იასამნის იდუმალ და ჯადოსნურ სურნელს ვერავინ დაივიწყებს, ირგვლივ იფრქვევა მისი ტკბილი და ნაზი არომატი, სასიამოვნოა და ბევრმა არ იცის, რომ ის საუკეთესო სამკურნალო საშუალებაა მრავალი დაავადების დროს.
ხალხურ მედიცინაში იასამნის სამკურნალო თვისებების შესახებ ცნობილია უკვე რამოდენიმე საუკუნეა.
ეს მცენარე გამოყენებული იყო პირველად ოსმალეთის იმპერიაში სამკურნალო და პარფიუმერული მიზნებისათვის.
იასამანი შეიცავს დიდი რაოდენობით ასკორბინის მჟავას, ეთერზეთებს და ფლავონოიდებს, რომლებსაც აქვთ დადებითი გავლენა სხეულზე. ის არის შესანიშნავი სიცხისდამწევი, ანთების საწინააღმდეგო და ტკივილგამაყუჩებელი საშუალება.
იგი გამოიყენება ჩაის, ზეთის, კომპრესების და მალამოების მოსამზადებლად, რომლებიც ხელს უწყობენ რევმატიზმს, რევმატოიდულ ართრიტს, რადიკულიტს, პოდაგრას. სამწუხაროდ, იასამნის ზეთის შეძენა თითქმის შეუძლებელია სპეციალურ მაღაზიებშიც კი. მაგრამ თქვენ შეგიძლიათ მარტივად მოამზადოთ საკუთარ სახლში.
იასამნის ყვავილების ზეთი
ყვავილები უნდა შეაგროვოთ გზისგან მოშორებით, სადაც ნაკლებადაა დაბინძურებული ჰაერი.
საჭირო იქნება
ახალი იასამნის ყვავილები
ნებისმიერი უსუნო მცენარეული ზეთი
1 ლიტრიანი ქილა სახურავით
სუფთა დოლბანდი
მომზადება
ყვავილები მოაცილეთ ღეროს და შეავსეთ ქილა.
შეათბეთ ზეთი 40 გრადუსზე და დაასხით ქილას პირამდე. დააფარეთ თავსახური და დადგით 2 დღე.
გაწურეთ დოლბანდში, ყვავილები კარგად დაწურეთ. შეათბეთ ისევ გამოწურული სითხე 40 გრადუსამდე და დაასხით იასამნის ახალ ყვავილებს. პროცედურა გაიმეორეთ მანამ, სანამ ზეთი სასიამოვნო არომატს არ მიიღებს.
სცადეთ და ეს ზეთი დაამატეთ კოსმეტიკურ საშუალებებს, მიიღებტ არომატულ პროდუქციას.
ეს ზეთი შველის შაკიკს, რევმატიზმს, საყრდენ-მამოძრავებელი ორგანოების სხვადასხვა დაავადებებს.
სახლის დასუფთავების დროს გაწმინდეთ ზედაპირები ამ ზეთით, სახლში სასიამოვნო არომატი დატრიალდება.
იასამნის ზეთს იყენებენ გამონაყარის, მზის დამწვრობის, პატარა ჭრილობების, ნაკაწრების, კანის ანთებების სამკურნალოდ.
ეს ზეთი მკურნალობს ბრონქიტს, გაციებას, ყელის ტკივილს, გრიპს, გამოიყენება ინჰალაციაში. ხსნის სტრესს და კურნავს ყველა სახის ნერვულ დარღვევებს, ზრდის სექსუალურ ლიბიდოს ქალებსა და მამაკაცებში.
იასამნის ზეთი შველის ვენების ვარიკოზულ დაავადებას. იყენებენ კომპრესებს და სახვევებს, რომლებიც გაჟღენთილია ზეთით, ზემოდან იხვევენ ცელოფანს.
თუ ამ სტატიამ დაგაინტერესათ შეაგროვეთ იასამნის ყვავილები და მოამზადეთ არომატული და სასარგებლო ზეთი. ასევე შეგიძლიათ მოამზადოთ ბაბუაწვერას სუპერსასარგებლო ზეთიც.
