პარიზის მაღალი მოდის კვირეული , რომელიც 27-30 იანვარს გაიმართა და კიდევ ერთხელ იქცა მოდის ხელოვნების ყურადღების ცენტრად.
პარიზის მოდის კვირეულზე მსოფლიოში აღიარებულმა ბრენდებმა თავიანთი უახლესი კოლექციები წარადგინეს, რომლებიც დახვეწილი დიზაინით, ინოვაციური ხედვითა და კლასიკური ელეგანტურობით გამოირჩეოდა.
კვირეული Schiaparelli-მ გახსნა, სადაც დანიელ როზბერის მიერ შექმნილი კოლექცია ელზა სხიაპარელის მემკვიდრეობას მიეძღვნა. სიურეალისტური ელემენტებით გამორჩეული სამოსი,(ტერმინი სიურრეალიზმი სიტყვასიტყვით „ზერეალობას“ ნიშნავს ფრანგულ ენაზე) გამბედავი სილუეტები და დეტალებზე დახვეწილი ყურადღება მოდის სახლის უნიკალურობას უსვამდა ხაზს.
Christian Dior-ის კრეატიულმა დირექტორმა, მარია გრაცია კიურიმ, 1950-იანი წლებიდან შთაგონებული კოლექცია შექმნა. მოდელებმა პოდიუმზე კლასიკური სილუეტები გააცოცხლეს, რომლებიც თანამედროვე ესთეტიკასთან ჰარმონიულად იყო შერწყმული, რაც ბრენდის დროის მიღმა სილამაზეს უსვამდა ხაზს. აღსანიშნავია ის ფაქტიც, რომ პოდიუმზე ქართველი მოდელი მატილდა გვარლიანი გამოვიდა.
Valentino-მ ახალი კრეატიული დირექტორი, ალესანდრო მიკელე, წარადგინა. მისმა დებიუტმა მოდის სამყაროში დიდი მოლოდინი გააჩინა, ხოლო კოლექციამ ბრენდის რომანტიკული ესთეტიკა მიკელეს უნიკალურ ხედვასთან გააერთიანა. მდიდარი ტექსტურები და მკვეთრი ფერები მიანიშნებდა, რომ ვალენტინოსთვის ახალი თავი იწყება. აღსანიშნავია ისიც რომ Valentino-ს ჩვენებაზე ქართველი მიდელის ქრისტინე სხულუხიას დებიუტი შედგა.
ლეგენდარულმა Jean Paul Gaultier-მა ამჯერად მიწვეული დიზაინერის, ლუდოვიკ დე სენ-სერნენის, მიერ შექმნილი კოლექცია წარადგინა. დიზაინერმა გოლტიეს მემკვიდრეობა თანამედროვე ხედვასთან შეაჯერა, რის შედეგადაც კლასიკა და ინოვაცია ერთიან კომპოზიციად იქცა.
Chanel-ის მაღალი მოდის კოლექცია იყო პარიზის მოდის კვირეულის ერთ-ერთი გამორჩეული შოუ. ბრენდის კრეატიულმა დირექტორმა, ვირჯინი ვიარმა, გააგრძელა შანელის ტრადიცია, რომელიც აერთიანებს საუკუნოვანი ელეგანტურობასა და თანამედროვე სტილს. პოდიუმზე წარმოდგენილი იყო დახვეწილი და ელეგანტური დიზაინები, რომელიც გამოირჩეოდა უნიკალური ხელობის დეტალებით. Chanel-ის შოუზეც ვიხილეთ მატილდა გვარლიანი.
პარიზის მაღალი მოდის კვირეული 2025 მოდის ინდუსტრიის ერთგულებას აჩვენებდა ინოვაციისა და მაღალი ხელოვნების მიმართ. თითოეულმა მოდის სახლმა თავისი უნიკალური ხედვა წარმოადგინა, რითაც კიდევ ერთხელ დაადასტურა, რომ მაღალი მოდა არ არის მხოლოდ სამოსი – ის კულტურული და ესთეტიკური გამოხატვის უმაღლესი ფორმაა.
ავტორი:ნათია შამუგია
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
