თანამედროვე ცხოვრების სტილი ხშირად ხერხემლის ტკივილს იწვევს. ის არამხოლოდ ფიზიკურ დისკომფორტს ქმნის, არამედ ნაკლებად მიმზიდველებსაც გვხდის. იმისთვის, რომ კარგად გამოიყურებოდეთ, ამაზი ზურგი და სწორი დგომი უნდა გქონდეთ, ამას კი ჯანმრთელი ხერხემლით მიაღწევთ.
ხერხემლის ტკივილი ხშირად გაწუხებთ? მაშინ ზურგის და პრესის კუნთების ვარჯიშები უნდა სცადოთ. ამისთვის, არაა საჭირო სავარჯიშო დარბაზს ესტუმროთ. სავარჯიშეობის კომპლექსს სახლის პირობებშიც შეასრულებთ.
როგორ გამოვასწოროთ დგომი ვარჯიშებით
გახურებისთვის: დაწექით ზურგზე, თავით შეეხეთ იატაკს, ხელები მაღლა გაჭიმეთ. მოხარეთ მუხლები და ფეხები მკერდისკენ წაიღეთ. დაუბრუნდით საწყის მდგომარეობას. ვარჯიში გაიმეორეთ რამდენჯერმე.
ზურგის კუნთების გაჭიმვისთვის: ხელები მუხლებს მოკიდეთ და თეძოები მკერდისკენ წაიღეთ. ნიკაპი მუხლებს შორის მოაქციეთ.
ხერხემლის ელასტიურობისთვის: მარჯვენა ტერფი მარცხენა ფეხის მუხლამდე მიიტანეთ. პარალელურად, მარჯვენა ხელი იატაკზე გაჭიმეთ. მოხრილი მუხლიც იატაკს შეახეთ და თავი საპირისპირო მიმართულებით შეატრიალეთ.
კატის პოზა: დადექით მუხლებზე და ხელებით დაეყრდენით იატაკს. ზურგი ჩაზნიქეთ და ამოზნიქეთ.
ხერხემლის გაჭიმვისთვის: დაწექით ზურგზე. მარცხენა ტერფი მარჯვენა თეძოზე დაიდეთ. მარცხენა მუხლი თქვენგან გაწიეთ და თეძო თქვენსკენ მიიზიდეთ. გაიმეორეთ სავარჯიშო მეორე ფეხით.
კლასიკური სავარჯიშო: ნელა მიწიეთ ტანი მუხლებისკენ. ხელები შორს გაწიეთ და თავი დაიჭირეთ.
მხრებისთვის: მარცხენა ტერფი მარჯვენა მუხლს დაადეთ. მარჯვენა მხარი მარცხენა მუხლისკენ წაიღეთ. შემდეგი მოძრაობა შეასრულეთ პირიქით: მარჯვენა ტერფი მარცხენა მუხლს დაადეთ და მარცხენა მხარი მარჯვენა მუხლისკენ წაიღეთ.
გვერდითა პოზიციაში: მარცხენა იდაყვი დააყრდნეთ იატაკს, მოთავსდით გვერდითა პოზიციაში. ფეხები მუხლებში მოკეცეთ და უკან წაიღეთ. მარჯვენა ხელი თეძოზე შემოიდეთ, თეძო მაღლა იწევა.
მუთაქით: დადექით მუხლებზე და მუთაქა მუცლის კუნთებით დაიჭირეთ. ხელები უკან შეკარით. გაასწორეთ ზურგი ისე, რომ უკანალი ტერფებს არ მოაცილოთ.
მუცლისთვის: ერთდროულად დაჭიმეთ უკანატანის და მუცლის კუნთები. წინ გაჭიმული ხელები მაღლა ნელა აწიეთ, პარალელურად ტერფებიც.იმისთვის, რომ დგომის და სიარულის მანერა გაიუმჯობესოთ და ზურგის ტკივილებმა აღარ შეგაწუხონ, საკმარისია ეს კომპლექსი კვირაში 2-3 ჯერ შეასრულოთ.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
