კვლევის მიხედვით, ხანგრძლივი კოვიდი შესაძლოა, წელიწადზე მეტი ხნის განმავლობაში გაგრძელდეს

#drpkhakadze #გიორგიფხაკაძე #accreditationge

ოქტომბერი 29, 2023

ხანგრძლივ კოვიდზე კვლევა ამბობს, რომ ზოგიერთ პაციენტს კორონავირუსით ჰოსპიტალიზაციიდან ერთ წელზე მეტი ხნის განმავლობაში დაღლილობა და სუნთქვის უკმარისობა აწუხებდა.

ჩინური კვლევა ბრიტანულ სამედიცინო ჟურნალ „ლანცეტში“ გამოქვეყნდა.

პაციენტთა ნახევარს ერთი წლის შემდეგ მაინც ჰქონდა ერთი ან სხვა სიმპტომი, ყველაზე ხშირად დაღლილობა ან კუნთების სისუსტე.

ყოველ მესამე პაციენტს აღენიშნება ქოშინი 12 თვეზე მეტი ხნის შემდეგ. ეს რიცხვი გაიზარდა იმ ადამიანებს შორის, ვინც ვირუსის გამო მძიმედ დაავადდა.

კვლევის თანახმად, მამაკაცებთან შედარებით, აღნიშნული სიმპტომებისგან ქალები 43 პროცენტით მეტად დაზარალდნენ და ორჯერ მეტად ხშირად ჰქონდათ შფოთვა, დეპრესია.

„ლანცეტმა“კვლევასთან ერთად, გამოაქვეყნა სარედაქციო მასალაც, სადაც ნათქვამია, რომ დამტკიცებული მკურნალობის ან თუნდაც სარეაბილიტაციო მითითებების გარეშე ხანგრძლივმა კოვიდმა გავლენა იქონია ადამიანების ნორმალური ცხოვრების განახლების უნარსა და მათ შრომისუნარიანობაზე.

ხანგრძლივი კოვიდის პაციენტების სრულ გამოჯანმრთელებას ერთ წელზე მეტი დრო დასჭირდა.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„არაერთი ადამიანის სიცოცხლე გადაარჩინა კონკრეტულად ამ პოსტმა…“

მიერ

https://www.accreditation.ge/post/%E1%83%96%E1%83%9D%E1%83%92%E1%83%98%E1%83%94%E1%83%A0%E1%83%97-%E1%83%A1%E1%83%90%E1%83%9B%E1%83%94%E1%83%93%E1%83%98%E1%83%AA%E1%83%98%E1%83%9C%E1%83%9D-%E1%83%93%E1%83%90%E1%83%AC%E1%83%94%E1%83%A1%E1%83%94%E1%83%91%E1%83%A3%E1%83%9A%E1%83%94%E1%83%91%E1%83%90%E1%83%A8%E1%83%98-%E1%83%A3%E1%83%AE%E1%83%90%E1%83%A0%E1%83%98%E1%83%A1%E1%83%AE%E1%83%9D-%E1%83%93%E1%83%90-%E1%83%A1%E1%83%90%E1%83%95%E1%83%90%E1%83%A0%E1%83%90%E1%83%A3%E1%83%93%E1%83%9D%E1%83%93-%E1%83%A1%E1%83%90%E1%83%A8%E1%83%98%E1%83%A8-%E1%83%A1%E1%83%90%E1%83%AE%E1%83%90%E1%83%A0%E1%83%AF-%E1%83%9B%E1%83%90%E1%83%A1%E1%83%90%E1%83%9A%E1%83%94%E1%83%91%E1%83%A1-%E1%83%98%E1%83%A7%E1%83%94%E1%83%9C%E1%83%94%E1%83%91%E1%83%94%E1%83%9C-%E1%83%A5%E1%83%98%E1%83%A0%E1%83%A3%E1%83%A0%E1%83%92%E1%83%98%E1%83%A3%E1%83%9A%E1%83%98

ოქტომბერი 29, 2023

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე წერს:

„დღეს (09/10/2023) შემიძლია ვთქვა, რომ არაერთი ადამიანის სიცოცხლე გადაარჩინა კონკრეტულად ამ პოსტმა…“

„სამწუხაროდ, საქართველოს ზოგიერთ სამედიცინო დაწესებულებაში უხარისხო და, სავარაუდოდ, საშიშ სახარჯ მასალებს იყენებენ ქირურგიული ოპერაციების დროს…“

ლინკი:

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

კვლევის მიხედვით, პლასტმასის ჩვეულებრივი დანამატი აუტიზმთან არის დაკავშირებული

მიერ

https://1tv.ge/news/kvlevis-mikhedvit-plastmasis-chveulebrivi-danamati-autizmtan-aris-dakavshirebuli-1tvmecniereba/?fbclid=IwAR2lVB3rIVjC-DhI_EZY2xdd_ZK6e0RuoHTqLPekrAiGxuDiPRvOg2EBbSI

ოქტომბერი 29, 2023

ბოლო ათწლეულებში, მსოფლიოში ბავშვებში მკვეთრად გაიზარდა აუტისტური სპექტრის აშლილობისა (ASD) და ყურადღების დეფიციტისა და ჰიპერაქტივობის აშლილობის (ADHD) დიაგნოზი. ახალი კვლევის მიხედვით, ამის პოტენციური მიზეზი შეიძლება იყოს პლასტმასის ჩვეულებრივი დანამატი, სახელად ბისფენოლ A (BPA).

ბისფენოლ A გამოიყენება ბევრ პლასტმასასა და მისი წარმოების პროცესში. ასევე გვხვდება საკვების ჭურჭელსა და სასმლის ქილებში. წინა კვლევების მიხედვით, ის ასევე დაკავშირებული აღმოჩნდა ჰორმონების დარღვევით გამოწვეულ ჯანმრთელობის პრობლემებთან, მათ შორის, ძუძუს კიბოსთან და უნაყოფობასთან.

წაიკითხეთ სრულად

პირველად საქართველოში ჩატარდა ღვიძლ ტრანსპლანტირებულ პაციენტზე კარის ვენის სტენტირება პერკუტანულად

მიერ

ოქტომბერი 29, 2023

09/11/2023

ავტორი: ირინა დათაშვილი

ივ. ბოკერიას სახელობის საუნივერსიტეტო ჰოსპიტალი • Iv. Bokeria University Hospital

ულტრაბგერის კონტროლით განხორციელდა ელენთის ვენის პუნქცია, ჩაიდგა ინტროდუსერი, რის შემდეგაც მიმმართველი გატარდა ღვიძლის კარის მიმართულებით.
განხორციელდა შევიწროებული სეგმენტის ბალონირება და ჩაიდგა ბალონ-განშლადი სტენტი.

პროცედურას უძღვებოდა ინტერვენციული რადიოლოგი – დავით შენგელია.

სამედიცინო ცენტრების გაერთიანება“Vivo Medical Group” აერთიანებს საქართველოს ბაზარზე არსებულ წამყვან მულტრიპროფილურ ცენტრებს: თბილისის ცენტრალური საავადმყოფო, ჟორდანიას კლინიკა, ბოხუას სახელობის კარდიოვასკულარული ცენტრი, სამედიცინო ცენტრი ინოვა, ინოვა ინვიტრო.

ლინკი:

https://www.accreditation.ge/post/%E1%83%A0%E1%83%94%E1%83%9E%E1%83%A0%E1%83%9D%E1%83%93%E1%83%A3%E1%83%A5%E1%83%AA%E1%83%98%E1%83%A3%E1%83%9A%E1%83%98-%E1%83%AF%E1%83%90%E1%83%9C%E1%83%A0%E1%83%9B%E1%83%97%E1%83%94%E1%83%9A%E1%83%9D%E1%83%91%E1%83%98%E1%83%A1-%E1%83%93%E1%83%90-%E1%83%98%E1%83%9C%E1%83%95%E1%83%98%E1%83%A2%E1%83%A0%E1%83%9D-%E1%83%92%E1%83%90%E1%83%9C%E1%83%90%E1%83%A7%E1%83%9D%E1%83%A4%E1%83%98%E1%83%94%E1%83%A0%E1%83%94%E1%83%91%E1%83%98%E1%83%A1-%E1%83%99%E1%83%9A%E1%83%98%E1%83%9C%E1%83%98%E1%83%99%E1%83%90-%E1%83%98%E1%83%9C%E1%83%9D%E1%83%95%E1%83%90

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

ავტოიმუნური დაავადების გაზრდილი რისკი SARSCoV2 ინფექციის / #COVID19 დიაგნოზის შემდეგ

მიერ

#drpkhakadze #გიორგიფხაკაძე #accreditationge Giorgi Pkhakadze Accreditation Canada representative office in Georgia

ოქტომბერი 29, 2023

„კვლევები აშშ-დან, გერმანიიდან, გაერთიანებული სამეფოდან, სამხრეთ კორეადან აჩვენეს ავტოიმუნური დაავადების გაზრდილ რისკს SARSCoV2 ინფექციის / #COVID19 დიაგნოზის შემდეგ.

ეს დასკვნები მხარს უჭერს ჰიპოთეზას, რომ გრძელი კოვიდ-ის ქვეჯგუფი შეიძლება გამოწვეული იყოს იმუნური შუამავლობით ანთებითი მექანიზმებით.“

Studies from #USA #Germany #UnitedKingdom #SouthKorea ALL showing increased RISK of #autoimmunedisease AFTER #SARSCoV2 infection / #COVID19 diagnosis. These findings support the hypothesis that a subgroup of #LongCOVID may be caused by #immune-mediated #inflammatory mechanisms.

USA: Chang R, Yen-Ting Chen T, Wang SI, Hung YM, Chen HY, Wei CJ. Risk of autoimmune diseases in patients with COVID-19: A retrospective cohort study. EClinicalMedicine. 2023 Feb;56:101783 https://lnkd.in/eGwNgqGJ

Germany: Tesch, F., Ehm, F., Vivirito, A. et al. Incident autoimmune diseases in association with SARS-CoV-2 infection: a matched cohort study. Clin Rheumatol42, 2905–2914 (2023) https://lnkd.in/eDQ9kV_n

United Kingdom: Syed, U., Subramanian, A., Wraith, D.C. et al. Incidence of immune-mediated inflammatory diseases following COVID-19: a matched cohort study in UK primary care. BMC Med21, 363 (2023) https://lnkd.in/edecQYnP

South Korea: Lim SH, Ju HJ, Han JH, et al. Autoimmune and Autoinflammatory Connective Tissue Disorders Following COVID-19. JAMA Netw Open. 2023;6(10):e2336120.

https://lnkd.in/eK5naBTR

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

აუცილებლად მიმართეთ პედიატრს – ომიკრონის შემთხვევები მატულობს ბავშვებში თუ ეს სიმპტომები გამოვლინდა

მიერ

https://mshoblebi.ge/article/26688-tu-magali-temperatura-5-dge-da-meti-grzeldeba-aucileblad-mimartet-ekims-romeli-sezonuri-virusebi-vrceldeba-amzhamad-kveqanashi-da-ras-unda-miakciot-gansakutrebuli-quradgeba/

ოქტომბერი 29, 2023

საქართველოში ბოლო პერიოდში კორონავირუსის მომართვიანობის სტატისტიკა მომატებულია. როგორია ამ ეტაპისთვის ვირუსის მიმდინარეობა და რა რეგულაციებია ვირუსის მართვის სფეროში, ამ თემაზე ექიმი ინფექციონისტი ალექსანდრე გოგინავა საუბრობს.

– პირველ რიგში, პირადი დაკვირვების შედეგად ვამბობ, რომ კორონავირუსით მომართვიანობა ბოლო პერიოდის განმავლობაში შედარებით მომატებულია.

სამწუხაროდ, ჯერჯერობით, ოფიციალური სტატისტიკა არ არსებობს. რაც შეეხება მიმდინარეობას, ამ ეტაპზე ომიკრონის სხვადასხვა ქვეშტამი ცირკულირებს. ომიკრონს ძირითადად ზემო რესპირატორული ტრაქტის დაზიანებით მიმდინარე სიმპტომატიკა ახასიათებს. გამოხატულია, ხველა, ყელის ტკივილი, ცხვირში გაჭედვა, სახსრების, კუნთების ტკივილი და 2-3 დღის განმავლობაში მაღალი ტემპერატურა. თუმცა, დაბალი სუბფებრილური ტემპერატურა შეიძლება, 5-6 დღის განმავლობაშიც გაგრძელდეს…

წაიკითხეთ სრულად:

ზოგიერთ სამედიცინო დაწესებულებაში უხარისხო და, სავარაუდოდ, საშიშ სახარჯ მასალებს იყენებენ ქირურგიული

მიერ

#drpkhakadze #გიორგიფხაკაძე #accreditationge Giorgi Pkhakadze

ოქტომბერი 29, 2023

საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ამბობს, რომ საქართველოს ზოგიერთ სამედიცინო დაწესებულებაში უხარისხო და, სავარაუდოდ, საშიშ სახარჯ მასალებს იყენებენ ქირურგიული ოპერაციების დროს.

გიორგი ფხაკაძე 2022 წლის 9 ოქტომბერს წერდა:

„სამწუხაროდ, საქართველოს ზოგიერთ სამედიცინო დაწესებულებაში უხარისხო და, სავარაუდოდ, საშიშ სახარჯ მასალებს იყენებენ ქირურგიული ოპერაციების დროს

გეტყვით, ეს როგორ ხდება:

მიმდინარეობს ქირურგიული ოპერაცია – პაციენტი და, განსაკუთრებით, ჭრილობის არე შემოფარგლულია სამედიცინო ზეწრებით. ექიმებს და ექთნებს აცვიათ სამედიცინო ხალათები.

აღნიშნული მასალები იცავს პაციენტს სითხური დაბინძურებისგან და შიდა ჰოსპიტალური ინფექციისგან, სამედიცინო პერსონალს კი პაციენტისგან მომავალი სითხური დაბინძურებისგან და პაციენტისგან მომავალი ინფექციისგან.

როგორ ვაფასებთ ამ პროდუქციის ხარისხს ყველაზე მარტივი და აუცილებელი გზით :

ვის მიერაა წარმოებული და რამდენად რეპუტაციულია აღნიშნული მწარმოებელი?

რომელ ქვეყანაშია წარმოებული?

როგორია ამ პროდუქციის შენახვის პირობები? (რადგან პროდუქცია შეიძლება, ძალიან კარგი იყოს, თუმცა ჰქონდეს შენახვის ძალიან მკაცრი მოთხოვნები, რომელსაც კონკრეტული სამედიცინო დაწესებულება ვერ აკმაყოფილებს).

რა არის საჭირო, რომ მოხდეს ზემოთ ჩამოთვლილი ყველაზე მარტივი 3 პუნქტის შეფასება? რა თქმა უნდა, პროდუქციის შეფუთვაზე დატანილი ინფორმაცია:

მწარმოებელი და აუცილებლად მისი რეკვიზიტები;

რომელ ქვეყანაშია ეს პროდუქცია წარმოებული;

ამ პროდუქციის შენახვის პირობები (რათა კლინიკის პერსონალის მიერ მოხდეს შესაბამისი პირობების მიხედვით მისი დასაწყობება).

როგორც შეგპირდით, ვდებ იმ ქირურგიული ნაკრების ფოტოებს, რომელსაც იყენებენ საქართველოს კლინიკებში

მასზე არ არის მითითებული:

თუ სად მდებარეობს ქარხანა და მისი რეკვიზიტები;

რომელ ქვეყანაშია წარმოებული;

შენახვის პირობები.

შესაბამისად, სამწუხაროდ, გაურკვეველია, თუ როგორ ენდობიან ამ გაურკვეველი წარმომავლობის სამედიცინო სახარჯ მასალას…

P.S. ჩემს წინა ლაივებში ვსაუბრობდი Barcode- ის შესახებ, ეს არის საქონლის წარმოშობის და მისი აღწერის სისტემა. მაგ: თუ საქონელს აწერია, რომ წარმოებულია შპს „WTHG ის მიერ ბანგლადეშში“ მასზე დატანილი Barcode, სკანირების შემდეგ იგივე ინფორმაციას უნდა ვიღებდეთ.

სამწუხაროდ, ამ შემთხვევაში ტექსტობრივად საერთოდ არაა ინფორმაცია მითითებული, ხოლო Barcode-ის სკანირებით ვიგებთ, რომ პროდუქცია წარმოებულია იტალიაში – Elvea SPA ის მიერ…რომელიც რეალურად ტომატ პასტისა და სხვა საკვები პროდუქტების მწარმოებელია (ვდებ ასევე ამ ბარკოდის სკანირების ფოტოებსაც). ეს რომ ამ იტალიელებმა გაიგონ, ალბათ, გულის შეტევა მოუვათ.

შემდეგ პოსტში უფრო რთული, ანგიოგრაფიული საოპერაციო ნაკრებების შესახებ დავდებ ინფორაციას.

ჯანმრთელობას და გამძლეობას გისურვებთ“

საქართველოს ზოგიერთ სამედიცინო დაწესებულებაში უხარისხო და, სავარაუდოდ, საშიშ სახარჯ მასალებს იყენებენ ქირურგიული ოპერაციების დროს – გიორგი ფხაკაძე

ვრცლად: https://primetime.ge/…/saqartvelos-zogiert-sameditsino…

https://digest.pia.ge/…/saqartvelos-zogiert-sameditsino…

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

აღმოჩენილია ტვინის სიგნალი, რომელიც დეპრესიისგან განკურნებაში დაგეხმარებათ – ექსპერიმენტი, რომელმაც

მიერ

ოქტომბერი 29, 2023

06/11/2023

ავტორი: ირინა დათაშვილი

#drpkhakadze #გიორგიფხაკაძე #accreditationge

ახალი ღრმა ტვინის სტიმულაციის (DBS) მოწყობილობის გამოყენებით, მკვლევრებმა აღმოაჩინეს ბიომარკერი დეპრესიის აღდგენის თვალყურის დევნებისთვის. ამ მცირე კვლევის შედეგები მნიშვნელოვანი ნაბიჯია ტვინის მონაცემების გამოსაყენებლად პაციენტის პასუხის გასაგებად DBS მკურნალობაზე. კვლევა Nature- ში გამოქვეყნდა.

მიუხედავად იმისა, რომ მიდგომა ჯერ კიდევ ექსპერიმენტულია, კლინიკურმა კვლევამ აჩვენა, რომ DBS შეიძლება გამოყენებულ იქნას უსაფრთხოდ და ეფექტურად ისეთ დროს, როცა დეპრესიის მკურნალობის დროს შედეგი არ უმჯობესდება. ადამიანები, რომლებიც იღებენ DBS-ს, უტარებენ ოპერაციას, რათა თხელი მეტალის ელექტროდი ჩაუნერგონ ტვინის კონკრეტულ უბნებში ელექტრო იმპულსების მიწოდებისთვის, რომლებიც არეგულირებენ ტვინის აქტივობას.

მცირე კვლევაში ჩაერთო 10 ზრდასრული, რომელთაგან ყველა გადიოდა DBS თერაპიას ექვსი თვის განმავლობაში. მკვლევრებმა გამოიყენეს ხელოვნური ინტელექტის (AI) ინსტრუმენტები ექვსი პაციენტის ტვინის შეგროვებული მონაცემების გასაანალიზებლად და დააკვირდნენ საერთო ტვინის აქტივობის ბიომარკერს.

კვლევაში მონაწილე პაციენტები კარგად რეაგირებდნენ DBS თერაპიაზე – ექვსი თვის შემდეგ, 90%-მა აჩვენა დეპრესიის სიმპტომების მნიშვნელოვანი გაუმჯობესება, ხოლო 70% იყო რემისიაში ან აღარ იყო დეპრესიული.

როგორც მკვლევრები ამბობენ, ამ მეთოდით, ტვინის მონაცემებზე დაკვირვების შედეგად, კლინიცისტებს შეუძლიათ დაადგინონ ადრეული გამაფრთხილებელი სიგნალი, რომ პაციენტი მიდის უაღრესად დეპრესიულ მდგომარეობაში და საჭიროებს DBS-ის კორექტირებას და დამატებით კლინიკურ ზრუნვას.

„კვლევაში მონაწილე 10 პაციენტიდან ცხრა გაუმჯობესდა, რაც შესანიშნავ შესაძლებლობას იძლევა გამოიყენოს ახალი ტექნოლოგია მათი გამოჯანმრთელების ტრაექტორიის თვალყურის დევნებისთვის“, – თქვა ჰელენ მაიბერგმა, მედიცინის დოქტორმა.

მკვლევრების გუნდის თანახმად, ეს კვლევა წარმოადგენს მნიშვნელოვან წინსვლას ადრეულ ეტაპზე DBS თერაპიაში სხვადასხვა ფსიქიკური აშლილობისთვის, მათ შორის მძიმე დეპრესიის, ობსესიურ-კომპულსიური აშლილობის, პოსტტრავმული სტრესული აშლილობის, ჭარბი კვების აშლილობისა და ნივთიერებების მოხმარების აშლილობის ჩათვლით.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

წყარო: https://primetime.ge/news/mecniereba/aghmochenilia-tvinis-signali-romelits-depresiisgan-gankurnebashi-dagekhmarebat-eqsperimenti-romelmats-tsarmatebit-imushava

მენინგიტი – როგორ დავასრულოთ ეს მომაკვდინებელი დაავადება

მიერ

ოქტომბერი 29, 2023

06/11/2023

ავტორი: ირინა დათაშვილი

#drpkhakadze #გიორგიფხაკაძე #accreditationge

5 ოქტომბერს მენინგიტის მსოფლიო დღე აღინიშნება.

ჯანმო-მ გამოაქვეყნა საგზაო რუკა 2030 წლისთვის მენინგიტის დასამარცხებლად. ეს დაავადება წარმოადგენს საზოგადოებრივი ჯანმრთელობის მთავარ პრობლემას, რომელიც ყოველწლიურად აზიანებს არანაკლებ 2,5 მილიონ ადამიანს მთელს მსოფლიოში.

დაავადება მოიცავს მენინგების ანთებას – ეს არის ქსოვილები, რომლებიც გარს აკრავს თავის ტვინს და ზურგის ტვინს. ის შეიძლება გამოწვეული იყოს არაინფექციური პროცესებით (ავტოიმუნური დარღვევები, კიბო, წამლის რეაქციები) ან ინფექციური პროცესებით (ბაქტერიები, ვირუსები, სოკოები და ნაკლებად ხშირად პარაზიტები).

მენინგიტის გამომწვევი ინფექციების უმეტესობა შეიძლება გადაეცეს ადამიანიდან ადამიანზე.

სიკვდილი სულ რაღაც 24 საათში

მიუხედავად იმისა, რომ ვირუსული მენინგიტი შედარებით გავრცელებულია, მართლაც საშიშია ბაქტერიული წარმოშობის მენინგიტი, რამაც შეიძლება გამოიწვიოს სიკვდილი სულ რაღაც 24 საათში. ბაქტერიული მენინგიტით დაავადებული მეათე ადამიანიდან დაახლოებით ერთი იღუპება.

მენინგიტის გამომწვევი ბაქტერიების უმეტესობა გადადის ცხვირში და ყელში.

დადგენილია, რომ ყოველწლიურად მსოფლიოში ბაქტერიული მენინგიტის 1,2 მილიონზე მეტი შემთხვევა ხდება და მკურნალობის გარეშე, სიკვდილიანობამ შეიძლება 70%-მდე მიაღწიოს. რაც კიდევ უფრო უარესია, ყოველი მეხუთე გადარჩენილმა ადამიანმა, შეიძლება განიცადოს მუდმივი გართულებები, როგორიცაა სმენის დაქვეითება, ნევროლოგიური ინვალიდობა ან კიდურის დაკარგვა.

მენინგიტის დროს პირველი სიმპტომები შეიძლება იყოს არასპეციფიკური და გრიპის სიმპტომებით, როგორიცაა ცხელება და ზოგადი სისუსტე. თუმცა, მალევე ჩნდება სხვა ნიშნებიც რასაც ყურადღება უნდა მივაქცოით: მაღალი სიცხე, ძლიერი თავის ტკივილი, ფოტოფობია, ღებინება, შეცვლილი ცნობიერება და კისრის კუნთების სიმტკიცე.

სიმპტომები შეიძლება მოულოდნელად გამოჩნდეს და სწრაფად გაუარესდეს, რამაც გამოიწვიოს კრუნჩხვები, კომა და სიკვდილი. მენინგიტის დიაგნოსტიკის ოქროს სტანდარტი არის ცერებროსპინალური სითხის გამოკვლევა – სითხე, რომელიც ცირკულირებს თავის ტვინისა და ზურგის ტვინის ღრუ სივრცეებში – და წელის პუნქცია .

მთავარია ვაქცინაცია

„მენინგიტის გარეშე სამყაროსკენ “ გადასვლა , როგორც ჯანმო-მ შემოგვთავაზა, მოიცავს სამი ძირითადი მიზნის მიღწევას. ერთის მხრივ, აღმოფხვრა ბაქტერიული მენინგიტის ეპიდემიები. მეორეც, ვაქცინაციის გზით შემცირდეს პრევენციული ბაქტერიული მენინგიტის შემთხვევების რაოდენობა 50%-ით და სიკვდილიანობის 70%-ით. და ბოლოს, ძალისხმევა უნდა განხორციელდეს ინვალიდობის შესამცირებლად და მენინგიტის შემდეგ ცხოვრების ხარისხის გასაუმჯობესებლად.

ამჟამად ბავშვებში ბაქტერიებით გამოწვეული მენინგიტის დიდი ნაწილის პრევენცია შესაძლებელია ვაქცინაციის გზით.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

წყარო: https://primetime.ge/news/mecniereba/meningiti-rogor-davasrulot-es-momakvdinebeli-daavadeba

პარკინსონი, ალცჰაიმერი… – როგორ ავლენს სიზმრები ტვინის დარღვევებს

მიერ

ოქტომბერი 29, 2023

06/11/2023

ავტორი: ირინა დათაშვილი

#drpkhakadze #გიორგიფხაკაძე #accreditationge

30 წლის განმავლობაში იზაბელ არნულფი, პარიზის პიტიე-სალპეტრიერის საავადმყოფოს ძილის დარღვევების კლინიკის ხელმძღვანელი, სწავლობდა ძილს და მასთან დაკავშირებულ დარღვევებს.

შეიძლება თუ არა ხშირი კოშმარები იყოს გაფრთხილება ადამიანის ფსიქიკური ჯანმრთელობის რისკების შესახებ?

დეპრესიის დროს სიზმრები ძალიან ნეგატიურია, ასახავს დეპრესიული ადამიანების ფსიქიკურ მდგომარეობას დღის განმავლობაში. ეს პარალელი გამოავლინეს 2000-იანი წლების დასაწყისში მკვლევარმა დიტერ რიმანმა და მისმა კოლეგებმა. ანტიდეპრესანტებით ნამკურნალები დეპრესიული პაციენტების სიზმრების გაანალიზებით, მათ აღმოაჩინეს, რომ მკურნალობის დაწყების შემდეგ, ამ სიზმრების შინაარსი სულ უფრო და უფრო ბნელი ხდებოდა და პაციენტების განწყობა უმჯობესდებოდა.

ერთი შეხედვით შეიძლება ვიფიქროთ, რომ სიზმრების საერთო ტონი ასახავს პაციენტის დეპრესიულ მდგომარეობას. მაგრამ, სამწუხაროდ, ყველაფერი არც ისე მარტივია, რადგან მკურნალობის პირველ კვირებში ანტიდეპრესანტები ხშირად თრგუნავენ REM ძილს – ფაზას, როდესაც ყველაზე მეტად ვხედავთ სიზმრებს – და ჩვეულებრივ, პაციენტებს სჭირდებათ ერთი თვე, რომ კვლავ გაიხსენონ თავიანთი სიზმრები. ძნელია იმის გაგება, თუ რა კავშირი აქვს სიზმრებსა და დეპრესიას.

ძილის ქცევის აშლილობის დროს, პაციენტები ცდილობენ განახორციელონ მოქმედებები სიზმარში: ზოგი ჭამს წარმოსახვით სენდვიჩს ძილის დროს, ზოგი კი საწოლში ებრძვის უხილავ მოწინააღმდეგეებს. ეს მოქმედება, როგორც წესი, გამოწვეულია ტვინის ღეროს დაზიანებით, რაც ნიშნავს, რომ მათი მოძრაობები, რომლებიც ხშირად შეფერხებულია ჩვეულებრივ სიზმარში, არ იბლოკება ძილის დროს. რაც შეეხება გააზრებულ სიზმრებს, ასეთ დროს ადამიანები რეალურად აღიარებენ, რომ ძილში სიზმრებს ხედავენ.

დეპრესიული ადამიანების ერთ-ერთი მახასიათებელია ის, რომ ისინი დილით უფრო სევდიანად იღვიძებენ, ვიდრე საღამოს, მაშინ როცა, ჩვეულებრივ, პირიქით ხდება: ჩვენ უფრო ბედნიერები ვართ, როცა ვიღვიძებთ, ვიდრე ვიძინებთ. ამიტომ ჩვენ გვჯერა, რომ ძილი და სიზმრები ემსახურება ნეგატიური ემოციების შესუსტებას და რომ ეს პროცესი დისფუნქციურია დეპრესიის მქონე ადამიანებში.

მეთიუ უოკერი, ნეირომეცნიერებისა და ფსიქოლოგიის პროფესორი კალიფორნიის უნივერსიტეტში, ბერკლი, ვარაუდობს, რომ ძილისა და სიზმრების ფუნქცია არის დღის ემოციური მოგონებების დაქვეითება. უოკერის აზრით, სიზმრები არის ერთგვარი გონებრივი თეატრი, სადაც ჩვენ განვიხილავთ განსაცდელებს, რომლებიც მოხდა ჩვენთან, მაგრამ ინტეგრირებულია მეტ-ნაკლებად გიჟურ სცენარებში.

გამოდის, რომ ნეგატიური სიზმრები კარგია ჩვენთვის?

დიახ, რა თქმა უნდა. მაგრამ ფრთხილად იყავი; ითვლება, რომ კოშმარებში ეს სასარგებლო მექანიზმი იმ დონემდე ფუნქციონირებს, რომ სიზმარს წყვეტს და აღვიძებს მძინარე ადამიანს, ამიტომ ემოციური ინტეგრაციის პროცესი ბოლომდე ვერ მიდის.

ზოგადად, კოშმარების მრავალი ფორმა არსებობს, რომელსაც განსხვავებული წარმოშობა აქვს და რომელთა დიფერენცირებასაც ექიმი შეძლებს. ახალგაზრდები, რომლებიც ღამით ყვირიან და ზოგჯერ საწოლიდანაც დგებიან, ექვემდებარებიან ღამის შიშებს, აშლილობას, რომელიც ძილში სიარულის მსგავსია, მაგრამ არ არის დაკავშირებული ფსიქიკური ჯანმრთელობის პრობლემებთან.

კოშმარები გარდაუვალი არ არის. ჩვენ უნდა შევწყვიტოთ ფიქრი, რომ კოშმარების შეჩერებისთვის საკმარისია ყველაფერი კარგად წარიმართოს, როცა დღის განმავლობაში ფხიზლები ვართ. ცუდი ღამეები თავად წარმოშობს უსიამოვნო განცდას დილით და შემდეგ ადამიანებს ეშინიათ ძილის და იგივე სცენარის გამეორების, რაც ამ მანკიერ წრეს ინარჩუნებს.

არსებობს თუ არა სიზმრები, რომლებიც დაგეხმარებათ ნეიროდეგენერაციული დაავადებების დიაგნოსტირებაში?

„აჟიტირებული სიზმრები“ – ისეთები, რომლებშიც პაციენტები ბაძავენ ყველაფერს, რასაც სიზმარში განიცდიან – დამახასიათებელია RBD-სთვის. ამ აშლილობის მქონე პაციენტების 80 პროცენტზე მეტს უვითარდება ნეიროდეგენერაციული პათოლოგია RBD-ის დაწყებიდან 10-15 წლის განმავლობაში.

ყველაზე ხშირად ეს არის პარკინსონის დაავადება. სინამდვილეში, სიზმრების დროს, როცა ტვინი ვერ აფერხებს მოძრაობებს, არის ნიშანი იმისა, რომ ტვინი უკვე იწყებს დაზიანებას, რადგან [ეს ფენომენი] გამოწვეულია ტვინის ღეროს იმ უბნის დაზიანების შედეგად, რომელიც ჩვეულებრივ აფერხებს მოძრაობას. ამიტომ ეს არის ძალიან ძლიერი გამაფრთხილებელი ნიშანი.

რაც შეეხება ალცჰაიმერის დაავადების მქონე ადამიანებს, სირთულე იმაში მდგომარეობს, რომ მათ ნაკლებად ახსოვთ სიზმრები. გარდა ამისა, იმის გამო, რომ მათი ქერქი პირველ რიგში დაზიანებულია, ძილის დამახასიათებელი შაბლონები ნაკლებად შესამჩნევია ელექტროენცეფალოგრამებზე, რაც ართულებს კვლევას. ჩვენ მხოლოდ ის ვიცით, რომ არ არსებობს ფიზიკური მოქმედება ძილში, განსხვავებით RBD პაციენტების სიზმრებისგან.

აქედან გამომდინარე, სიზმრები ჩვენი ფსიქიკური და ნევროლოგიური ჯანმრთელობის შესახებ მნიშვნელოვან ინფორმაციას გვაწვდის. მიუხედავად იმისა, რომ თემა სიღრმისეულად არ არის გამოკვლეული, უფრო და უფრო მეტი ექიმი დაინტერესებულია ამით, რადგან სიზმრებით, შესაძლოა დიაგნოზის დასმაც გაადვილდეს.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе