაჩვენებლის კლებაც.
როგორც შეხვედრაზე აღინიშნა, DRG რეფორმის წარმატების ერთ-ერთი მნიშვნელოვანი ფაქტორი, განსაზღვრულ სამართლიან ტარიფებთან ერთად, ეფექტური მონიტორინგის სისტემაა. სამართლიანი ტარიფების დაწესების მიზნით, ფასები გადაიხედა და ტარიფები განახლდა 88 DRG კოდზე. აღსანიშნავია, რომ ტარიფების ცვლილება სექტორის აქტიური ჩართულობით მიმდინარეობს.
ჯანდაცვის სამინისტრო კვლავ აგრძელებს მუშაობას DRG სისტემის გაფართოებაზე. სამედიცინო დაწესებულებების დაფინანსების აღნიშნული მოდელი, ეტაპობრივად, ყველა მომსახურებაზე გავრცელდება.
საქართველოში, DRG სისტემა 2022 წლის ნოემბრიდან ამოქმედდა. რეფორმის მიზანი მოსახლეობისთვის ხარისხიანი სამედიცინო მომსახურების მაქსიმალური ხელმისაწვდომობა, პაციენტის თანაგადახდის შემცირება, ჯანდაცვის სისტემაში ეფექტურობისა და გამჭვირვალობის მიღწევაა.
DRG, მსოფლიოს განვითარებულ ქვეყნებში, დაფინანსების ფართოდ აპრობირებული მოდელია, რომლითაც ავტომატურად გამოითვლება სამართლიანი ფასები, რომელსაც სამინისტრო, მოქალაქეების ხარისხიანი მკურნალობისთვის იხდის.
ჯანმრთელობის მსოფლიო ორგანიზაციის წარმომადგენლებისა და სხვა, საერთაშორისო ექსპერტების განცხადებით, საქართველოში, DRG სისტემა წარმატებით დაინერგა და ხორციელდება.
გიორგი ფხაკაძე “სს „გეფას“ განცხადებას ეხმაურება – „იყავი ჩუმად და გადაიხადე, რაც დაგაკისრეს…“
საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე “სს „გეფას“ განცხადებას ეხმაურება:
„ფარმადეპო არ იყო, “გაფას” აფთიაქი, 1 თეთრის გამო უხარისხო პირბადეებს რომ ასაღებდა თავის აფთიაქებში კოვიდის პანდემიის დროს? ამაზე პასუხი ვინმემ მოთხოვა? რაც შეეხება წამლებს, სამინისტრო და მოსახლეობა კარგად ხედავს, ვინ არის მართალი…
ამ სიტუაციაში იყავი ჩუმად და გადაიხადე, რაც დაგაკისრეს…
ისეთი შერგძნება მაქვს, რომ “კატამ თხარა თხარა და….” მოუვათ…“
„მათი მხრიდან ჯიბიდან გადახდა მინიმუმამდე იყოს დაყვანილი, ყველა ჩვენი რეფორმა მიმართულია იმისკენ, რომ ხარისხიანი ჯანდაცვა მივაწოდოთ ჩვენს მოქალაქეებს“ – ზურაბ აზარაშვილი
„ყველა ჩვენი რეფორმა, შეეხება ეს ფარმაცევტულ თუ კლინიკების სექტორს მიმართულია იმისკენ, რომ ხარისხიანი ჯანდაცვა მივაწოდოთ ჩვენს მოქალაქეებს და მათი მხრიდან ჯიბიდან გადახდა მინიმუმამდე იყოს დაყვანილი“, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა „ქრონიკაში“ განაცხადა.
მისი თქმით, ამ ერთი წლის განმავლობაში გატარებულ რეფორმების შეფასებით ჩანს, მნიშვნელოვნად არის შემცირებული ჯიბიდან გადახდები.
„სწორედ ეს იყო რეფერენტული ფასწარმოქმნის მიზეზი, ეს იყო საგადახდო თანამედროვე სისტემის, DRG-ის შემოტანის მიზეზი და ამ ერთი წლის განმავლობაში გატარებულ რეფორმებს თუ შევაფასებთ, მნიშვნელოვნად არის შემცირებული ჯიბიდან გადახდები, თუმცა ეს არ არის ის ნიშნული, რაც საუკეთესო მსოფლიო პრაქტიკაა. ჩვენ ვაგრძელებთ მუშაობას, რომ კიდევ უფრო შემცირდეს გადახდები და სახელმწიფომ მაქსიმალურად აიღოს პასუხისმგებლობა თავისი მოქალაქეების სამედიცინო სერვისების ანაზღაურებაზე. მედიკამენტებზე იქნება, თუ კლინიკებში მოქალაქეებს არ უწევდეთ თანხების საკუთარი ჯიბიდან გადახდა.
მშობიარობა DRG-ის პროგრამის გაფართოების ბოლო ეტაპია. 15 ნოემბრიდან დავიწყეთ. უკვე 3 500-ზე მეტი მშობიარობა იყო, ამ შემთხვევაშიც ჩვენ კლინიკებს თანამედროვე მეთოდებით დათვლილი ფასთწრმოქმნა შევთავაზეთ, სადაც გათვალისწინებული იყო ყველა ხარჯი, მათ შორის დამატებითი ხარჯები. თუ შეიძლება ახლა ამ მოკლე პერიოდის შეჯამება, საკმაოდ წარმატებით მიდის, აქაც მნიშვნელოვნად არის შემცირებული ჯიბიდან გადახდები“, – აღნიშნა ზურაბ აზარაშვილმა.
#datashvil #drpkhakadze #sheniganatleba #sheniambebi #sheniekimi
„ვისაც ექნება აკრედიტაცია გავლილი, მხოლოდ იმ კლინიკებს შეეძლებათ საყოველთაო ჯანდაცვის პროგრამაში მონაწილეობა“ – ზურაბ აზარაშვილი
„კლინიკების საერთაშორისო აკრედიტაციის ვალდებულების შესახებ რეკომენდაცია დიდი ხნის წინ იყო გაცემული, რომ ქვეყანაში აუცილებლად უნდა არსებობდეს სტანდარტი, რასაც კლინიკა უნდა აკმაყოფილებდეს, თუნდაც ეროვნულ დონეზე და საერთაშორისოზე მით უმეტეს“, – განაცხადა ჯანდაცვის მინისტრმა, ზურაბ აზარაშვილმა „ქრონიკასთან“.
მისი თქმით, მიმდინარე წლიდან დაინერგა ამის ვალდებულება.
„მიმდინარე წლიდან დავნერგეთ ამის ვალდებულება და ხვალ უკვე ბოლო დღეა – კლინიკებმა უნდა წარმოადგინონ დადებული კონტრაქტები საერთაშორისო მაკრედიტირებლებთან. 2024 წლის ბოლოსთვის ვისაც ექნება აკრედიტაცია გავლილი, მხოლოდ მათ შეეძლებათ საყოველთაო ჯანდაცვის პროგრამაში მონაწილეობა. ეს ყველაფერი ერთობლიობაში მოგვცემს შედეგს, რომ ხარისხიანი ჯანდაცვა მივაწოდოთ ჩვენს მოქალაქეებს და ასევე ხელმისაწვდომობის კუთხით ვიზრუნოთ იმაზე, რომ ჯიბიდან გადახდები მაქსიმალურად შემცირდეს და საბოლოო ჯამში, ჩვენი მოქალაქეები კმაყოფილები იყვნენ“, -აღნიშნა მინისტრმა.
#datashvil #drpkhakadze #sheniganatleba #sheniambebi #sheniekimi
„სამწუხაროდ, ყველაზე მძიმე დიაგნოზით დაავადებული ადამიანებისა და სახელმწიფოს მიმართ იყო გამოყენებული დანაშაულის ყველაზე მძიმე ფორმა, რაც დღეს 9-თვიანი მოკვლევის შემდეგ დადასტურდა“ – ზურაბ აზარაშვილი ფარმაცევტულ კომპანიებზე
„სამწუხაროდ, ყველაზე მძიმე დიაგნოზით დაავადებული ადამიანებისა და სახელმწიფოს მიმართ იყო გამოყენებული დანაშაულის ყველაზე მძიმე ფორმა, რაც დღეს 9-თვიანი მოკვლევის შემდეგ დადასტურდა“, – ამის შესახებ ჯანდაცვის მინისტრმა, ზურაბ აზარაშვილმა „ქრონიკაში“ ფარმაცევტულ კომპანიებზე საუბრისას განაცხადა.
„ზარალი მხოლოდ ციფრებში არ გამოიხატება – ეს უშუალოდ კავშირშია ადამიანების სიცოცხლესთან. სამწუხაროდ, ყველაზე მძიმე დიაგნოზით დაავადებული ადამიანებისა და სახელმწიფოს მიმართ იყო გამოყენებული დანაშაულის ეს ყველაზე მძიმე ფორმა, რაც დღეს დადასტურდა 9-თვიანი მოკვლევის შემდეგ. ეს ხდებოდა მიზანმიმართულად, წინასწარ შეთანხმებით, გაძვირებული ფასებით, ზუსტად ერთნაირად დაფიქსირებული ფასებით მომსახურების გაწევა. ამ შემთხვევაში მედიკამენტების შესყიდვას სახელმწიფო ახდენს და სხვა ალტერნატივა სახელმწიფოს არც ჰქონდა“, – განაცხადა მინისტრმა.
აზარაშვილმა ისაუბრა იმ ბერკეტებზეც, თუ როგორაა შესაძლებელი არსებული სიტუაციის გამოსწორება, რათა ფარმაცევტული კომპანიების მხრიდან ანალოგიური არ განმეორდეს.
მისივე თქმით, არსებული რეფორმები და ვითარება, რომელიც მათ ბოლო ორი წლის განმავლობაში ფარმაცევტულ ბაზარზე შექმნეს, სწორედ იძლევა მსგავსი სიტუაციის პრევენციას.
„მუდმივად ვმუშაობთ კანონმდებლობის დახვეწაზე. ასევე ვქმნით სხვადასხვა სისტემებს, რაც პრევენციის საშუალებას მოგვცემს. ასევე მნიშვნელოვანია, კონკურენციის სააგენტოს პრინციპული დამოკიდებულება ასეთ საქმესთან მიმართებაში, რაც მისასალმებელია. ამით დადასტურდა ერთ შემთხვევაში, ეს მძიმე და სამწუხარო დანაშაული და მეორე მხრივ, სახელმწიფოს ადეკვატური, მკაცრი რეაგირება, რაც ჯარიმების ოდენობაში გამოიხატა. ესეც პრევენციის შესაძლებლობა უნდა იყოს, რომ მეორედ არავის გაუჩნდეს სურვილი მსგავსი შესაძლებლობა გამოიყენოს – ურთიერთ შეთანხმებით დააზარალოს, დააზიანოს ონკოლოგიური პაციენტები“, – განაცხადა აზარაშვილმა.
საქართველოს კონკურენციის ეროვნულმა სააგენტომ, ფარმაცევტულ სექტორში, 4 კომპანია კონკურენციის საწინააღმდეგო ქმედების გამო დააჯარიმა.საკითხი ეხება – ონკოლოგიური მედიკამენტების სახელმწიფო დაფინანსების პროგრამის ფარგლებში, „კონკურენციის შესახებ“ საქართველოს კანონის მე-7 მუხლის (შეთანხმებული ქმედება) დარღვევის ფაქტს.
#datashvil #drpkhakadze #sheniganatleba #sheniambebi #sheniekimi
„DRG სისტემის ფარგლებში უკვე 40 ბავშვი მკურნალობს მსოფლიოს 3 ქვეყანაში“
„DRG სისტემის ფარგლებში, სახელმწიფო არის სრულად პასუხისმგებელი, ონკოლოგიური ბავშვების შემთხვევაში დავუფინანსოთ მათ ნებისმიერი საჭიროება. ამ დროისთვის უკვე 40 ბავშვი მკურნალობს მსოფლიოს 3 ქვეყანაში“, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა „ქრონიკაში“ განაცხადა.
მისი თქმით, საქართველოში ძალიან დიდი უკმაყოფილება იყო ონკოლოგიურ ბავშვებთან დაკავშირებით მომსახურების სერვისის მიღების ნაწილში.
„საქართველოში ძალიან დიდი უკმაყოფილება იყო ონკოლოგიურ ბავშვებთან დაკავშირებით მომსახურების სერვისის მიღების ნაწილში. ამიტომ დროებითი შუალედური გადაწყვეტილება მივიღეთ. სანამ ქვეყანაში გვექნება მძლავრი ონკოლოგიური კლინიკა და აქ მოემსახურებოდნენ როგორც მოზრდილებს, ასევე ბავშვებს, პაციენტები მსოფლიოს სამ ქვეყანაში გავუშვით. DRG სისტემის ფარგლებში დღეისათვის უკვე 40 ბავშვი მკურნალობს მსოფლიოს 3 ქვეყანაში. ჯამში ამ ქვეყნებში 6 კლინიკა გვემსახურება. ეს ტარიფები მოიცავს დიაგნოსტიკისა და მკურნალობის ჩათვლით ყველა შესაძლო სერვისს, რაც შეიძლება წლის განმავლობაში ბავშვს დასჭირდეს. ამიტომ მშობლებსა და ოჯახს არ უწევს იმაზე ფიქრი, რომ ყოველთვიურად რამდენი ახალი ხარჯი შეიძლება დაემატოს. სახელმწიფო არის სრულად პასუხისმგებელი, ონკოლოგიური ბავშვების შემთხვევაში დავუფინანსოთ მათ ნებისმიერი საჭიროება“, – აღნიშნა აზარაშვილმა.
#datashvil #drpkhakadze #sheniganatleba #sheniambebi #sheniekimi
„წამლის ესე გაძვირება ადამიანის სიცოცხლესთან პირდაპირ კავშირშია – ფასი 300-400 %-ით იყო მომატებული“
„მედიკამენტების ფასი 300-400 %-ით იყო მომატებული. წამლის ესე გაძვირება ადამიანის სიცოცხლესთან პირდაპირ კავშირშია“, – განაცხაად ჯანდაცვის მინისტრმა, ზურაბ აზარაშვილმა.
ჯანდაცვის მინისტრის განმარტებით, 4 ფარმაცევტული კომპანიის მხრიდან დანაშაულის ეს ფორმა,გამოყენებული იყო როგორც მძიმე პაციენტების, ისე სახელმწიფოს მიმართ.
„ამ შემთხვევაში ზარალი, სამწუხაროდ მხოლოდ რიცხვებში არ გამოიხატება. ეს უშუალოდ ადამიანების სიცოცხლესთანაა კავშირში. ფარმაცევტული კომპანიების მხრიდან, ეს იყო მიზანმიმართული, წინასწარი შეთანხმებით გაძვირებული ფასები.
ონკოლოგიური დიაგნოზის მქონე პაციენტებისთვის მედიკამენტებს სახელმწიფო იძენს,ხშირ შემთხვევაში სწორედ ამ მედიკამენტებზე ხდებოდა ხელოვნურად ერთიანი ფასების დაწესება, რათა სახელმწიფოს სხვა ალტერნატივა არ ჰქონოდა და იძულებული ყოფილიყო, რომ მედიკამენტები მნიშვნელოვნად გაზრდილი ფასით შეეძინა.
აღნიშნულის შესახებ კონკურენციის ეროვნულ სააგენტოს მარტის თვეში ვაცნობეთ. მედიკამენტების ფასი 300-400 %-ით იყო მომატებული.წამლის ესე გაძვირება ადამიანის სიცოცხლესთან პირდაპირ კავშირშია.
მაგ: თუ კონკრეტული მედიკამენტი 2 000 ლარი ღირდა, 25 000 ლარიან ლიმიტში პაციენტს 12 კოლოფისა და ცოტა მეტის შეძენა შეეძლო, 5000-ის შემთხვევაში კი მხოლოდ 5 კოლოფის. მას შემდგე რაც პაციენტები ლიმიტს ამოწურავდნენ, ისინი წამლის გარეშე რჩებოდნენ,თუმცა ამ გაუგონარი ქმედების შემდეგაც , ჩვენ ამ ადამიანებს რეფერალური დახმარების პროგრამებით მაინც ვაფინანსებდით”,-განაცხადა ზურაბ აზარაშვილმა.
რატომ დაჯარიმდნენ ფარმაცევტული კომპანიები 53 მილიონი ლარით?
#datashvil #drpkhakadze #sheniganatleba #sheniambebi #sheniekimi