02/11/2021

ჯანდაცვის საერთაშორისო ექსპერტი გიორგი ფახაკაძე სოციალურ ქსელში ვრცელ ინფორმაციას ავრცელებს და კოვიდპანდემიის მართვის რეკომანდაციას გასცემს.

პოსტს უცვლელად გთავაზობთ:

„ქვეყანაში გადაწყვეტილების მიმღებმა ეს პოსტი უნდა დაიდონ წინ სახელმძღვანელო გაკვეთილივით. სულ პუნქტ-პუნქტად თანმიმდევრობით უნდა გაიარონ და მიყოლებით მიიღონ შესაბამისი გადაწყვეტილებები… ვაქცინაცია ქვეყანაში ჩავარდნილია

მარტივ ენაზე – ვაქცინაციის პროცესი გაჩერდა. ვაქცინაციის საბჭომ უნდა აიღოს სრული პასუხისმგებლობა ამ ჩავარდნაზე

დაავადებათა კონტროლის ცენტრმა უნდა აიღოს სრული პადუხისმგებლობა ამ ჩავარდნაზე. ნუ ვეძებთ “ვიღაც” დამნაშავეებს.

როცა არაპროფესიონალები (ვაქცინაციის სფეროში) იღებენ არაპროფესიონალურ /პოლიტიკურ /ბიზნეს ინტერესებზე დაფუძნებულ გადაწყვეტილებებს, შედეგია არის შესაბამისი.

4 ტიპის ვაქცინის შემოტანა იყო შეცთდომა და წინადადება – “ვაქცინის არჩევანის თავისუფლება” იყო თავიდანვე დიდი შეცდომა. ვერ გავიგე, ეს ვაქცინაა თუ “ბოტილოქსი” (ბოტოქსი არის შხამი, რომელიც გამოიყენება ესთეტიკურ მედიცინაში). მოქალაქემ უნდა იცკდეს რომ უნდა აიცრას და რა ვაქცინით, ეს არის შიდა სამედიცინო საკითხი.

მესმის, რომ თავიდან არანაირი ვაქცინა არ იყო და ნებისმიერი ვაქცინა იყო ხსნა ამაზე არავინ დავობს. მაგრამ როცა აგვისტოდან უკვე მსოფლიოში სრულად დამტკიცდა ფაიზერი 16 წლის ზევით ასაკის ადამიანებში გამოსაყენებლად და ამ ვაქცინაზე ხელმისაწვდომობა გაიზარდა, რატომ არ მოვიქეცით, ისე როგორც, მაგალითად, ჩვენი მეზობელი თურქეთი?! თურქეთში ვაქცინაცია დაიწყეს ჩინურით და ახლა მთლიანად გადავიდნენ ფაიზერ/ბიონტეკის ვაქცინაზე.

ჩვენი “ექსპერტების” მიერ “შემოგდებული” ტერმინი – “ტრადიციული ვაქცინა”. თავიდანვე ვეწინააღმდეგებოდი ამ ტერმინის ეს არასწორი ტერმინია. აკადემიურადაც და რეალურადაც. ამ ტერმინმა უფრო დააბნია ისედაც დაბნეული მოსახლეობა. ყველა ვაქცინა დღეს მზადდება თანამედროვე მაღალტექნოლოგიური მეთოდებით.

ჩინური ვაქცინების “გაპრავება” – ეს კიდევ ცალკე თემაა. გავიგეთ, რომ ვუჰანური ვირუსის წინააღმდეგ ჩინური ვაქცინები 50%-ით იცავს და ეს არის ჯანმრთელობის მსოფლიო ორგანუზაციაში წარმიდგენილ საბუთებში, მაგრამ იმის მერე წამივიდა ბრიტანული, სამხრეთ აფრიკული, ინდური და სხვა შტამები და ეს ჩინური ვაქცინები ვერ არიან ეფექტური ამ შტამების წინააღმდეგ. ყველა კვლევა, რაც არსებობს დღესდღეობით ჩინური ვაქცინების შესახებ, გვაჩვენებს, რომ ეს ვაქცინები არის უსაფრთხო, მაგრამ, სამწუხაროდ, დაბალ ეფექტურია ახალი შტამების წინააღმდეგ. საქართველოში პოპულარული შრილანკის და ჰონკონგის კვლევები არის არასანდო და არასერიოზული მარტივი მიზეზის გამო – 1/ ორივე დაფინანსებულია ჩინეთის მთავრობის მიერ, 2.კვლევებში მონაწილეთა რაოდენობა არის ძალიაან მცირე შრილანკაში- 282 და ჰონკონგში -360 მონაწილე.

ლატარიის ჩატარება სახელმწიფოს მიერ, ეს იყო და არის არამიზნიბრივი ხარჯი და არაპროფესიონალების მიერ დაგეგმილი და განხორციელებული. ასეთ რამეს რომ აკეთებ ჯერ სოციოლოგიირი/ანტროპოლოგიური მცირე კვლევა მაინც უნდა დადო, რომ დათვალო, რა დადებითი და რა უარყოფითი შედეგები ექნება ამ პროცესს. შედეგი ნათელია – ლატარია არის არაეფექტური და პირიქით უფრო დიდი ზიანი მიაყენა ვაქცინაციის პროცესს. სჯობდა ლატარია ყოფილიყო კერძო ბიზნესის (ეს მათი ინტერესში შედის, რომ მომხმარებელი ჯანმრთელი იყოს და ლოკდაუნი არ გამოცხადდეს) და სახელმწიფოს წილი ყოფილიყო გადასახადებისგან განთავისუფლება ამ ლატარიისთვის. მაგრამ ყველაფერი უკუღნა გაკეთდა.

ვაქცინაციის ბარათიზე ხომ საერთოდ აღარაფერს ვამბობ, ჩავარდნილია თავიდან ბოლომდე ინიციატივა და რატომ? არაპროფესიონალების მიერ არის დაგეგმილი და იმიტომ.

საინფორმაციო კამპანია, ეს ხომ საერთოდ ვერანაირ კრიტიკას ვერ უძლებს. აქაც არაპროფესიონალების ნიერ ჩავარდნილი საქმე.. ავიღოთ მაგალითად “ბარამბოს” ან სადაზღვევო კომპსნიების , ძველი “ალდაგის” რეკლამები … ყველა არის გაკეთებული ქართველების მიერ. დაუკვეთეთ მათ ჩააბარეთ საქმე პროფესიონალებსდა დარწმუნებული ვარ, მოკლე დროში მაღალი ხარისხის და რაც მთავარია ქართველი მომხმარებლისთვის გასაგებ საინფორმაციო კამპანიას მივიღებთ.

და კიდევ ბევრი რამ….. დამღლელია, ერთი და იმავე შეცდომებს რომ უშვებენნ და ყველა რომ “ატარებს” ამ შეცდომებს.

კოვიდ სიტუაციის მართვა შესაძლებელი და საკმაოდ მარტივია. არაერთი ქვეყანა უკვე იყენებს ამ მეთოდს. საქართველოსთვის კი გამოსავალი შემდგეგშია:

ვაქცინაცია უნდა იყოს მხოლოდ ერთი ვაქცინით (Pfizer-BioNTech) მწარმოებლის ინსტრუქციით (ქართული ჩამატებები არ გვინდა რა)

სამედიცინო პირბადეების გამოყენება ყველგან. დისტანციის დაცვა ყველგან. კოვიდ სტატუსის ელექტრონული სისტემის ამუშავება (ევროპული ანალოგი) და თავშეყრის ადგილებში მხოლოდ კოვიდ სტატუსით დაშვება. სხვა ალტერნატივა ჯერჯერობით არ არსებობს. თავს ნუ ვიტყუებთ“, – აღნიშნავს ფხაკაძე.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/es-posti-unda-daidon-tsin-sakhelmdzghvanelo-gakvetilivit-giorgi-fkhakadze/

27/02/2021

ავტორი: ირინა დათაშვილი

#datashvil

რადიო „ჯორჯიან თაიმსის” ეთერშია გადაცემა “ჩარჩოს მიღმა” – მამა პეტრე, – სტუმარი საზოგადოებრივი ჯანდაცვის ექსპერტი, გაეროს გენერალური მდივანი და ვაქცინებისა და იმუნიზაციების გლობალური ალიანსის მრჩეველი, გიორგი ფხაკაძე.

„საბჭოთა კავშირის დროს ვცხორობდით ლვოვში, იქ დავდიოდი სკოლაში, მე-2, ან მე-3 კლასელი ვიყავი, (დედაჩემი მუშაობდა უნივერსიტეტში, ბიოქიმიკოსია), ძალიან მდიდრები არასოდეს ვყოფილვართ, (ტიპიური „საბჭოთა ინტელიგენცია“), საკვები არ იყო, იყო დეფიციტი, დედაჩემმა იშოვა ერთი კიტრი და ეს „კიტრი“ იყო „რაღაცა სასწაული“, დედაჩემმა გაგვიყო მე და ჩემს დას. მე ჩემი წილი შევჭამე, ჩემმა დამ შეჭამა ნაწილი, -არ მომეწონაო, თქვა – შენ შეჭამეო.

დიდი მადლობა ვუთხარი ჩემს დას. ვიცოდი, რომ ჩემს დასაც უნდოდა, მაგრამ ჩემმა დამ დამითმო თავისი წილი! – აცხადებს გიორგი ფხაკაძე

ნახეთ ვიდეო ☝️

https://www.facebook.com/radiogeorgiantimes/videos/833218567230697/

Professor Giorgi Pkhakadze, MD, MPH, PhD

drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

https://youtube.com/@drpkhakadze

11/12/2021

საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში ბავშვობის ფოტოს აქვეყნებს, რომელიც დედასთან ერთად აქვს გადაღებული.

“მენატრები… დღეს ჩემთვის არის დედის დღე.” – წერს გიორგი ფხაკაძე.

პროფესორი რამდენიმე თვის წინ “პრაიმტაიმს” ოჯახზე ესაუბრა, სადაც მან აღნიშნა, რომ დედის რჩევები ხშირად ახსენდება და ცდილობს, გაითვალისწინოს…

“დედა – ტატიანა ფხაკაძე, პროფესიით ბიოფიზიკოსი, სამწუხაროდ, დიდი ხნის წინ გარდაიცვალა. მისი რჩევებიდან, ყველაზე მეტად დამამახსოვრდა, რომ სულ მეუბნებოდა, ჩხუბის დროსაც კი გაიღიმეო. არასდროს იჩხუბო, ვინც ჩხუბობს, ის ყოველთვის წაგებულია, მტერსაც უნდა გაუღიმოო.” – ამბობდა გიორგი ფხაკაძე.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/menatrebi-dghes-chemtvis-aris-dedis-dghe-giorgi-fkhakadzis-emotsiuri-posti/

11/10/2021

​კოვიდის მე-4 ტალღა საქართველოში არ დამთავრებულა, მე-5 ტალღა ზამთრის შუა რიცხვებში იქნება საქართველოში, – ამის შესახებ ჯანდაცვის დამოუკიდებელი ექსპერტი გიორგი ფხაკაძე წერს.

„არაპროფესიონალიზმი ყველა სფეროში და განსაკუთრებით ჯანდაცვის/ეპიდემიის მართვის სფეროში ამძიმებს მდგომარეობას ყოველდღიურად. არჩევნების ჩატარების შედეგად შესაბამისი ზომები და გადაწყვეტილებები არ იქნა მიღებული ქვეყანაში. შედეგი სახეზეა, დღეს კოვიდ აფეთქება მარტო თბილისში – სტატისტიკის მიხედვით, 40 ბაღი დაიხურა, 7 სკოლა და ცალკეული 90 კლასი. არაპროფესიონალიზმი კლავს.

ქვეყანა უნდა გადავიდეს ფაიზერ/ბიონტეკის ვაქიცინაზე. ქვეყნის ვაქცინაციის გეგმა უნდა შეიცვალოს და მოზრდილი (16 წლის ზევით) მოსახლეობის მინიმუმ 90 % უნდა აიცრას. ყველაფერი შესაძლებელია თუ იქნება ამის სურვილი“, – წერს ფხაკაძე.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/rodis-iqneba-saqartveloshi-virusis-mekhute-talgha-giorgi-fkhakadzis-prognozi/

11, 08, 2021 რადიო თავისუფლება

საზოგადოებრივი ჯანდაცვის საერთაშორისო ექსპერტი, პროფესორი გიორგი ფხაკაძე თვლის, რომ აგვისტოს შუა რიცხვები გასულ ნოემბერზე უარესი იქნება, რომ შექმნილი ეპიდვითარების ფონზე “არჩევნები არის ყველაზე დიდი დანაშაული “, რომ ვაქცინაციის ეფექტი 2-3 თვეში იქნება და სკოლების გახსნაც შესაბამისად უნდა გადაიდოს.

Professor Giorgi Pkhakadze, MD, MPH, PhD

#drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Source: https://www.radiotavisupleba.ge/a/%E1%83%92%E1%83%98%E1%83%9D%E1%83%A0%E1%83%92%E1%83%98-%E1%83%A4%E1%83%AE%E1%83%90%E1%83%99%E1%83%90%E1%83%AB%E1%83%94—%E1%83%9A%E1%83%9D%E1%83%99%E1%83%93%E1%83%90%E1%83%A3%E1%83%9C%E1%83%98-%E1%83%A3%E1%83%9C%E1%83%93%E1%83%90-%E1%83%92%E1%83%90%E1%83%99%E1%83%94%E1%83%97%E1%83%94%E1%83%91%E1%83%A3%E1%83%9A%E1%83%98%E1%83%A7%E1%83%9D-1-%E1%83%98%E1%83%95%E1%83%9A%E1%83%98%E1%83%A1%E1%83%98%E1%83%93%E1%83%90%E1%83%9C-%E1%83%90%E1%83%AE%E1%83%9A%E1%83%90-%E1%83%A1%E1%83%A3%E1%83%9A-%E1%83%A1%E1%83%AE%E1%83%95%E1%83%90-%E1%83%A1%E1%83%A3%E1%83%A0%E1%83%90%E1%83%97%E1%83%98-%E1%83%92%E1%83%95%E1%83%94%E1%83%A5%E1%83%9C%E1%83%94%E1%83%91%E1%83%9D%E1%83%93%E1%83%90-/31404407.html

19/03/2021

ავტორი: ირინა დათაშვილი

#datashvil

გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე „ასტრაზენეკას“ ვაქცინასთან დაკავშირებით და საქართველოში ანაფილაქსიური შოკით დაღუპული ექთნის შესახებ გვესაუბრა.

გიორგი ფხაკაძე 27 წლის მედდის მეგი ბაქრაძის გარდაცვალებაში დამნაშავედ არა ვაქცინას, არამედ სისტემას ასახელებს.

გიორგი ფხაკაძის განცხადებით, მეგი ბაქრაძე არის სიმბოლო, მეგი არის ადამიანი, რომელმაც გაწირა საკუთარი სიცოცხლე სხვებისთვის.

მისი თქმით, მეგი ბაქრაძემ გააკეთა ის, რაც არის სამაგალითო. ეს სამძიმარი არ არის მხოლოდ მისი ოჯახის მიმართ, ეს არის მთელი სამედიცინო პერსონალის მიმართ.

„ეს ორი დღე ლაივი ვერ გავაკეთე, იმიტომ, რომ არ ვიცოდი, რა მეთქვა.

პირველ რიგში, მინდა მივუსამძიმრო ჩემი კოლეგის, ექთნის ოჯახს, რომელმაც ნამდვილად გააკეთა ის, რაც ბევრმა ადამიანმა ვერც კი გაბედა. მეგი ბაქრაძემ გააკეთა ის, რაც არის სამაგალითო. ეს სამძიმარი არ არის მხოლოდ მისი ოჯახის მიმართ, ეს არის მთელი სამედიცინო პერსონალის მიმართ. ჩვენ ყველანი ერთად ვგლოვობთ. ეს არის ჩვენი, ყველას ტკივილი, როცა გავიგე გუშინ ჩემი კოლეგის ამბავი, ძალიან ვინერვიულე. იმედი მქონდა, რომ ყველაფერი დამთავრდებოდა კარგად, ძალიან დიდი იმედი მქონდა…

დილას როცა გავიგე მეგის გარდაცვალების ამბავი, საერთოდ წავიშალე. რა უნდა თქვას ადამიანმა? ბევრმა ჟურნალისტმა დამირეკა, მაგრამ ისეთი ემოციების ქვეშ ვიყავი, უარი ვუთხარი. ახლა ოდნავ დავწყნარდი, მაგრამ ეს დაწყნარება ეხლა გადადის უდიდეს ბრაზში, რომელიც ასევე დაგროვილია თითოეულ თქვენგანში.

მეგი ბაქრაძე არის გმირი. გმირობა მარტო ის არ არის, რომ მაინცდამაინც ტანკის წინ დადგე. მეგი არის დღევანდელობის გმირი, ვუყურებდი მის ვიდეოს, ალბათ 30-ჯერ მაინც ვნახე, ვფიქრობდი, მე, გიორგი ფხაკაძეს, რა შემეძლო გამეკეთებინა, უკეთესად გამეკეთებინა!..

ერთი წლის განმავლობაში ვცდილობდი ერთი პატარა რაღაც მაინც გამეკეთებინა, ეს პრობლემები რომ არ ყოფილიყო, შეცდომები აგვეცილებინა თავიდან. საქართველოში ხომ მაგრები ვართ ყველანი, პურმარილი ვიცით კარგი და ლანძღვა-გინება! მეგისნაირი ადამიანების დაფასება კი არ ვიცით! მეგი არის გმირი, არის ისეთი ადამიანი, რომელმაც თავისი პროფესია დააყენა ყველაფერზე მაღლა. მჯერა, რომ მეგი ბაქრაძემ ეს გადაწყვეტილება იმიტომ მიიღო, რომ მას სჯეროდა და უყვარდა თავისი პროფესია.

ზოგი გამოვარდება, ვითომ მორწმუნეა, ზოგი გამოვარდება, ვითომ პატრიოტია, ზოგი გამოვარდება, ვითომ ექიმია, კარგით რაა! ყველაფერს აქვს საზღვარი!!!

24 საათი ვლაპარაკობ, ვლაპარაკობ, იქნებ შეიგნონ, მაგრამ – არა! ჩვენ ხომ ყველაფერი ვიცით!

მეგი მოიქცა სწორად. მეც რომ ვყოფილიყავი მეგის ადგილას, მეც ზუსტად ასევე მოვიქცეოდი. მეგი არის ჩემი კოლეგა, კოლეგა კი არა, უფრო მეტი, ძალიან დიდი კოლეგა! მას არ შეეშინდა და გააკეთა ის, რაც თითოეულმა სამედიცინო პერსონალმა უნდა გააკეთოს, უნდა აჩვენოს მაგალითი, რა და როგორ უნდა გაკეთდეს. ეს მაგალითი უნდა დავაფასოთ! მე ახლა ვამბობ, როგორც ექიმი, მე ვარ ყველაზე დიდი მომხრე ვაქცინაციის და მჯერა, რომ ვაქცინაცია არის ერთ-ერთი საუკეთესო რამ, ეს არის ყველაზე დიდი მიღწევა მედიცინაში. მე ყოველთვის მჯეროდა და მჯერა, რომ ვაქცინაცია არის ერთადერთი სწორი გზა, სწრაფად რომ გავანადგუროთ ეს ვირუსი, მაგრამ რის ფასად?! კიდევ რამდენი სიკვდილი უნდა იყოს?! მოუმზადებელი, არაპროფესიონალი, კორუმპირებული, განადგურებული, პოლიტიზირებული, გაყოფილი, ვაიპატრიოტები, ვაირელიგიურები, ვაისატანისტები, ვაიმასონები! – ვინ ხართ თქვენ?!

როცა ხარ ამ პროგრამის ხელმძღვანელი, ყველა რისკი უნდა გათვალო. ბევრ რამეს საჯაროდ ვამბობ და ბევრი რამ არასაჯაროდაც გავუზიარე, ვისთანაც იყო საჭირო, გაიტანეს ეს საკითხი და რა პასუხი იყო?! – ყველაფერი კარგად არისო! მე ვუთხარი, რომ ყველაფერი კარგად არ არის, ფრთხილად იყავით!

მეგი ბაქრაძე არის სიმბოლო, მეგი არის ადამიანი, რომელმაც გაწირა საკუთარი სიცოცხლე სხვებისთვის. ის ადამიანები, ვინც ახლა ამბობენ, რომ ვაქცინაცია არ გვინდა საქართველოში, თქვენ შეურაცხყოფას აყენებთ არა მარტო მეცნიერებას, არა მარტო ექიმს, არამედ იმ ქართველ გმირს, რომელმაც თავისი სიცოცხლე გაწირა, გაწირა ის, რაც ყველაზე ძვირად ღირებული აქვს ადამიანს – თავისი სიცოცხლე, ვაქცინაცია რომ განხორციელებულიყო საქართველოში! ვინმემ როგორ უნდა გაბედოს და თქვას, ვაქცინაცია არ გაკეთდეს ქვეყანაში, არ აქვს მნიშვნელობა, რომელი კუთხიდან ხარ, არ აქვს მნიშვნელობა, ექიმი ხარ თუ არა, რელიგიური ხარ თუ არა, – ხომ ხედავთ, რომ დედამიწა იწვის!

წარმოიდგინეთ, არა თბილისში, არა ქუთაისში, არამედ რაიონში, პატარა საავადმყოფოში, ჩვენ გვყავს გმირი, ამას ჰქვია პროფესიონალი, – ბევრმა პოლიტიკოსმა ვერც კი გაბედა ამის გაკეთება! თავს ვიხრი მეგის წინაშე, მისი ოჯახის წინაშე, იმიტომ, რომ ოჯახმა გაზარდა ასეთი ადამიანი. მეგის მშობლები ახლა არიან უმძიმეს მდგომარეობაში, ამის წარმოდგენაც არ მინდა, ისეთი საშინელი ტკივილია ოჯახისთვის!

დილას რომ ავდექი, ვიფიქრე, საერთოდ ტელეფონს არ ჩავრთავ, ლაივს არ ჩავრთავ, საერთოდ გავჩუმდები, რადგან ვერ შევძელი ამ ახალგაზრდა გოგონას სიცოცხლის შენარჩუნება! ყველაფერს ვაკეთებდი ამისათვის!

ყოველდღე გელაპარაკებით, გაფრთხილებთ, გაფრთხილებთ, გაფრთხილებთ, რამდენჯერ უნდა გაგაფრთხილოთ?!

გელაპარაკებით პირბადის შესახებ, ორმეტრიან დისტანციაზე, ხელების დაბანაზე, გაფრთხილებდით, ჩაკეტეთ ეს ქვეყანა, გაფრთხილებდით – ვაქცინა შეაჩერეთ! მე არასოდეს მითქვამს – გააჩერეთ, გითხარით – შეაჩერეთ, დაელოდეთ დასკვნას!

ძალიან ბევრ ექიმს ვცემ პატივს, მაგრამ ძალიან ბევრი ექიმი უნდა წავიდეს სახლში! თუ ასეთი მაგარი ხარ, იმ სხდომებზე რომ ზიხარ, რატომ არ იღებ ხმას და რატომ არ ამბობ სიმართლეს?! სიმართლის მთქმელი არავინ არის ამ ქვეყანაში, ვერ ხედავთ?!

ძალიან ბევრ შეურაცხყოფას მაყენებენ. გაფრთხილებთ, გეუბნებით – ცეცხლია, გეუბნებით – ომია, გეუნებით – უბედურებაა, რა ენით უნდა გელაპარაკოთ?! ვცდილობ სამედიცინო ენაზე არ გელაპარაკოთ, ვცდილობ სითბო, სიყვარული დავთესო. გადაცემები დავიწყე მამა პეტრესთან, მე ძალიან მორწმუნე ადამიანი არ ვარ, არც ვიტყუები ამას, მაგრამ რაღაცის მჯერა შიგნით, გულში. დავინახე, ძალიან ბევრ მორწმუნე ადამიანს დახმარება სჭირდება და მაქვს საუბარი მამა პეტრესთან. ამის გამო მლანძღავენ – შენ ფარისეველი ხარო! მითხარით, რა უნდა გავაკეთო კიდევ?! ყველაფრის გაკეთებას ვცდილობ, თუ რამე შემიძლია. მთავრობიდან დამირეკავენ – კი ბატონო, ვაძლევ რჩევებს. არ აკეთებენ! სადაც საქმეს ვაკეთებ და ფულს მიხდიან, იმ საქმეს გადავდებ, როცა საქართველოდან მირეკავენ! შეურაცხყოფის ზღვა მოდის, ამოვიდა უკვე ყელში!!!

სტრესი დამემართა! დღეს იყო საშინელება, დაბნეული დავდიოდი მთელი დღე. მოდის ათასობით მესიჯი, შეკითხვებს მწერენ! სიმართლის მთქმელი არავინ დარჩა ქვეყანაში! ყველა არის გაბოროტებული, სამედიცინო სფეროში საერთოდ გაბოროტებულია უმრავლესობა, განსაკუთრებით – მმართველობის გუნდში! მთავარი ექიმები და მენეჯერები ისე უყურებენ საავადმყოფოს, როგორც კარტოფილის ბაზას! ასევეა სამინისტროც! ეს კომუნისტები რატომ ვერ გაუშვით სახლში?! მავნებლები! – უნდა გაუშვათ პენსიაზე! წავიდეს კერძო სექტორში. სახელმწიფო სამსახურში ერთი კომუნისტი არ უნდა იყოს! მე რომ მკითხო, არც პარლამენტში უნდა იყოს!

ხომ იცით, რაც მოხდა!.. ვინც ხართ დამნაშავე!

ჩამოვთვლი, რაც იყო შეცდომები: 82 ექსპერტო, რომლებმაც ე.წ. ვაქცინაციის გეგმა გააკეთეთ, ხომ გითხარით, რომ ეს არის „სადღეგრძელო“, არ არის მზად საავადმყოფოები, 551 მულტიპროფილური საავადმყოფო რომ იქნება საქართველოში, დაფიქირდით! ყოფილი მინისტრები რომ ხართ, ყოფილი კომიტეტის თავმჯდომარეები, თქვენ ხართ დამნაშავეები! – გაანადგურეთ ეს ქვეყანა! როცა იყავით სათავეში, რატომ არ გააკეთეთ, რაც იყო გასაკეთებელი?! უწყვეტი სამედიცინო განათლება განადგურდა 2004 წლიდან, მიხეილ სააკაშვილი რომ მოვიდა, დედა უტირა! „კარგი“ რეფორმა გააკეთეთ, გააგრძელეთ!.. ფულს აკეთებენ ბიჭები! გამოდიან და ამბობენ, ჯანდაცვის ექსპერტები ვართო, გადახედეთ ტელევიზიებს, ერთ ტელევიზიას თავისი ექსპერტი ჰყავს, მეორე ტელევიზიას – თავისი. ყველაფერი კორუფციაშია ჩაფლული! გაანადგურეთ ქვეყანა! 82 ადამიანის სია გამოაქვეყნოს ჯანდაცვის სამინისტრომ! 82 ადამიანი, ექსპერტი, ვინც იღებდა მონაწილეობას ვაქცინაციის პროგრამაში, ვინც დაწერა ვაქცინაციის პროგრამა, მაგათი სახელები, გვარები, თანამდებობა და განათლება გამოაქვეყნეთ! ერთი სადოქტორო მაინც თუ აქვთ?! ექსპერტი ნიშნავს, მინიმუმ, სადოქტორო უნდა გქონდეს დაცული. გეუბნებით – ეს არის დასასრულის დასაწყისი! მეგი არ არის ვაქცინის მსხვერპლი, ეს არის სისტემის მსხვერპლი! ეს არის კორუფციის მსხვერპლი! ეს არის დაუდევრობის მსხვერპლი! ეს არის პოლიტიზირების მსხვერპლი! ეს არის სუსის მსხვერპლი! ეს არის პოლიტიკური პარტიების მსხვერპლი! ყველანი ხართ დამნაშავე! ვაქცინა არაფერ შუაშია, საერთოდ არაფერ შუაში არ არის!

ერთი ადამიანიც კი, ვინც იტყვის, რომ ვაქცინის წინააღმდეგი ვარ, ეს არის პირდაპირ შეურაცხყოფა! ერთ მშვენიერ დღეს ამოყოფთ თავს იქ, ზემოთ და რა პასუხს გასცემთ მეგის, რას ეტყვით?! ადამიანმა გააკეთა ის, რაც იყო ყველაზე სწორი გადაწყვეტილება დღეს, მაგრამ მეგიმ ვერ გათვალა ის, რომ ენდო სახელმწიფოს, ენდო სისტემას, ის ენდო ადამიანებს, ვისიც სჯეროდა სულით და გულით, მაგრამ არავინ იღებს თავის თავზე პასუხისმგებლობას! საჯაროდ დაიდოს, ჯანდაცვის სამინისტროს საიტზე, იმ 82 ექსპერტის სახელები, გვარები, თანამდებობა, რომლებიც მონაწილეობას იღებდნენ ვაქცინაციის პროგრამის შემუშავებაში. არაერთი წერილი იყო გამოგზავნილი ჯანდაცვის სამინისტროში და პასუხი იყო ზოგადი, ბუნდოვანი. წერილის გაგზავნას აღარ ვაპირებ. სანამ თავზე არ დაგემხოთ ყველაფერი, გონზე მოდით დროზე! კიდევ ერთხელ გაფრთხილებთ, ცუდად არის საქმე, ძალიან ცუდად! – ვინ ხართ, რა ხართ, ამდენი ტყუილი როგორ შეიძლება?!

ხომ იცით, რასაც ვამბობდი, ყველაფერი მოხდა, რასაც ეხლა ვამბობ, ისიც მოხდება. ერთი რამ დაასახელეთ, რაც გიორგი ფხაკაძემ თქვა და ის არ მოხდა, ბოლო ერთი წლის განმავლობაში. გეუბნებით – არც ვანგა ვარ და არც კაკულია – მეცნიერი ვარ, ვიცი, რა ხდება მსოფლიოში, რა ხდება საქართველოში, ვუყურებ ამ ყველაფერს, სტრატეგიული ხედვა მაქვს და რა ვქნა?! ვეუბნები, – მივდივართ უფსკრულისაკენ და ამბობენ, ყველაფერი კარგად არისო! ხომ გაფრთხილებდით ნოემბრის თვეში რაც იქნებოდა! ვაქცინაციაზე ხელი არ გაგინძრევიათ, სანამ ფხაკაძე არ გამოვიდა და არ გაგლანძღათ და მერე? – მერე გაინძერით! შემდეგ დაიწყეს ფუსფუსი. მანამდე სად იყვნენ?! იჯდნენ და ელოდნენ. ყველაფერში შეცდომა დაუშვეს, ვაქცინაციის აპლიკაცია არასწორად შეავსეს, მოლაპარაკებები არასწორად აწარმოეს. დამირეკე, შემეკითხე! გაფუჭებულ საქმეს ხედავთ?! ვნერვიულობ და ემოციურად ვლაპარაკობ, – მაპატიეთ! მეც ადამიანი ვარ, არა ვარ რკინა და ფოლადი! შემიძლია ყველაფერი ავიტანო, მაგრამ როცა ვხედავ ასეთ უსინდისობას, უსამართლობას… კორუფცია კიდევ ჯანდაბას, ფული აქვს გასაკეთებელი ადამიანს, მაგრამ უსამართლობას და ტყუილს ვერ ვიტან!

მეგი ბაქრაძის გამო ჩვენ უნდა გავაკეთოთ ყველაფერი, რომ გადავარჩინოთ რაც შეიძლება ბევრი სიცოცხლე.

პირდაპირ ვიტყვი, არ დავმალავ, რამდენიმე დღის წინ მე დავაყენე საკითხი ზოგიერთ სახელმწიფო ინსტიტუტთან, როცა იყო საუბარი ვაქცინებთან დაკავშირებით. მინდა ჩემი პოზიცია ვაქცინებთან დაკავშირებით იყოს ძალიან მკაფიო. მე, გიორგი ფხაკაძე ფიზიკურად ვერ ვიქნები ვაქცინების წინააღმდეგი, ეს ჩემს პრინციპებს ეწინააღმდეგება, – მორჩა, წერტილი! როცა ვამბობ, ვაქცინაციის პროგრამა უნდა გაკეთდეს, – უნდა გაკეთდეს სწორად, პროფესიონალურად არა კოპი-ფეისთად – შევარდნაძის დროინდელი კონსულტანტები რომ აკეთებენ სისულელეებს. არ შეიძლება ასეთი არაპროფესიონალიზმი, ნეპოტიზმი, კორუფცია და ყველაფერი იყოს ასე არეული.

ველოდებით 82 ექსპერტის სიას, პასუხისმგებლობა არის თითოეულ მათგანზე. როცა ვუყურებ ნებისმიერ საკითხს, ჯერ ვუყურებ ცუდის მხრივ, რა შეიძლება ცუდი მოხდეს, კარგი ისედაც მოვა და ისედაც კარგად იქნება. პირველი, რაც მე გავაკეთე – ყველას ვეკითხებოდი, ვთქვათ, ადამიანმა გაიკეთა ვაქცინა და მოხდა რამე, ჩემს ლაივებში ვსაუბრობდი… გახსოვთ ალბათ „ქალბატონი მარო“ – ჩემი ვირტუალური ქალბატონი მარო გახდა რეალური გმირი. მე დავსვი ორი საკითხი, პირველი – ადამიანი როცა გაიკეთებს ვაქცინას და დაემართა რაიმე გართულება, რას ვაკეთებთ?! რა არის გეგმა?! რა არის პროტოკოლი?! სუფთა სამედიცინო კუთხით დაცულები რომ ვიყოთ. ახლა გაახსენდათ თურმე, ხულოში არ შეიძლება ვაქცინის გაკეთება შესაბამისი პირობების უქონლობის გამო. არ იცოდით მანამდე? რაიონებში ფიზიკურად შტატი არ არის, ცარიელია საავადმყოფოები, ფიზიკურად არ ჰყავთ ექიმები! ვაქცინის გაკეთების შემდეგ ადამიანი თუ დაინვალიდდა, ვინ არის პასუხისმგებელი?

თქვენ შეიძლება არ იცით, პარლამენტმა საზოგადოებრივი ჯანდაცვის კანონში შეიტანა ცვლილება – თუ ვაქცინა იქნება ცუდი და ვინმეს რამე დაემართება, მთელ პასუხისმგებლობას თავის თავზე იღებს სახელმწიფო და არა მწარმოებელი!

შეკითხვა მაქვს სახელმწიფოსთან: რატომ არ არის ეს ინფორმაცია საჯარო?

მე ბევრმა ექიმმა მომმართა, როცა ვაქცინაცია დაიწყო, ჰქონდა ტემპერატურა, ვერ მიდიოდა სამსახურში და საავადმყოფოს ხელმძღვანელობა ეუბნებოდა, რომ არ მისცემდა გაცდენილი დღეების ანაზღაურებას. ადამიანმა ვაქცინა გაიკეთა, აქვს ტემპერატურა და არ აძლევენ ბიულეტენს. არ გაქვთ სისტემა აწყობილი! ელექტრონული სისტემა ვერ გააკეთეთ! ეს არიან პენსიონერი კორუმპირებულები. გეუბნებით, ციხეში ამოყოფთ თავს საბოლოო ჯამში! წადით დროზე, დაანებეთ ხალხს თავი! ჯერ კიდევ გაქვთ საშუალება – „შუშა ტყდება ძალიან იოლად“ – გამგები გაიგებს! ბოდიში მოიხადეთ და წადით ისე.

ახლა შექმნეს კომიტეტი. კომიტეტები უნდა შექმნილიყო ერთი წლის წინ. როცა შენ გადაიხადე ფული გავიში, სექტემბერ-ოქტომბერში, – აქამდე რას აკეთებდით და რას ელოდებოდით?! ამბობთ, ტრენინგები ჩაატარეთ, – კარგით რა, რა ტრენინგები ჩაატარეთ?! ტრენინგი არის მუდმივი პროცესი.

ძალიან ვნერიულობ და ძალიან დაბნეული ვარ, ერთი თემიდან გადავდივარ მეორეზე.

საქართველოში გაანადგურეს ექიმების მიმართ რწმენა! ექიმის მიმართ რწმენა რომ დაეკარგება ადამიანს, ავად რომ გახდება, ვიღას უნდა ენდოს?!

ვამბობდი, თუ ვაქცინის გაკეთების შემდეგ ადამიანი გარდაიცვალა, რა პროტოკოლი გაქვთ, რას ვაკეთებთ, რა სახის კომპენსაციებია და ა.შ. აზრადაც კი არ მომდიოდა, ეს თუ მართლა მოხდებოდა ქვეყანაში, ანაფილაქსიური შოკით დაიღუპებოდა ადამიანი. ანაფილაქსიური შოკით აფრიკაში აღარ კვდება ადამიანი. იქაც კი მართავენ პაციენტს. ამ კითხვაზე არ იყო პასუხი გაცემული.

მე ვთქვი, ვაქცინის შემდეგ ადამიანი თუ გარდაიცვლება, 1 მილიონი ლარი დადეთ კომპენსაცია, ძალიან ბევრი ხუმრობდა ჩემს ნათქვამზე.

შეკითხვა მაქვს, კომპენსაციის რა პაკეტი არსებობს, ადამიანი როცა გარდაიცვლება?! ეს უნდა იყოს დეტალური და საჯარო ყველასათვის. მე ვთქვი, ვაქცინაცია უნდა გაკეთებულიყო მხოლოდ და მხოლოდ მომზადებულ დაწესებულებებში. ბევრმა ექთანმა არ იცის პაციენტების ბაზისური მართვა.

რაც უფრო ბევრს ლაპარაკობთ, უფრო მეტად უთხრით თქვენს თავს მიწას. არავინ საუბრობს სახელმწიფოს პასუხისმგებლობაზე. სად არის საერთოდ გაწერილი გეგმა თავისი ფინანსური ინტსრუმენტებით. დაწერეს გეგმა და ახლა ამბობენ, მთლად კარგი არ არის! და ახლა აკრიტიკებ შენს გეგმას?! ზოგიერთმა ექსპერტმა ფულიც მიიღო ამ გეგმაში.

გიორგი ფხაკაძე არ იყიდება და ვერავინ იყიდის!

ვინ არის პასუხისმგებელი ვაქცინაციის პროცესში – ვის წირავთ? მე კი ვიცი, ვისაც გაწირავთ ბატკანივით, მაგრამ თავად თქვით!

რაც შეეხება ასტრაზენეკას ვაქცინას, ჯანდაცვის მსოფლიო ორგანიზაციამ და ევროკავშირის წამლის სააგენტომ მიიღო გადაწყვეტილება, ასტრაზენეკას გამოყენება შეიძლება. მე ვამბობდი, რომ შეგეჩერებინათ ვაქცინის გაკეთება, არც ერთი ტელევიზია, არავინ დამკავშირებია ამ 10 დღის მანძილზე! არავინ! იმიტომ, რომ გიორგი ფხაკაძემ საჯაროდ თქვა – შეაჩერეთ ვაქცინა – და მაშინვე მიწოდეს ანტივაქსერი.

ევროპაში ჯანდაცვა არის პრიორიტეტი, ნომერი ერთი. ჯანდაცვა არის უმაღლეს დონეზე. საფრანგეთის მთავრობამ მიიღო გადაწყვეტილება, ასტრაზენეკას ვაქცინა გამოყენებული იყოს მხოლოდ და მხოლოდ 55 წლის ზემოთ. დღეიდან საფრანგეთში ხელახლა მისცეს ავტორიზაცია ამ ვაქცინას, დღეს, შუადღიდან უკვე შეიძლება ასტრაზენეკას გამოყენება 55 წლის ზემოთ.

გამოვედი ამხელა კაცი, ექიმი, პროფესორი, გეუბნებოდით, შეაჩერეთ ვაქცინაცია, ესე იგი, რაღაცა ვიცი. ხომ იცით, რომ ყველაფერს ვერ ვამბობ. რისი თქმაც შემიძლია, ვამბობ მაქსიმუმზე მეტს. ვეუბნებოდი, გვაცადეთ ორი დღე, – შეაჩერეთ ვაქცინაცია! ხომ გადარჩებოდა ახალგაზრდა ექთანი!

რეკომენდაციაა ვაქცინასთან დაკავშირებით, ვაქცინამდე ორი დღით ადრე არ მიიღოთ ალკოჰოლი, ვაქცინის გაკეთების შემდეგ ორი კვირა არ უნდა მიიღოთ ალკოჰოლი – სასურველია, სანამ მეორე დოზას არ გაიკეთებთ. მეორე დოზის შემთხვევაშიც ალკოჰოლთან დაკავშირებით არის იგივე რეკომენდაცი. რაც შეეხება წამლებს, იმდენი ექსპერტია, იციან ჩემზე უკეთესად, არ დავიწყებ წამლების ჩამოთვლას, არის წამლების ჩამონათვალი, რომელიც ვაქცინამდე ორი კვირით ადრე არ უნდა მიიღოთ; გარკვეული მიზეზების გამო თუ მიიღებთ წამალს, არ შეიძლება ვაქცინაცია, არსებობს ამ წამლების ჩამონათვალის ცხრილი, დაგუგლეთ, – გუგლით იმართება ქვეყანა. ვაქცინაციის პროცესში ყველაზე რთული არის პირველი 15 წუთი – ყველაზე „საშიში დრო“, 15 წუთი აუცილებლად უნდა იყო დაწესებულებაში. სასურველია შემდეგი 30 -45 წუთიც არ დატოვოთ სამედიცინო დაწესებულება…“ – ამბობს გიორგი ფხაკაძე.

Professor Giorgi Pkhakadze, MD, MPH, PhD

drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

https://youtube.com/@drpkhakadze

28/10/2021

ჯანდაცვის ექსპერტი გიორგი ფხაკაძე სოციალურ ქსელში ლაივ-რეჟიმში საქართველოში ექიმთა კვალიფიკაციაზე საუბრობს და აცხადებს, რომ ის მედიკოსების 60 პროცენტს დიპლომს “თავზე გადაახევდა”.

“პოლიტიკა ჩემი არ არის, მე არცერთ პარტიას არ შევუერთდები. ამ სიბინძურის ნაწილი ვერ გავხდები. არასოდეს ვიქნები ჯანდაცვის მინისტრი, მაგრამ თუ მინისტრად მოვალ, საქართველოში ექიმთა 60 პროცენტი დისკვალიფიცირებული აღმოჩნდება. პირადად მე მათ თავზე გადავახევ დიპლომებს. რატომ? იმიტომ, რომ საქართველოში შევხვდი ადამიანებს, რომლებიც მეუბნებიან, რომ მათ ექიმები ჩინური ვაქცინებით აცრას ურჩევენ და არა – ფაიზერით.

ასევე, ორსულმა გოგონამ მითხრა, მედიკოსის რეკომენდაციაა არ ავიცრაო. გავგიჟდი აქ ისეთებს ვისმენ. თავი ინდურ მიყრუებულ სოფელში მგონია. ეს გაუნათლებლობის ბრალია.” – აცხადებს გიორგი ფხაკაძე.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/tu-jandatsvis-ministrad-moval-ras-upirebs-giorgi-fkhakadze-qartvel-eqimebs/

25 September 2020

Why we need accountability for those furthest left behind

25 SEPTEMBER 2020 – The year 2020 marks ten years of the Every Woman Every Child (EWEC) movement as well as the halfway point to the 2030 Sustainable Development targets, urging us to take stock of progress made in improving the health of women, children and adolescents around the world. COVID-19 has undoubtedly slowed progress that was already lagging by 20% prior to the pandemic.

The situation has called on us to fight collectively, and harder than ever, to ensure the right to health for all women, children and adolescents – and particularly those left furthest behind. But without accountability behind the strategies, action plans and goals, real change cannot occur, according to an op-ed published in Devex by IAP panelists Joy Phumaphi, Elizabeth Mason and Alicia Ely Yamin on behalf of the Panel as a whole.

According to the op-ed, accountability is not merely an option or a one-time action; it requires sustained commitment. It involves urgency, precision and a respect for human rights and dignity in order to drive change.

There is no time left to lose. The global community must forge a strong culture of accountability in order to stay on track to achieve the Sustainable Development Agenda, and for every woman, child and adolescent to finally realize their right to health and well-being.

• Read the full op-ed here : https://www.devex.com/news/opinion-why-the-sdgs-defining-decade-must-focus-on-accountability-for-those-left-behind-98171Read all IAP’s articles here : https://iapewec.org/reports/journal-articles/Photo credit: Women wait for relief aid in Dhaka, Bangladesh, amid the COVID-19 pandemic. Photo by: Fahad Abdullah Kaizer / UN Women / CC BY-NC-ND

Professor Giorgi Pkhakadze, MD, MPH, PhD

#drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Source: https://iapewec.org/news/opinion-why-the-sdgs-defining-decade-must-focus-on-accountability-for-those-left/

27/02/2021

ავტორი: ირინა დათაშვილი

#datashvil

საზოგადოებრივი ჯანდაცვის ექსპერტი, გაეროს გენერალური მდივანი და ვაქცინებისა და იმუნიზაციების გლობალური ალიანსის მრჩეველი, გიორგი ფხაკაძე -„საქართველოში შეზღუდვების მოხმასთან დაკავშირებით“.

„მე ვსაურობ ისეთ საკითხებზე, რაზეც საქართველოში არ ლაპარაკობენ, ხმას ვერავინ იღებს. ყველამ ძალიან კარგად იცის, სად არის ქვეყანა, სად არის ვაქცინა, სად არის ეკონომიკა, სად არის საჭმელი და ა.შ.

ერთადერთი, რისი გაკეთებაც შემიძლია, თქვენთან ერთად, -ეს არის სამედიცინო პირბადე, რაც ჩვენს ქვეყანას გადაარჩენს, დანარჩენი ყველაფერი არის ზღაპარი! – არ გვაქვს არაფერი, ვაქცინა არ გვაქვს, წამალი არ გვაქვს! პირბადე არის ყველაზე იაფიანი და ეფექტური საშუალება! როცა მოიხსნი პირბადეს, უნდა გადააგდო.

მივმართავ, ყველა მაღაზიას (ქსელურ მაღაზიას), საქართველოში, – სად არის თქვენი პასუხისმგებლობა?! თქვენთან უნდა იყიდებოდეს სამედიცინო პირბადე ხელმისაწვდომ ფასად! ნუ ყიდით უხარისხო პირბადეებს! არასამედიცინო პირბადის შემოტანა და გაყიდვა საერთოდ უნდა აიკრძალოს საქართველოში! საერთოდ, უფასოდ უნდა დარიგდეს პირბადეები, მაგრამ, მესმის, ბიზნესი ბიზნესია და ეს არ გამოვა, წარმოება და ბიზნესი ვერ იმუშავებს! – უნდა იყოს ხელმისაწვდომი!

ქვეყანა გახსნილია, ყველაფერი გავაკეთოთ იმისათვის, რომ დავიცვათ ჩვენი მოქალაქეები!

ყველაზე დიდი იარაღია ცოდნა, როცა შენ იცი, ვერ მოგატყუებენ! როცა შენ იცი, შენ ხარ თავისუფალი! არ ხარ მონა!

2021 წელს ვაქცინაცია ქვეყანაში ვერ იწყება. ვიცი, რაც ხდება, ბევრ რაღაცას ვერ ვამბობ!

რაც მე ვთქვი ბოლო ერთი წლის განმავლობაში (შეგიძლიათ, ნახოთ ჩემი ყველა ჩართვა) ერთი ტყუილი თუ ვთქვი?! რაც ვთქვი, არ მოხდა და არ შესრულდა?!

არ დავიღლები, დავწერ სიას ჩემს ფეისბუქზე, სად შეიძლება იყიდოთ სამედიცინო პირბადე. იყიდეთ მხოლოდ სამედიცინო პირბადე (არანაირი ფერები, არანაირი კლაპანები, არც დოლჩე და არც გაბანა, არც ვერსაჩე). ჩვენ თუ შევიძენთ მხოლოდ სამედიცინო პირბადეს, ფასი დაიწევს და ეღირება 10 თეთრი, თქვენზე დამოკიდებული ფასის დაწევა!

ნახეთ ვიდეო- დაამთავრეთ ხალხის მოტყუება, ზღაპრები

ნახეთ ვიდეო ☝️

https://www.facebook.com/watch/live/?ref=watch_permalink&v=10159987214580579

Professor Giorgi Pkhakadze, MD, MPH, PhD

drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

https://youtube.com/@drpkhakadze

14/03/2021

ავტორი: ირინა დათაშვილი

#datashvil

გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე ვაქცინების შესახებ საუბრობს – რა პოზიტივი მოაქვს ზოგადად, ვაქცინას:

„მინდა მივულოცო საქართველოს ყველა მოქალაქეს – საქართველოში ჩამოვიდა ვაქცინა, ეს ნამდვილად კარგი ამბავია.

ზოგადად, ვაქცინაცია არის უდიდესი სიკეთე. მედიცინაში ამაზე დიდი სიკეთე არ არსებობს. თუ ხარ ექიმი, შეუძლებელია ექიმი იყოს ანტივაქსერი, შეუძლებელია, ექიმი იყოს ვაქცინის წინააღმდეგი.ასეთი აბსურდი არის საქართველოში. ექიმი არის ის ადამიანი, რომელიც ავრცელებს სწორ ინფორმაციას, – ეუბნება პაციენტებს, რა და როგორ უნდა გაკეთდეს.

სამწუხაროდ, საქართველოში ექიმები ცოტა ჩამორჩნენ განათლებას. ახლა დამესევიან ექიმები. ექიმი როცა ამბობს, რომ არ გაიკეთებს ვაქცინას და ვაქცინა არის ცუდი. ყველას აქვს შეცდომის უფლება, მაგრამ ექიმს ამ საკითხში – არა!

რაც შეეხება ამ კონკრეტულ ვაქცინას – ასტრაზენეკას, რომელიც შემოვიდა საქართველოში.

ათასობით ადამიანი მწერს, გავიკეთო თუ რა ვაქცინა?!

პირველ რიგში, ასტრაზენეკას ვაქცინას აქვს თანხმობა სხვადასხვა მარეგულირებლის მიერ, მაგრამ ყველა ეს თანმხობა არის დროებითი, ეს ნიშნავს იმას, რომ ვაქცინამ გაიარა რაღაც ეტაპები, არის უსაფრთხო, მაგრამ ბოლომდე შესწავლილი არ არის. ყველა წამალს სჭირდება დრო. დროს ვერავინ იყიდის, მილიარდელიც რომ იყო. ეს დრო ჯერჯერობით გასული არ არის, რომ ბოლომდე ვიცოდეთ, რა ეფექტი აქვს და როგორ მუშაობს. ვიცით, რომ კარგი ვაქცინაა და რაღაც დოზით შველის.

სამხრეთ აფრიკული ვირუსის საწინააღმდეგოდ ასტრაზენეკას ვაქცინა არ ვარგა, აქვს 20% ეფექტურობა. მინდა აგიხსნათ, რა არის ეფექტურობა. ყველა ვაქცინა გადის რაღაც ეტაპებს, აკეთებენ ექსპერიმენტებს კომპიუტერებზე, შემდეგ ცხოველებზე, შემდეგ აკეთებენ უჯრედებზე და შემდეგ აკეთებენ ექსპერიმენტებს ადამიანებზე, რა თქმდა უნდა, მოხალისეებზე. 30 ათასამდე ადამიანზე გააკეთებენ ექსპერიმენტს, ნახავენ, რომ მუშაობს და შემდეგ ამბობენ, – ეს ვაქცინა მეტნაკლებად უსაფრთხო და ეფექტურია. ვაქცინას სჭირდება წლები, რომ ნახავენ, დააკვირდებიან ექსპერიმენტში მონაწილე ადამიანებს 2-3 წელი, – რა დაემართა, რამე შეიცვალა და ა.შ.

ვაქცინის გაკეთებას საავადმყოფოებში აპირებენ და ეს არის ძალიან კარგი და სწორი მიდგომაა.

რომ გითხრათ, – ასტრაზენეკას ვაქცინა პანაციაა, არ არის პანაცია, რომ გითხრათ, რომ საუკეთესო მაჩვენელი აქვს მსოფლიოში, არ აქვს საუკეთესო. ვთქვათ, ვაქცინა გაიკეთა ასმა ადამიანმა, ამ ასი ადამიანიდან 60 ადამიანი იქნება დაცული, არ დაემართებათ კოვიდი ან დაემართებათ იოლ ფორმებში. 40 ადამიანი დაცული არ იქნება. ვაქცინა არ ნიშნავს, რომ გაიხსნა ქვეყანა და ა.შ. ეს არის ცრუ მოლოდინი.

მე არ ვარ გაეროს თანაშმრომელი, გაეროს თანაშრომელი ხმას ვერ ამოიღებს თავისი უფროსის საწინააღმდეგოდ, მე ვარ გაეროს გენერალური მდივნის დამოუკიდებელი მრჩეველი. ამაში არის ძალიან დიდი განსხვავება. მე შემიძლია ვთქვა ის, რაც მიმაჩნია სწორად.

მაგალითად, გრიპის ვაქცინა მუშაობს 47%-ით. ასი ადამიანი თუ გაიკეთებს გრიპის საწინააღმდეგო ვაქცინას, 47 ადამიანი იქნება დაცული.

ვაქცინაციის პროცესში ძალიან მნიშვნელოვანი ერთი რამ, არის ერთი პლუსი, თუ დაგემართებათ გრიპი, არ იქნება მძიმე ფორმაში.

კოვიდსაწინააღმდეგო არც ერთი ვაქცინა არ არის დამტკიცებული მსოფლიოში, არ არსებობს არც ერთი ვაქცინა, რომელიც 100%-ით გაიარა საბოლოო თანხმობა. არც აშშ-ში, არც ევროპაში და არც ჯანდაცვის მსოფლიო ორგანიზაციის მიერ. დაახლოებით 10 ვაქცინაა სხვადასხვა რეგულატორების მიერ დამტკიცებული. ჯანდაცვის მსოფლიო ორგანიზაციის მიერ დამტკიცებულია ჯერჯერობით ორი ვაქცინა – ფაიზერი და ასტრაზენეკა.

სიახლეებია ვაქცინების ფონდზე. Johnson & Johnson-მა ევროკავშირიდან მიიღო დამტკიცება. ევროკავშირმაც მიიღო გადაწყვეტილება, ალბათ, ახლო მომავალში ჯანდაცვის მსოფლიო ორგანიზაციაც მიიღებს ამის შესახებ გადაწყვეტილებას. ეს ძალიან კარგი ამბავია.

ვაქცინებთან დაკავშირებით არაფერი არ არის საპანიკო.

ასტრაზენეკას ვაქცინას ეფექტურობა არის 64%, Johnson & Johnson-ის ეფექტურობა არის 67%, რაც, რა თქმა უნდა, კარგია, ფაიზერი არის ყველაზე კარგი, – 90%-ის ზევით, ეს ნიშნავს რომ 100 კაციდან 90 ადამიანს არ შეხვდება ვირუსი.

რაც შეეხება დანიას. დანიაში გარდაიცვალა ადამიანი. გაიხსენეთ, სკანდინავიაში რამდენიმე პენსიონერი გარდაიცვალა.

გახსოვთ, ყველაზე ჩქარები მსოფლიოში, სოკო რომ ჭამეს, შემდეგ ძაღლს რომ აჭამეს და გაიქცა, კაცი რომ გაუშვეს ძაღლის მოსაძებნად, ძაღლი მანქანამ რომ გაიტანა.

მილიონობით ვაქცინა არის გაკეთებული. ასტრაზენეკას შემთხვევაში ეს არის პირველი. სიმართლე გითხრათ, მე ძალიან მიხარია, ასეთი დიდი ყურადღება რომ არის. ეს იმის მაჩვენებელია, რომ ერთი თვალი კი არა, მილიონი თვალი უყურებს, რამე პრობლემა რომ არ გაიპაროს და რაიმე ცუდი არ იყოს. თითოული დოზის კონტროლი ხდება.

ფაიზერზეც ატეხეს ამბავი და ჩატარდა კვლევა და დაადგინეს ყველაფერი, – მუხუცი იყო და დაიღუპა ასაკის გამო.

მე მგონია, იგივე სიტუაციაა დანიასთან დაკავშირებითაც. კარგია, რომ ყველა ეს ქვეყანა შეშფოთდა და გააჩერეს ვაქცინა, ეს იყო სწორი გადაწყვეტილება. ახალია ვაქცინა… „ბოლომდე არ არის შემწვარი ხაჭაპური“.

რამდენიმე ათეული მილიონი გაკეთდა ასტრაზენეკას ვაქცინა და დაახლოებით 30 ადამიანს ჰქონდა გარკვეული უკუჩვენებები, რომელმაც გაიარა რამდენიმე საათში, რამდენიმე ორი დღე იყო საავადმყოფოში. ეს არაფერი არ არის. იცით, რამდენი ადამიანი იღუპება პარაცეტამოლით? ადამიანია და ბუნება.

აბსოლუტურად ყველა წამალს აქვს უკუჩვენება. არ მესმის იმ ექიმების, რომლებიც ამბობენ, რომ არ გირჩევთ ვაქცინის გაკეთებას ან მოგიწოდებთ ვაქცინის გაკეთებისკენ. ექიმს ევალება და მისი საქმეა, რომ მოგცეს სწორი ინფორმაცია.

საქართველოში, მაგალითად, ქალბატონ ჟუჟუნას გაუკეთეს ვაქცინა და ხუთ დღეში გარდაიცვალა. წარმოგიდგინიათ, რა მოხდება საქართველოში? – ვაქცინა გაუკეთეს და დაიღუპა ქალი.

სწორედ ამიტომ ვამბობ, ჯანდაცვაში ელექტრონული სისტემა არის საჭირო, რომ ვიცოდეთ, რა სჭირდა ამ ქალბატონს, რა გართულებები ჰქონდა, რომ დადგინდეს, ვაქცინით დაიღუპა თუ სიბერემ მოკლა და სხვა… შეიძლება, რაღაცაზე ალერგია დაემართა, ჰქონდა რაიმე ალერგია და ვაქცინას დააბრელებენ, იტყვიან, რა თქმა უნდა, ვაქცინაზე დაემართა ალერგია. ამიტომ არის საჭირო, ყველაფერში იყოს გამჭვირვალობა. რაც უფრო გამჭვირვალეა სისტემა, მით უფრო გულღიად ისაუბრებენ.

ასობით ექიმი მწერს, – „ბატონო გიორგი, მეშინია ვაქცინის გაკეთება!“ სამედიცინო პერსონალს არ აქვს მიწოდებული სწორი ინფორმაცია, სწორი გადაწყვეტილება რომ მიიღონ.

არ დაგავიწყდეთ, – ვაქცინა არის ნებაყოფლობითი. არ არსებობს, ვინმემ დაგაძალოს.

მაგალითად, ვაქცინის შემდეგ ადამიანს გაურთულდა ჯანმრთელობა, როგორ ვადგენთ, ეს იყო ვაქცინის ბრალი, თუ მისი ქრონიკული დაავადების, – დიაბეტის ბრალი?. ამაზე პასუხს ვინ გაგვცემს?! სად არის, ეს სისტემა საქართველოში?! ვინ აკონტროლებს ამას?! ვინ არის პასუხისმგებელი! როგორ უნდა შევისწავლოთ, როდესაც პირველადი ჯანდაცვა რომ არ გაქვთ თქვენ? ეს ერთი.

მეორე, -მოხდა ისე, ღმერთმა დაგვიფაროს და, გარდაიცვალა ვაქცინირებული ადამიანი, აი, როგორც დანიაში მოხდა, რას ვაკეთებთ, ატყდა ერთი ამბავი. ჩვენი მედიცინის კორიფეები გამოვლენ და შეისწავლიან ამ მოვლენას?! მეტი არაა, ჩემი მტერი!

მესამე საკითხია, ეს ადამიანი დარჩა ინვალიდი, ვინ ანაზღაურებს მისი მკურნალობის ხარჯებს? ეს ადამიანი მუშაობდა ჯიხურში, ვეღარ იმუშავებს და ვინ გადაუხდის კომპენსაციას? გაგვეცით პასუხი, ეს ხომ ლეგიტიმური კითხვაა. ათასი ლარის წამლები სჭირდება და კიდევ სჭირდება გამოკვლევები, ყოველ ორ თვეში 2000 ლარის, ვინ გადაუხდის ამ თანხას! გარანტია გვაქვს, რომ სახელმწიფო დააფინანსებს?!..“

Professor Giorgi Pkhakadze, MD, MPH, PhD

drpkhakadze#accreditationge#გიორგიფხაკაძე

Профессор Гиорги Пхакадзе. #ПрофессорПхакадзе

https://youtube.com/@drpkhakadze