ინტერვიუ ნ. ბოხუას სახელობის კარდიოვასკულური ცენტრის ენდოვასკულურული ქირურგიის და კათეტერიზაციის ლაბორატორიის ხელმძღვანელი ,მედიცინის მეცნიერებათა დოქტორი ენდოვასკულარული ქირურგი ვახტანგ ყიფიანი
ბატონო ვახტანგ რას ნიშნავს კორონარული სტენტირება და კორონაროგრაფია ?
ჯანმრთელობის დაცვისა და სოციალურ საკითხთა კომიტეტის – „საქართველოში ონკოლოგიურ სერვისებზე ხელმისაწვდომობის გაზრდა“, თემატური მოკვლევის ჯგუფმა ონკოლოგიის სფეროში მოქმედ არასამთავრობო და საერთაშორისო ორგანიზაციების წარმომადგენლებთან მეორე ზეპირი მოსმენა გამართა.
თემატური მოკვლევის მოწვეულმა ექსპერტმა, კავკასიის მედიცინის ცენტრის ონკოლოგიის განყოფილების ხელმძღვანელმა, კლინიკურმა ონკოლოგმა ივანე კილაძემ შეხვედრის მონაწილეებს იმ კითხვართან დაკავშირებით, რომლებიც მიზნობრივ აუდიტორიას (კლინიკებს, სამედიცინო დაწესებულებებს, სამინისტროსა და სახელმწიფო ორგანიზაციებს, ასევე ონკო პაციენტებს დაეგზავნათ) ინფორმაცია მიაწოდა და მათგან მიღებულ პასუხებსა და მოსაზრებებზე ისაუბრა.
შეხვედრა ინტერაქტიურად, კითხვა-პასუხის რეჟიმში წარიმართა, სადაც სამედიცინო სფეროს, ასევე არასამთავრობო და საერთაშორისო ორგანიზაციების წარმომადგენლებმა ონკოლოგიურ სერვისებზე ხელმისაწვდომობის გაზრდის მნიშვნელობაზე, პაციენტებისთვის ხარისხიანი სერვისის მიწოდებაზე, ნაადრევი დიაგნოსტიკის საკითხებზე, თანამედროვე გაიდლაინებისა და პროტოკოლების დანერგვასა და ამ პროცესში სახელმწიფოს მხარდაჭერაზე ისაუბრეს.
თემატური ჯგუფის მთავარი მომხსენებლის, ირმა ზავრადაშვილის განცხადებით, ჯგუფის მიზანია იმ მიგნებების და რეკომენდაციების მომზადება, რომელიც პაციენტებს ონკო დაავადებებთან ბრძოლაში დაეხმარება და კიდევ უფრო გაზრდის სახელმწიფოს ჩართულობას პირველადი დიაგნოსტიკის და მკურნალობის პროცესში. მისივე თქმით, საკითხზე მსჯელობა მომავალშიც აქტიურად გაგრძელდება და შეხვედრები დარგობრივი მიმართულებებით გაიმართება.
თემატური მოკვლევა აშშ-ის საერთაშორისო განვითარების სააგენტოს (USAID) მხარდაჭერით ხორციელდება.
საყოველთაო ჯანდაცვის პროგრამის ფარგლებში, მშობიარობა და საკეისრო კვეთა, ყველა მოქალაქისთვის სრულად ფინანსდება. აღსანიშნავია, რომ დაფინანსება მოიცავს არჩევით ექიმის აყვანისა და გაუტკივარების საფასურს. ასევე, მედიკამენტების, კვების, პალატის, სხვა პირდაპირ და არაპირდაპირ ხარჯს. შესაბამისად, პაციენტს თანხის გადახდა არ მოუწევს. ინფორმაციას ჯანდაცვის სამინისტრო ავრცელებს.
DRG მოდელით მშობიარობისა და საკეისრო კვეთის მომსახურების ტარიფები, საყოველთაო ჯანდაცვის პროგრამაში ჩართულ ყველა სამედიცინო დაწესებულებაში, 1 222 ლარით განსაზღვრა. რაც შეეხება ჩვენების გარეშე, პაციენტის მოთხოვნის საფუძველზე ჩატარებულ საკეისრო კვეთას, ან ე.წ. VIP პალატის მომსახურებას, აღნიშნული სერვისები სახელმწიფოს მიერ არ ფინანსდება.
ჯანდაცვის მინისტრის მოადგილის, ილია ღუდუშაურის განცხადებით, რეფორმის მიზანი მაღალი ხარისხის სამედიცინო სერვისებზე მაქსიმალური ხელმისაწვდომობის უზრუნველყოფა, პაციენტის თანაგადახდის შემცირება, ჯანდაცვის სისტემის ეფექტურობის გაზრდა და საბიუჯეტო სახსრების ეფექტური ხარჯვაა. ასევე, ქვეყანაში საკეისრო კვეთის მაღალი მაჩვენებლის გამო, მიზანშეწონილად ჩაითვალა საკეისრო კვეთისა და მშობიარობის ფასის გათანაბრება, რაც შეამცირებს სამედიცინო პერსონალის მოტივაციას საკეისრო კვეთის სასარგებლოდ.
როგორც ჯანდაცვის სამინისტროში აღნიშნავენ, ცვლილება სამედიცინო დაწესებულებების დიაგნოზთან შეჭიდული ჯგუფებით (DRG) დაფინანსების სისტემის გაფართოების შედეგად განხორციელდა.
შემთხვევა, რაზეც მთელი კვირის განმავლობაში მსოფლიოს ყველა წამყვანი მედია – ბეჭდური თუ სატელევიზიო საუბრობდა – ერთ პაციენტზე ჩატარებული უნიკალური ოპერაცია და შემთხვევა, რომელმაც დაწერა უახლესი ისტორია ტრანსპლანტაცია პლასტიკაში, რომელსაც შეუძლია უამრავი უსინათლო ადამიანის ცხოვრების შეცვალოს.
დონორის პოვნის შემთხვევაში, შესაძლებელი ხდება მხედველობის აღდგენა.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი შრომის საერთაშორისო ორგანიზაციის (ILO) ცენტრალური და აღმოსავლეთ ევროპის წარმომადგენლობის დირექტორს შეხვდა.
ინფორმაციას ჯანდაცვის სამინისტრო ავრცელებს.
„კლერ ჰარასტიმ, ზურაბ აზარაშვილს, ქვეყნისთვის ევროკავშირის წევრობის კანდიდატის სტატუსის მინიჭება მიულოცა და აღნიშნა, რომ შრომის საერთაშორისო ორგანიზაციის წარმომადგენლობა, საქართველოსთან, კიდევ უფრო აქტიურად ითანამშრომლებს.
გაცნობითი ხასიათის შეხვედრაზე, შრომის უსაფრთხოებისა და შრომითი უფლებების დაცვის კუთხით, ქვეყანაში განხორციელებული და მიმდინარე რეფორმები დადებითად შეფასდა.
ზურაბ აზარაშვილმა, ხაზი გაუსვა, გასულ წელს, სამუშაო სივრცეში უსაფრთხოებისა და ჯანმრთელობის დაცვის მოთხოვნების შესახებ მიღებულ რეგლამენტს, რომელიც სხვადასხვა ობიექტზე პირველი დახმარების უზრუნველყოფას ითვალისწინებს.
შეხვედრას ასევე ესწრებოდნენ შრომის საერთაშორისო ორგანიზაციის ადგილობრივი და ცენტრალური და აღმოსავლეთ ევროპის ოფისის წარმომადგენლები“ – აღნიშნულია გავრცელებულ ინფორმაციაში.
ტინიტუსი სამედიცინო ტერმინია იმ მდგომარეობის აღსანიშნავად, როცა ყურებში ხმაური გვესმის ისე, რომ ბგერების გარე წყარო არ არსებობს. ტინიტუსს ხშირად უწოდებენ „შუილს ყურებში“. ის შესაძლოა ჟღერდეს, როგორც ზუზუნი, წკრიალი, გუგუნი ან სტვენა.
ექიმი-ოტორინოლარინგოლოგი გიორგი ალიშანიძე ამბობს, რომ თავად ტინიტუსი არა დაავადება, არამედ ჯანმრთელობის სხვა მდგომარეობის სიმპტომია, რომელიც შესაძლოა მკურნალობის არქონის შემთხვევაში პროგრესირდეს და სმენის დაქვეითებით გართულდეს.
საქართველოს პირველი არხის გადაცემა „პირადი ექიმი – მარი მალაზონია“
თემა: რა კავშირია ვიტამინ B12-ის დეფიციტსა და ასაკს შორის?
ჰეპატოლოგი, თსსუ პროფესორი ნანა ლოლაშვილი საუბრობს:
,,ვიტამინ B12 დეფიციტური ანემია. ეს არის ადისონ ბირმერის დაავადება, რომელიც თავის დროზე ავთვისებიან დაავადებად ითვლებოდა. 100 წლის წინ ამ დაავადების მიზეზი დადგენილი არ იყო.
შემდეგ ცნობილი გახდა, რომ ამ დაავადების გამომწვევი მიზეზი გარეგანი და შინაგანი ფაქტორის დეფიციტია. გარეგანი ფაქტორი არის ვიტამინი B12, რომელსაც ჩვენ საკვების სახით ვიღებთ და შინაგანი ფაქტორი, – მასზე მოქმედებს კუჭნაწლავის მდგომარეობა.”
ასაკთან ერთად B12-ის დეფიციტი მატულობს.
ეს დაავადება ასაკოვანი ადამიანების დაავადებად ითვლებოდა. ბოლო პერიოდში ახალგაზრდებშიც იმატა, ვეგეტარიანელობა გახდა ერთ-ერთი მიზეზი
B12-ს ძირითად ცხოველური პროდუქტებიდან ვიღებთ (თევზი, ზღვის პროდუქტები), ასევე მცირე რაოდენობით კვერცხიდან. გამომდინარე ფიზიოლოგიური ცვლილებებიდან, რომელიც ასაკს ახლავს თან, როგორიც არის პირის ღრუს მდგომარეობა და ა.შ. ნაკლებად ღებულობენ ცხოველურ საკვებს; კუჭ-ნაწლავის მდგომარეობა.
ჩვენ 5 წლის მარაგი გვაქვს, 3-5 წლის განმავლობაში რომ არ მივიღოთ ბ12, შესაძლოა, დეფიციტი არც გამოვლინდეს, ასაკში ხანგრძლივი დროით იღებენ კუჭის სიმჟავის დასაქვეითებელ პრეპარატებს, რაც ხელს უშლის B12-ის შეწოვას. ნაწლავებთან დაკავშირებული პრობლემების გამო, საფაღარათო საშუალებებს ღებულობენ, რაც ასევე ხდება რკინადეფიციტური ანემიის და B12-ის განვითარების მიზეზი.”
ხშირად ვიტამინ B12-ის დეფიციტი ვითარდება ნელ-ნელა, გვგონია, რომ ეს ყველაფერი დაკავშირებულია ასაკთან.
სიმპტომატიკა:
ენის წვერის წვა, დვრილების ატროფია, გემოს დაკარგვა, შემდეგ ემატება გლოსიტი, კუჭის სიმჟავე ქვეითდება. ხელებზე ჭიანჭველების ცოცვის შეგრძნება, სახის შეშუპება, ჰაერის უკმარისობა, ყაბზობა, ფაღარათი, მენტალური პრობლემები.
ზოგადი ჩივილები
საერთო სისუსტე, ადვილად დაღლა.
ეს ყველა სხვა ანემიისთვისაცაა დამახასიათებელი. ზემოთ ჩამოთვლილი ნიშნები, შედარებით განსხვავებულია, რაც B12-ის დეფიციტის ამოცნობაში დაგვეხმარება“.
საქართველოს პირველი არხის გადაცემა „პირადი ექიმი – მარი მალაზონია“
თემა: როგორ უნდა გავარჩიოთ სიცივის ალერგია კანის სიმშრალისგან?
იმუნოლოგ-ალერგოლოგი დავით თელია საუბრობს:
„სიცივის ალერგია ეს არის ურტიკარული გამონაყარი, რაც არ უნდა შეგვეშალოს სიცივისგან გამოწვეულ გამოშრობაში. სიცივის ალერგიის გატესტვა მარტივად არის შესაძლებელი, ავიღოთ ყინულის ნაჭერი, გავახვიოთ მარლაში და დავიდოთ ხელზე. დაახლოებით 5-10 წუთში თუ გამოვლინდა ალერგია, ეს ნიშნავს იმას, რომ სიცივის ალერგიასთან გვაქვს საქმე, რომელიც სავარაუდოდ დაკავშირებულია სიცივის ანტისხეულებთან.
იმუნური სისტემა რეაგირებს სიცივეზე და წარმოქმნის ანტისხეულებს.
არის ინფექციები, რომლებიც ძალიან ხშირად წინ უსწრებენ სიცივის ანტისხეულების წარმოქმნას. ერთ-ერთი გავრცელებული ბაქტერიული ინფექციაა მიკოპლაზმა, რომელსაც ახასიათებს სიცივის აგლუტინინების პროდუქცია. პირველ რიგში, იტესტება მიკოპლაზმური ინფექცია, თუ აღმოჩნდა, რომ მიკოპლაზმური ინფექციაა, მაშინ ინიშნება მაკროლიდური ანტიბიოტიკები, რომელიც ატიპიურ მაკროფლორაზე მოქმედებს და ამით გვარდება პრობლემა. შეიძლება, ჰეპატიტმა (C და B) იმუნური სისტემა განაწყოს სიცივის აგლუტინინების წარმოქმნაზე. ასეთ შემთხვევაში საჭიროა ანალიზების გაკეთება, ამის შემდეგ გადაწყვეტილების მიღება“.
კუჭის კიბო
როგორც ჩანს, კუჭის კიბოს უხშირესი მიზეზია Hელიცობაცტერ პყლორი-ით გამოწვეული ინფექცია.
ზოგიერთი დამახასიათებელი სიმპტომია გაურკვეველი დისკომფორტი მუცელში, წონაში კლება და სისუსტე.
საუკეთესო სადიაგნოზო პროცედურაა ენდოსკოპია.
სიცოცხლის ხანგრძლივობა მოკლეა, რადგან კიბოს სხვა ადგილებში ადრეული გავრცელება ახასიათებს.
ქირურგია ნაჩვენებია კიბოს ელიმინაციისა და სიმპტომების მოხსნისთვის.
კუჭის კიბოს დაახლოებით 95%-ს ადენოკარცინომა შეადგენს. კუჭის ადენოკარცინომა კუჭის ამომფენი შრის ჯირკვლოვანი უჯრედებისგან წარმოიქმნება.
ამერიკის შეერთებულ შტატებში წლიურად კუჭის ადენოკარცინომის 21000 შემთხვევა გვხვდება და კიბოთი გამოწვეული სიკვდილიანობით ის მეშვიდე ადგილზეა. ის უფრო ხშირად გვხვდება გარკვეულ პოპულაციებში, კერძოდ, 50 წლისა და მეტი ასაკის პირებში, ღარიბებში, შავკანიანებში, ლათინოამერიკელებში, ამერიკელ ინდიელებში და ჩრდილოეთის კლიმატურ პირობებში მცხოვრებ პირებში. კუჭის ადენოკარცინომა, უცნობი მიზეზების გამო, ნაკლებად ხშირია შეერთებულ შტატებში. ის უფრო ხშირია იაპონიაში, ჩინეთში, ჩილესა და ისლანდიაში. ამ პოპულაციებში სკრინინგულ პროგრამებს დიდი მნიშვნელობა აქვს კიბოს ადრეული გამოვლენისთვის.
გამომწვევები და რისკ-ფაქტორები
კუჭის ადენოკარცინომა ხშირად იმ ადგილზე იწყებს განვითარებას, სადაც კუჭის ამომფენი შრე ანთებადია. მეცნიერთა უმეტესობა თანხმდება, რომ კუჭის კიბოს ძირითადი მიზეზია ბაქტერიული ინფექცია Hელიცობაცტერ პყლორი.
კუჭის პოლიპები შეიძლება კიბოდ გარდაიქმნას (მალიგნიზაცია) და ამიტომ ხდება მათი მოცილება. კუჭის ადენოკარცინომის განვითარების ალბათობა უფრო მაღალია, თუ პოლიპი ჯირკვლოვანი უჯრედებისგან შედგება, მათი ზომა 3/4 დუიმზე (2 სანტიმეტრი) მეტია ან თუ რამდენიმე პოლიპია.
ფიქრობენ, რომ კუჭის ადენოკარცინომის განვითარებაში გარკვეულ როლს დიეტური ფაქტორები თამაშობს. ეს ფაქტორებია მარილის ჭარბი მოხმარება, ნახშირწყლების ჭარბი მიღება, კონსერვანტების, როგორიცაა ნიტრატი, ჭარბი მიღება, (ხშირად გვხვდება შებოლილ პროდუქტებში) და საკვებში ხილისა და მწვანე ფოთლოვანი ბოსტნეულის სიმცირე. თუმცა არც ერთი ფაქტორის როლი დადასტურებული არ არის.
სიმპტომები
ადრეულ სტადიაზე სიმპტომები სუსტადაა გამოხატული და ხშირად ხდება მათი უგულებელყოფა. დაავადების ადრეული სიმპტომები, მუცლის ტკივილი წვის შეგრძნებით, შეიძლება პეპტიური წყლულის სიმპტომებს წააგავდეს. პეპტიური წყლულის სიმპტომები, რომელიც მკურნალობას არ ექვემდებარება, შეიძლება კუჭის კიბოზე მიანიშნებდეს. პაციენტს შეიძლება სისავსის შეგრძნება ჰქონდეს მცირე რაოდენობის საკვების მიღების შემდეგ (ადრეული დანაყრება).
წონაში კლება და სისუსტე, როგორც წესი, გამოწვეულია საკვების მიღების გაძნელებით ან ვიტამინებისა და მინერალების შეწოვის შეუძლებლობით. ანემია, რომელიც ხასიათდება დაღლილობით, სისუსტით და თავბრუსხვევით, შეიძლება გამოწვეული იყოს სისხლის შეუმჩნეველი თანდათანობით დაკარგვით, კუჭის დაბალი მჟავის გამო B12 ვიტამინის (ვიტამინი, რომელიც საჭიროა ერითროციტების წარმოსაქმნელად) ან რკინის (მინერალი, რომელიც ასევე საჭიროა ერითროციტების წარმოსაქმნელად) შეწოვის დარღვევით. იშვიათად, პაციენტმა შეიძლება დიდი რაოდენობით სისხლი აღებინოს (ჰემატემეზისი) ან ჰქონდეს შავი კუპრისებრი განავალი (მელენა). როდესაც ადენოკარცინომა პროგრესირებს, ექიმმა სიმსივნე შეიძლება პაციენტის მუცლის ხელით გასინჯვით (ხელის ზეწოლით) შეიგრძნოს.
ადრეულ სტადიაზეც კი, პატარა ზომის ადენოკარცინომა შეიძლება დისტანციურად მდებარე ადგილას გავრცელდეს (განვითარდეს მეტასტაზი). სიმსივნის გავრცელებამ შეიძლება გამოიწვიოს ღვიძლის გადიდება, კანის და სკლერის მოყვითალო შეფერილობა (სიყვითლე), მუცლის ღრუში სითხის დაგროვება და მუცლის გადიდება (ასციტი), აგრეთვე კანზე კიბოს კვანძების განვითარება. გავრცელებულ კიბოს შეუძლია ძვლები დაასუსტოს და გამოიწვიოს მისი მოტეხილობები.
დიაგნოზი
დიაგნოზის დასმის საუკეთესო საშუალებაა ენდოსკოპია (გამოკვლევა, რომლის დროსაც დრეკადი მილი გამოიყენება საჭმლის მომნელებელი სისტემის შიგნიდან დასათვალიერებლად). ის საშუალებას აძლევს ექიმს, პირდაპირ დაათვალიეროს კუჭი, შეამოწმოს Hელიცობაცტერ პყლორი-ის არსებობა და აიღოს ქსოვილის ნიმუში (ბიოფსია) მიკროსკოპიული კვლევისთვის. ბარიუმით რენტგენოლოგიური კვლევა ნაკლებად გამოიყენება, რადგანაც იშვიათად ავლენს კიბოს ადრეულ სტადიაზე და არ იძლევა ბიოფსიის აღების საშუალებას. კიბოს აღმოჩენის შემთხვევაში, პაციენტს კიბოს სხვა ორგანოებში გავრცელების დასადგენად, როგორც წესი, უტარდება გულმკერდისა და მუცლის ღრუს კომპიუტერული ტომოგრაფია (ჩთ). თუ ჩთ სკანირება სიმსივნის გავრცელებას არ აჩვენებს, ექიმი, როგორც წესი, ატარებს ენდოსკოპიურ ულტრაბგერით კვლევას (რომელიც ნათლად აჩვენებს საჭმლის მომნელებელი ტრაქტის ამომფენ შრეს, რადგან ზონდი მოთავსებულია ენდოსკოპის თავზე). ამ გამოკვლევის მიზანია სიმსივნის სიღრმისა და პროცესში ახლომდებარე ლიმფური კვანძების ჩართულობის განსაზღვრა.
პროგნოზი და მკურნალობა
კუჭის ადენოკარცინომით დაავადებულთა 15%-ზე ნაკლები ცოცხლობს 5 წელზე მეტხანს. კუჭის კიბოს სხვა ადგილებში ადრეული გავრცელება ახასიათებს. თუ კიბო მხოლოდ კუჭს აზიანებს, როგორც წესი, ტარდება ქირურგიული ჩარევა განკურნების მცდელობის მიზნით. სიმსივნის მთლიანად ამოღება, სანამ ის გავრცელდება, განკურნების ერთადერთი იმედია. უნდა ამოიკვეთოს კუჭის უმეტესი ნაწილი ან მთლიანად კუჭი და ახლომდებარე ლიმფური კვანძები. პროგნოზი კარგია იმ შემთხვევაში, თუ კიბო კუჭის კედელში ღრმად არ არის ჩაზრდილი. ამერიკის შეერთებულ შტატებში, ქირურგიული ჩარევის შედეგები ხშირად ცუდია, რადგან დიაგნოზის დასმისას პაციენტთა უმეტესობას კიბოს გავრცელებული ფორმა აქვს. იაპონიაში, სადაც კუჭის კიბო ძალიან ხშირია, საზოგადოებრივი ჯანდაცვის მასობრივი სკრინინგ პროგრამები კიბოს ადრეულ ეტაპზე აღმოჩენის საშუალებას იძლევა, როდესაც განკურნება უფრო მეტად სავარაუდოა. გარკვეულ შემთხვევებში მკურნალობისთვის ქიმიოთერაპია და რადიაციული თერაპიაც გამოიყენება.
თუ კიბო კუჭის გარეთ არის გავრცელებული, ქირურგიულ ჩარევას მდგომარეობის განკურნება არ შეუძლია, მაგრამ ხანდახან გამოიყენება სიმპტომების მოხსნისთვის. მაგალითად, თუ კუჭის ბოლოში საკვები ვერ ტარდება, კეთდება შუნტირება, რომლის დროსაც კუჭსა და წვრილ ნაწლავს ერთმანეთთან აკავშირებენ, რაც საკვების გატარების საშუალებას იძლევა. ასეთი კავშირი (ანასტომოზი) მცირე ხნით მაინც ხსნის ობსტრუქციის სიმპტომებს – ტკივილს და ღებინებას. ქიმიოთერაპია და სხივური თერაპია ასევე ხსნის სიმპტომებს, თუმცა მათი ეფექტურობა შეზღუდულია.
კუჭის არაავთვისებიანი სიმსივნეები
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი.
გამომცემლობა პალიტრა L
კუჭის არაავთვისებიანი სიმსივნეები
კუჭის არაავთვისებიანი (კეთილთვისებიანი) სიმსივნეები იშვიათად იწვევს სიმპტომებსა და ჯანმრთელობის პრობლემებს. ამიტომ ხშირად მათი დიაგნოზი არ ისმება და მკურნალობაც არ ტარდება. თუმცა, ზოგჯერ ისინი იწვევს სისხლდენას და მათი მოცილება ხდება ენდოსკოპით (დრეკადი დასათვალიერებელი მილი – ენდოსკოპი, პირიდან თავსდება საყლაპავში მის დასათვალიერებლად) ან ქირურგიული ჩარევით.
კუჭის პოლიპი არაავთვისებიანი მრგვალი წარმონაქმნია, რომელიც კუჭის ღრუში იზრდება და არც ისე ხშირად გვხვდება. შეიძლება მოხდეს მისი კიბოდ გარდაქმნა (რის გამოც ის კიბოსწინარე წარმონაქმნია). პოლიპის ამოკვეთა, როგორც წესი, ენდოსკოპის საშუალებით ხდება. უშუალოდ წარმონაქმნზე ზემოქმედებენ ელექტრული დენით (ელექტროკაუტერიზაცია), მაღალი ტემპერატურით (თერმული ობლიტერაცია) ან მაღალი ენერგიის სინათლის სხივით (ლაზერული ფოტოთერაპია), რაც ენდოსკოპის საშუალებით ხორციელდება.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი.
გამომცემლობა პალიტრა L
© SheniEkimi.ge
