გასულ წელს საქართველოში აბორტი 83 არასრულწლოვანს გაუკეთდა. წინა წელთან შედარებით მაჩვენებელი ცამეტითაა გაზრდილი.
ჯამში, 2022 წელს აბორტი 29 წლამდე ასაკის 16 619 პირს გაუკეთდა. აბორტების რაოდენობის ასაკის მიხედვით განაწილება ასეთია: 15-24 წელი – 2 867; 15-29 წელი – 6 671.
2022 წელს 15-29 წლის ქალებში საქართველოში 6 671 აბორტი გაკეთდა, მაჩვენებლები წინა წელთან შედარებით 1010-ით შემცირდა.
საქსტატის ცნობით, 2022 წელს საქართველოში დაიბადა 441 ბავშვი, რომელთა დედები 18 წლამდე ასაკის მოზარდები არიან. ეს მონაცემი შემცირებულია წინა წელთან შედარებით, როდესაც 18 წლამდე დედების გაჩენილი ბავშვების რიცხვი 490 იყო.
ამავე მონაცემებით, 2022 წელს 25 წლამდე ასაკის მოსახლეობაში განქორწინების რიცხვი ქალებში 920-ია, ხოლო მამაკაცებში – 365. მაჩვენებლები წინა წლის მონაცემებთან შედარებით ქალებში 160-ით გაიზარდა, ხოლო მამაკაცებში – 47-ით.
2021 წელს აბორტების რიცხვი არასრულწლოვნებში 70 იყო.
მონაცემებს სტატისტიკის ეროვნული სამსახური ავრცელებს.
#datashvil #drpkhakadze #sheniganatleba #sheniambebi #sheniekimi
მასალის გამოყენების პირობები
