როგორ მოვამზადოთ ქერის ფაფა წყალზე
კარგი ჯანმრთელობის საიდუმლოებები და სიცოცხლის ხანგრძლივობა, კაცობრიობის გარიჟრაჟიდანვე აინტერესებდა ადამიანებს. მაგალითად, სიცოცხლის გახანგრძლივების მიზნით, მაიკლ ჯექსონს ეძინა წნევის პალატაში, სტალინი აფინანსებდა ექსპერიმენტებს სიცოცხლის ხანგრძლივობის ელექსირის გამოსავლენად, ხოლო რეპინი საერთოდ ჭამდა ბალახის წვნიანს. ეს ყველაფერი სასაცილოდ და სულელურად ჩანს, რადგან ბედის წინ ვერ წავალთ.
მაგრამ მსოფლიოში არის ხალხი, მიუხედავად ბევრი უბედურებისა, გამოირჩევიან ჯანმრთელობით და გამძლეობით. ტიბეტელი ბერები ის არაჩვეულებრივი ხალხია, რომელთა ასკეტიზმი, ჯანმრთელობა და სიმტკიცე აღფრთოვანებას იწვევს.
ტიბეტში ყველაფერი ჩვეულებრივი და ამავდროულად უჩვეულოა. დაუნდობელმა კლიმატურმა პირობებმა, მცხუნვარე მზემ, ქარმა და ქვიშიან ნიადაგმა მნიშვნელოვანი გავლენა იქონია ადგილობრივების სამზარეულოზე, რომელიც, მართალია არც თუ ისე მრავალფეროვანია, მაგრამ ცნობილია თავისი სარგებლით. მოგითხრობთ ტიბეტის ასწლეულების საყვარელ პროდუქტზე, რომელიც ჩვენს მაღაზიებში თეთრები ღირს, მაგრამ რატომღაც დიდი მოთხოვნა არ არის.
ქერის ფაფა წყალზე
ქერი ყველაზე ძველი მარცვლეულია დედამიწაზე, მაგრამ კაცობრიობამ ქერის პროდუქტები ხორბლის ფუნთუშებში გაცვალა, ხოლო ამ მარცვლეულისგან მიღებული ფაფა სპაგეტზე და ბულგურზე. თავად ქერი ძირითადად საქონლისა და ქათმების საკვებად იქცა. მაგრამ ამაოდ, რადგან ის არის ფასდაუდებელი წყარო საკვები ნივთიერებების, რომლებიც აუცილებელია ადამიანის ორგანიზმისთვის ზრდის, აღდგენისა და ჯანმრთელობის შესანარჩუნებლად.
ტიბეტელები დარწმუნებულნი არიან, რომ სწორედ ქერის ბურღული საუკეთესოდ აკმაყოფილებს ორგანიზმის საჭიროებებს ყველა საკვებ ნივთიერებაზე, აძლიერებს ენერგიას, ხდის სხეულს მსუბუქს და გონებას მახვილს.
ქერის ბურღული არის ქერის დაქუცმაცებული მარცვლები, გათავისუფლებული ქერქიდან, მაგრამ არა გაპრიალებული. სწორედ ასეთ მარცვლეულებშია ყველაზე დიდი რაოდენობით სასარგებლო ბოჭკო, რომელიც ხელს უწყობს ორგანიზმის ტოქსინებისგან გაწმენდას და საჭმლის მონელების პროცესების ნორმალიზებას. ნახშირწყლებით მდიდარი ქერის ფაფა დილაობით ენერგიას მოგცემთ, ქერის კერძების სისტემატური გამოყენება კი ალერგიას მოგიხსნით და ნივთიერებათა ცვლის პროცესებს დაარეგულირებს.
ქერის ღირებული მარცვლები შეიცავს ლიზინს, რომელსაც აქვს ანტივირუსული ეფექტი და ასტიმულირებს კოლაგენის გამომუშავებას. გსურთ თავიდან აიცილოთ ნაოჭები? მიყვარს ქერის ფაფა! გარდა ამისა, ყველა მარცვლეულიდან ყველაზე დაბალი კალორიულია ქერი – 320 კკალ 100 გ-ზე.
გასაკვირი არ არის, რომ ბრძენი ბერები ქერს თაყვანს სცემენ და დარწმუნებული ვართ, რომ ბერებმა რაღაც იციან! გირჩევთ მოამზადოთ მარტივი ქერის ფაფა ისე, როგორც მას ამზადებენ ტიბეტის მთებში. ზედმეტი არაფერი, მხოლოდ ერთი სარგებელი.
ქერის ფაფა ტიბეტელი ბერებისგან
ერთი ჭიქა ქერის ბურღული შეწვით მშრალ თუჯის ტაფაზე, სანამ არ გახდება ოქროსფერი. თქვენ არ გჭირდებათ ზეთის დამატება.
ამასობაში აადუღეთ 2 ჭიქა წყალი. როდესაც მარცვლეული შეიბრაწება, ჩაასხით ღრმა კერამიკულ ჭურჭელში და დაასხით მდუღარე წყალი.
ფაფას მოაყარეთ მარილი გემოვნებით და შეფუთეთ. ქერის ფაფა ცოტა უნდა დადგეს და გაფუვდეს.
როდესაც მარცვლეული გაიჟღინთება, დაამატეთ მას ცოტა კარაქი ან მცენარეული ზეთი. ხახვი არ იქნება ზედმეტი!
სუფრასთან მიირთვით ცხელი ქერის ფაფა! ეს ლანჩი მიირთვით მწვანე ჩაით ჯანჯაფილთან და თაფლთან ერთად, დესერტად კი მიირთვით გარგარის ჩირი.
ისე, თუ თავს ვერ აიძულებთ შეგიყვარდეთ ქერის ფაფა, არის კიდევ ერთი რეცეპტი მშვენიერი კერძისა ტიბეტიდან, მაგრამ ბრინჯით!
ბრინჯის ფაფა ბერებისგან
გარეცხეთ ჭიქა ბრინჯი და მოხარშეთ.
ბრინჯს დაუმატეთ ნახევარი ჭიქა დაჭრილი კაკლის მარცვალი, ამდენივე ქიშმიში და ცოტა თაფლი.
ყველაფერი კარგად აურიეთ, დააფარეთ რაღაც თბილი და გააჩერეთ ერთი საათის განმავლობაში. გემრიელი და ჯანსაღი სადილი სამუშაოსთვის მზად არის.
ახლა თქვენ იცით, თუ როგორ უნდა მოამზადოთ ქერის ფაფა და გამოიყენოთ იგი ჯანმრთელობის სასარგებლოდ. მიირთვით ქერი დამოუკიდებლად, გარნირად, დაუმატეთ სალათებს, საუზმეზე ტკბილი გახადეთ ან ვახშამზე მარილიანი – არა უშავს! მთავარია შეიყვარეთ ეს მარტივი, მაგრამ ასეთი სასარგებლო პროდუქტი.
მაგალითად, მე არასდროს მიცდია, მაგრამ დღეს აუცილებლად მოვამზადებ. მოგწონთ ქერის ფაფა? გაუზიარეთ ჩვენს რედაქტორებს კომენტარებში.
