დღესდღეობით ტუჩის ფილერი საკმაოდ აქტუალური და ეფექტური საშუალებაა საკუთარი გარეგნობის შესალამაზებლად და აბსოლუტური უფლება გვაქვს კიდეც შევიცვალოთ ის კონკრეტული ადგილი, რომელიც ჩვენ აღარ მოგვწონს ან ცუდად უსვამს ხაზს ჩვენს გარეგნობას.თუმცა რად გვიჯდება ეს ყოველივე და რა ზიანი შეიძლება გამოიწვიოს მან ჩვენს ჯანმრთელობაზე გაეცანით მითითებულ ბმულს: https://www.plasticsurgery.org/
ტუჩის ფილერის გაკეთება, რა თქმა უნდა, პირადი გადაწყვეტილებაა, მაგრამ ისიც უნდა გააცნობიეროთ, რომ მას თან ახლავს პოტენციური რისკები და მინიმალური გართულებები. პროცედურის ჩატარებამდე თქვენი პლასტიკური ქირურგი აუცილებლად აგიხსნით ნებისმიერ გვერდით მოვლენას, ამასთანავე მოგეთხოვებათ ხელი მოაწეროთ დოკუმენტს იმის შესახებ, რომ თქვენ სრულიად გაცნობიერებულად იკეთებთ პროცედურას და თანხმდებით შესაძლო რისკებს.
გაეცანით რისკებს, რომლებიც თან სდევს ტუჩის ფილერის გაკეთებას:
- სახის ასიმეტრია
- ინექციის ადგილიდან სისხლდენა
- სისხლჩაქცევები
- კანის დაზიანება ჭრილობის დონეზე
- ინფექცია
- მუწუკები
- გამონაყარი
- ქავილი
- სიწითლე
- სიმსივნე
- ნაადრევად წარმოქმნილი ნაოჭები
იშვიათ შემთხვევებში, ფილერი შესაძლოა მოხვდეს არა თქვენს კანქვეშ, არამედ სისხლძარღვებში, რაც გამოიწვევს სისხლის შედედებას და მარტივად რომ ვთქვათ, შესაძლოა სისხლი ვეღარ მიეწოდოს ორგანოებს, ასევე კანი ზიანდება და ჩნდება ჭრილობები, ხოლო თუ თვალი დაზიანდა ან არასწორად ჩატარდა პროცედურა, თქვენ შესაძლოა მხედველობის დაკარგვის სერიოზული საფრთხის წინაშე აღმოჩნდეთ.
აქედან გამომდინარე, მნიშვნელოვანია, რომ თქვენთვის საინტერესო შეკითხვებით მიმართოთ პლასტიკურ ქირურგს, წინასწარ შეათანხმოთ თუ როგორ უნდა მოემზადოთ პროცედურისთვის და იცოდეთ ის რისკები, რომლებიც თან ახლავს მას.მიუხედავად იმისა, რომ პროცედურიდან კარგი შედეგებიც მოსალოდნელია, ყოველთვის არ არსებობს გარანტია, რომ კმაყოფილი დარჩებით.სილამაზე მსხვერპლს მოითხოვს, თუმცა ნუ წახვალთ ისეთ რისკზე, რომელსაც შესაძლოა თქვენი ჯანმრთელობა შეეწიროს.უბრალოდ იყავით ის ვინც, ხართ და გიყვარდეთ საკუთარი თავი ისეთი, როგორებიც ხართ.
წყარო: https://www.plasticsurgery.org/
მასალის გამოყენების პირობები
