30/03/2021
ავტორი: ირინა დათაშვილი
#datashvil
საზოგადოებრივი ჯანდაცვის ექსპერტი გიორგი ფხაკაძე აცხადებს:
„სამი კვირის წინ ვთქვი, რომ საქართველოში ვირუსის გავრცელების მესამე ტალღა დაიწყო. ამისთვის საჭიროა შესაბამისი მობილიზაცია, საჭიროა ხარისხიანი პირბადე გამოიყენოს ყველამ 5 წლის ასაკიდან, ორმეტრიანი დისტანცია, ხელების დაბანა და მაქსიმალურად მოერიდეთ თავშეყრის ადგილებს. ეს არის ერთადერთი საშუალება ვირუსის გავრცელების შესამცირებლად. სამწუხაროდ, ქვეყანაში არაფერი კეთდება ამის ასარიდებლად.
ევროპაში საქართველო ერთადერთი ქვეყანაა, სადაც ყველა რეგულაცია მოხსნილია. სამწუხაროდ, საბოლოო ჯამში, ძალიან დიდი ფასის გადახდა მოგვიწევს აპრილში. ეს არის ფაქტი. ყველაფერი კეთდება იმისთვის, რომ აპრილში გვქონდეს მძიმე ეპიდემიოლოგიური მდგომარეობა.
უკვე მეორე დღეა, ბრიტანეთში კოვიდის გამო არავინ დაღუპულა. ბრიტანეთში მიმდინარეობს ვაქცინაცია ასტრაზენაკას ვაქცინით. ძალიან კარგი შედეგებია ისრაელიდან, სადაც არის ფაიზერის ვაქცინა. ორივე ვაქცინამ პრაქტიკულად გვაჩვენა, რომ ამ ორ ქვეყანაში ამ ვაქცინების ეფექტურმა გამოყენებამ და მოსახლეობის ჩართულობამ ძალიან კარგი და საიმედო შედეგი გამოიღო. ყველა დაიღალა ჩაკეტვებით. უნდა ვიყოთ უფრო პრაგმატულები და როცა რამის განხორციელება გვინდა, უნდა გადავდგათ არა პოპულისტური, არამედ პრაგმატული ნაბიჯები. ვაქცინა როცა შემოგაქვს ქვეყანაში, უნდა იყოს მხოლოდ და მხოლოდ ჯანდაცვის მსოფლიო ორგანიზაციის მიერ რეგისტრირებული, როცა შემოგაქვს წამალი კოვიდთან დაკავშირებული, ასევე უნდა იყოს ჯანდაცვის მსოფლიო ორგანიზაციის მიერ რეგისტრირებული, სტატისტიკა უნდა იყოს მართალი, მოსახლეობას უნდა ელაპარაკო სიმართლეს, უნდა იყოს დიალოგი, უნდა აუხსნა რეალური სურათი. ჩეხეთის რესპუბლიკა არის ძალიან კარგი მაგალითი, რომელმაც ზუსტად იგივე შეცდომები დაუშვა, რაც საქართველომ და მთელი ჩეხეთი ჩაკეტილია.
ახალი წლის შემდეგ, ფაქტია, საქართველოში მართლა დაიწია სიკვდილიანობის და ვირუსის გავრცელების მაჩვენებელმა, ძალიან კარგი შედეგია, მაგრამ ამ შედეგს უნდა გავუფრთხილდეთ.
ყველა რესურსი, რაც გვაქვს, მაქსიმალურად უნდა დაიხარჯოს იმაზე, რომ მივცეთ სწორი ინფორმაცია მოსახლეობას და უნდა ვიფიქროთ, როგორ გავაუმჯობესოთ ჯანდაცვის სექტორი, სამედიცინო დაწესებულებების ხარისხი ავწიოთ.
სამედიცინო დაწესებულებების ხარისხზე მინდა გავაკეთო აქცენტი. სამედიცინო დაწესებულებები არის ის მთავარი რგოლი, რომელიც დაგვეხმარება ამ კოშმარიდან გამოსვლაში.
2021 წელს ვაქცინაციის პროგრამა ვერ განხორციელდება ბოლომდე, იმიტომ რომ ამდენი ვაქცინა არ არის.
კიდევ დიდი ხანი იქნება ვირუსი. ვირუსი არსად არ აპირებს წასვლას. რა არის გამოსავალი?
ყველაფერი უნდა გაკეთდეს იმისათვის, რომ მინიმუმამდე დაიყვანონ გავრცელება. ბიზნესსექტორი უნდა იყოს პროაქტიური, უნდა იყოს ყველაზე მეტად დაინტერესებული, გააკეთონ გარე კაფეები, შიდა სივრცეში რისკი არის უფრო მაღალი, გააკეთეთ სპორტული დარბაზები გარე სივრცეში.
შესაბამისი მობილიზაციაა საჭირო, – ხარისხიანი პირბადე გამოიყენოს ყველამ 5 წლის ასაკიდან, ორმეტრიანი დისტანცია, ხელების დაბანა და მაქსიმალურად მოერიდეთ თავშეყრის ადგილებს.
როგორ უნდა დავაწყოთ ბიზნესპროცესი ისე, რომ ეს სამი კომპონენტი იყოს გათვალისწინებული. ბიზნესი თუ იქნება პრაგმატული, უნდა შეხედოს, როგორი გაყიდვები უნდა იყოს, ონლაინ გაყიდვებზე გადავიდეს, ბუღალტერმა შეიძლება იმუშაოს სახლიდან და ა.შ. ვაქცინაცია არის მეოთხე კომპონენტი, მოსახლეობის 85% უნდა იყოს აცრილი, სხვანაირად ეს საკითხი ვერ დალაგდება.
საქართველოში ვაქცინაციის პროგრამასთან დაკავშირებით ჩემი ხედვა არის, ვაქცინაცია უნდა იყოს მხოლოდ და მხოლოდ ჯანდაცვის მსოფლიო ორგანიზაციის მიერ რეკომენდირებული. თუ გვინდა, რომ კარგი შედეგი მივიღოთ, უნდა ავწიოთ სამედიცინო დაწესებულებების ხარისხი. გვაქვს რაოდენობრივი და არა ხარისხიანი ჯანდაცვა“.
საზოგადოებრივი ჯანდაცვის ექსპერტი გიორგი ფხაკაძე საქართველოს სამედიცინო
დაწესებულებების დამოუკიდებელი შეფასებისა და აკრედიტაციის ინიციატივით გამოდის.
აღნიშნული ინიციატივა ფრანგული ორგანიზაციის – „აკრედიტაცია საზღვრების გარეშე“ – მიერ არის მხარდაჭერილი.
გაეროს გენერალური მდივნის მრჩევლის ჯანდაცვის საკითხებში, პროფესორ გიორგი ფხაკაძის
„საქართველოს აკრედიტაციის ინიციატივა“ გულისხმობს საქართველოს სამედიცინო დაწესებულებების ხარისხის კონტროლის ამაღლებას.
Professor Giorgi Pkhakadze, MD, MPH, PhD
#drpkhakadze#accreditationge#გიორგიფხაკაძე
Профессор Гиорги Пхакадзе. #ПрофессорПхакадзе
https://youtube.com/@drpkhakadze
