პაპილომა ვირუსის დიაგნოსტიკა და პროფილაქტიკა მაღალტექნოლოგიურ ჰოსპიტალ “მედცენტრში”

ნოემბერი 29, 2023

324

ადამიანის პაპილომა ვირუსის დიაგნოსტიკა და პროფილაქტიკა მაღალტექნოლოგიურ ჰოსპიტალ “მედცენტრში”
ადამიანის პაპილომა ვირუსის (HPV)
გადადება შეიძლება მოხდეს სქესობრივი, კონტაქტურ-საყოფაცხოვრებო გზით, ასევე ის შეიძლება გადაეცეს დედისგან ნაყოფს. არსებობს დაბალი და მაღალი ონკოგენური რისკის HPV-ის მრავალი ტიპი.
➖ პირველი ახდენს მეჭეჭების, მორეციდივე რესპირატორული პაპილომატოზის, კონიუქტივის, ცხვირის, პირის ღრუსა და ხორხის პაპილომატოზის წარმოქმნის პროვოცირებას, ხოლო მეორე – კიბოსწინარე დაავადების, საშვილოსნოს ყელის, ვულვისა და საშოს კიბოს გაჩენის პროვოცირებას.
НPV-ით ინფიცირება შეიძლება მიმდინარეობდეს უსიმპტომოდ. მაგალითად, დასენიანებიდან პირველი გენიტალური მეჭეჭების გაჩენამდე ჩვეულებრივ გადის 3 თვეზე მეტი, ხოლო ონკოპროცესების განვითარება შეიძლება დაიწყოს ათწლეულების შემდეგაც კი. ამასთანავე დაინფიცირებულ ადამიანთა 90%-ში ვირუსი კვდება 2 წლის განმავლობაში, მაგრამ მხოლოდ ძლიერი იმუნიტეტის შემთხვევაში.
👨‍⚕️ დიაგნოზის დასადგენად ექიმი სწავლობს კლინიკურ გამოვლინებებს, ატარებს საშვილოსნოს ყელის ნაცხის PCR-ტესტს და ციტოლოგიურ კვლევას.
გამოკვლევის შედეგად დგინდება მაღალი ონკოგენური რისკის 21 ტიპის НPV-დან ერთის ან მეტის არსებობა, ვლინდება კიბოსწინარე ცვლილებები ან საშვილოსნოს ყელის კიბო.
🔹 ადრეული დიაგნოსტიკის წყალობით შესაძლებელია მკურნალობის მაქსიმალურად სწრაფად ჩატარება და სიცოცხლისთვისა და ჯანმრთელობისთვის საშიში შედეგების თავიდან არიდება.
საუკეთესო შედეგს ანოგენიტალური მეჭეჭების მკურნალობის დროს იძლევა ლაზერული დესტრუქცია. ორსულობის დროს HPV თერაპია ტარდება 36-ე კვირას ახალშობილის ხორხის კონდილომატოზის პროფილაქტიკისთვის.
დაავადების გავრცელების თავიდან ასარიდებლად გირჩევთ გამორიცხოთ შემთხვევითი სქესობრივი კონტაქტები, ორივე პარტნიორმა რეგულარულად ჩაიტაროს გამოკვლევები, გამოიყენოთ ბარიერული კონტრაცეფციის საშუალებები.
საშვილოსნოს ყელის კიბოსწინარე და კიბოს დაავადებების პროფილაქტიკისთვის გამოიყენება HPV-ის საწინააღმდეგო ვაქცინაცია. ის რეკომენდირებულია 9-დან 45 წლამდე ასაკის ყველა გოგონასა და ქალბატონისთვის.
ერთ-ერთი ჩვენ ფილიალი საოჯახო მედიცინის რეგიონული ცენტრი / Family Medicine Center კლინიკა გთავაზობთ შესაძლებლობას ჩაიტაროთ ვაქცინაცია და დაიცვათ საკუთარი თავი HPV-ისგან.

საქართველოში სამედიცინო დაწესებულებების აკრედიტაციის პროცესი დაიწყო.

მნიშვნელოვან კითხვებზე პასუხები – ძალიან საინტერესო ინტერვიუ გიორგი ფხაკაძესთან

საქართველოში სამედიცინო დაწესებულებების აკრედიტაციის პროცესი დაიწყო.

მთავრობის დადგენილება საყოველთაო ჯანდაცვის პროგრამაში ჩართულ კლინიკებს, 2025 წლის იანვრიდან საერთაშორისო აკრედიტაციის გავლას ავალდებულებს.

READ როგორ მოვიქცეთ ბავშვებში საკვებით ინტოქსიკაციის დროს?

ხარისხიანი ჯანდაცვა, სამედიცინო სერვისები, კვალიფიციური პერსონალი და გამართული ინფრასტრუქტურა – ეს იმ სტანდარტების ნაწილია, რომელსაც კლინიკები უნდა აკმაყოფილებდნენ.

კლინიკებისთვის აკრედიტაციის გავლა ნებაყოფლობითია, თუმცა საყოველთაო პროგრამაში ჩართვისას ეს მნიშვნელოვანი კომპონენტი იქნება.

აკრედიტაციის ვადად 2025 წელია განსაზღვრული, პროცესი უკვე დაწყებულია და ამ ეტაპზე 13 კლინიკაა კანადური აკრედიტაციის პროგრამაში დარეგისტრირებული.

საერთაშორისო აკრედიტაციის ორგანიზაციას „აკრედიტაცია კანადას“ საქართველოში გიორგი ფხაკაძე წარმოადგენს.

ორგანიზაციამ საქართველოში უკვე ჩამოაყალიბა ოფისი, რომელიც ქართველ ექსპერეტებს მოამზადებს, რომლებიც შემდგომში დაეხმარებიან კლინიკებს საერთაშორისო სტანდარტების დაკმაყოფილებაში.

აკრედიტაცია კანადას წარმომადგენელი საქართველოში გიორგი ფხაკაძე მოუწოდებს კლინიკებს, დროულად დაიწყონ აკრედიტაციისთვის მზადების პროცესი, რასაც, შეიძლება რამდენიმე თვე ან წელი დაჭირდეს.

საზოგადოებრივი ჯანდაცვის ექსპერტმა, ჯანდაცვის მსოფლიო ორგანიზაციის კონსულტანტმა, ექიმმა, აკრედიტაცია კანადას წარმომადგენელმა საქართველოში გიორგი ფხაკაძემ ვიდეოჩართვისას განაცხადა, რომ საქართველოში აკრედიტაციის პროცესთან დაკავშირებით საქართველოში კარგი სიახლეებია, აკრედიტაციის პროცესში ჩართულია საუკეთესო, პროფესიონალებით დაკომპლექტებული გუნდი.

„მედცენტრი / MedCenter ბათუმში არის პირველი დაწესებულება საქართველოში, სადაც აკრედიტაცია კანადამ დაიწყო აკრედიტაციის პროცესი“, – ამბობს გიორგი ფხაკაძე.

აკრედიტაცია კანადის შესახებ:

”კრედიტაცია კანადას” გააჩნია 60 წლიანი გამოცდილება სამედიცინო დაწესებულებების აკრედიტაციის სფეროში. იგი წარმოდგენილია 1000+ დარგის ექსპერტისგან, 35+ ქვეყანაში და მსოფლიოს მასშტაბით აკრედიტებული აქვს 12,000 სამედიცინო დაწესებულება.

აკრედიტაცია კანადის გუნდი საქართველოში:

საერთაშორისო გამოცდილების ადგილობრივ მრჩეველთა გუნდი დაკომპლექტებულია სააკრედიტაციო პროცესის ძირითადი მიმართულებების ექსპერტებისგან, რომლებიც გამოირჩევიან მაღალპროფესიონალიზმით, აკრედიტაციის პროცესის ექსპერტიზით, საქართველოს ჯანდაცვის სისტემის სპეციფიკის ცოდნითა და მრავალფეროვანი უნარებით. აღნიშნული გუნდის წევრები გადამზადებულნი არიან „აკრედიტაცია კანადის“ მიერ მათი სტანდარტების შესაბამისად.

ჩვენი სერვისები:

აკრედიტაცია კანადის ადგილობრივი მრჩევლები უზრუნველყოფენ ტექნიკურ მხარდაჭერას და ამზადებენ სამედიცინო დაწესებულებებს აკრედიტაციის შეფასების პროცესისთვის. სამედიცინო დაწესებულებისთვის საჭირო კონსულტაციები ჩატარდება ქართულ ენაზე და დაფარავს აკრედიტაციისათვის საჭირო ძირითად მიმართულებებს.

გუნდი დაგეხმარებათ თქვენს სამედიცინო დაწესებულებაში აკრედიტაციის პროცესის დაჩქარებაში, შესაბამისად დაზოგავთ თქვენს დროსა და ენერგიას. ექსპერტები გამართავენ რეგულარულ შეხვედრებს უშუალოდ თქვენს სამედიცინო დაწესებულებაში წინასწარ შეთანხმებულ დროს.

READ B ვიტამინის გავლენა სილამაზესა და ჯანმრთელობაზე

თითოეული კლინიკისათვის გამოიყოფა პირადი მრჩეველი.

ხარისხიანი ჯანდაცვა უპირველესყოფლისა

აკრედიტაცია კანადა, წარმომადგენლობა საქართველოში

დამტებითი ინფორმაციისთვის დაგვიკავშირდით აქ: info@accreditation.ge

აკრედიტაციის პროცესს იწყებს კლინიკა „მედცენტრი“

ლინკი:

https://www.accreditation.ge/post/%E1%83%9B%E1%83%94%E1%83%93%E1%83%AA%E1%83%94%E1%83%9C%E1%83%A2%E1%83%A0%E1%83%98-%E1%83%90%E1%83%99%E1%83%A0%E1%83%94%E1%83%93%E1%83%98%E1%83%A2%E1%83%90%E1%83%AA%E1%83%98%E1%83%90-%E1%83%99%E1%83%90%E1%83%9C%E1%83%90%E1%83%93%E1%83%90%E1%83%A1-%E1%83%9E%E1%83%A0%E1%83%9D%E1%83%AA%E1%83%94%E1%83%A1%E1%83%A8%E1%83%98-%E1%83%A9%E1%83%90%E1%83%94%E1%83%A0%E1%83%97%E1%83%9D

#datashvil

#drpkhakadze

#SheniEkimi.ge