ბევრი დიეტოლოგის აზრით, ტუტოვანი დიეტები შაქრის, ალკოჰოლის, ცხიმების და სხვა მავნე პროდუქტების შემცირების ხარჯზე აღწევს შედეგს. გამოდის, რომ ახალგაზრდობის შენარჩუნებისა და ჯანმრთელობის დაცვისთვის მჟავაწარმომქმნელი პროდუქტების გამოყენება უნდა შეამციროთ და ტუტე რეაქციის მქონე კერძები გაზარდოთ? წარმოგიდგენთ კვების მთავარ პრინციპებს სახლის პირობებში. გაიუმჯობესეთ განწყობა დღეიდან!
მჟავა-ტუტოვანი ბალანსი
დილა დაიწყე ლიმნიანი წყლით
ლიმნის წვენი უზმოზე დაგეხმარებათ გამოფხიზლდეთ და საკვების მომნელებელი სისტემა გააქტიუროთ, დაატენიანოთ ორგანიზმის უჯრედები და რაც არანაკლებ მნიშვნელოვანია, მსგავსი სასმელი მჟავების სავალალო მოქმედებას ანეიტრალებს. ამასთან, ლიმონში ბევრი ანტიოქსიდანტი და ვიტამინია, რომლებსაც ორგანიზმზე დადებითი გავლენა აქვთ.
გაექეცით მჟავაწარმომქმნელ პროდუქტებს
ეს იმას არ ნიშნავს, რომ რძის პროდუქტებზე, ხორცზე, ბრინჯზე, შოკოლადსა და ყავაზე საერთოდ უარი უნდა თქვათ. მაგრამ მათი მოხმარება 20-30 %-ით უნდა შეამციროთ. ეს პროდუქტები არაა სასარგებლო არც ჯანმრთელობისა და არც ფიგურაზე.
მიიღეთ ბიო დანამატები
ამ გასუფთავებითი პროცესის მომხრეები დარწმუნებულები არიან, რომ სპეციალური ბიო დანამატების გარეშე, რაციონს ვერ მოვიაზრებთ. დიეტოლოგები რეკომენდაციას უწევენ ხმელ იონჯას, უნდა გაექცეთ ხორბალსა და ქერს, მიიღოთ წყალმცენარეები და არ დაივიწყოთ მაგნიუმი, თუთია და კალციუმი.
სელის ზეთი ყველა კერძში
სელის ზეთის ყოველდღიური ოპტიმალური რაოდენობაა 2-3 სუფრის კოვზი. დაამატეთ სასარგებლო ზეთი სალათებში, სუპებში, ცხელ კერძებში. სმუზს მოუხდება არა ზეთი, არამედ დაფქული მარცვლები.
გაექეცით შაქარს
რაფინირებული შაქარი ის პროდუქტია, რომელზე უარის თქმასაც პირველ რიგში გვირჩევენ, რადგანაც ყველაზე მჟავაწარმომქმნელი პროდუქტია. თუ ძალიან გსურთ ტკბილი, ყურადღება ბუნებრივ შაქრის შემცვლელ პროდუქტებზე გააკეთეთ: აგავას ნექტარი, მიწავაშლას სიროფი, ქოქოსის შაქარი..
გამოიყენე მწვანილები
შეურიეთ სხვადასხვა მწვანილი(როზმარინი, კამა, ორეგანო, რეჰანი). ნიორი, ლიმონი და სუნელები, მოათავსეთ ბოთლში და დაასხით ზეთი. მეორე დღეს არომატული პორციაა მზადაა.
დაამატეთ ომეგა 3 რაციონში
სისუსტე, ნივთიერებათა ცვლის შენელება, წონის მატება, ულამაზო კანი, ცუდი საკვების გადამუშავება და ტვინის დაბერება – ყველაფერი ეს ორგანიზმში ცხიმოვანი მჟავების ნაკლებობის ბრალია. თევზის ცხიმიანი სახეობები, სელის მარცვლები, კანაფი – ომეგა 3-ის საუკეთესო ბუნებრივი წყაროებია.
ნუში წასახემსებლად
გემრიელი თხილი მდიდარია მიკროელემენტებით, რომლებიც ორგანიზმში ტუტე გარემოს ქმნიან. ნუში დიდი რაოდენობით ვიტამინ E-ს შეიცავს და ორგანიზმს ნაადრევი დაბერებისგან იცავს.ნუში ეხმარება ღვიძლის და ელენთას მუშაობას, ასუფთავებს სისხლს და მასში შაქრის შემცველობას ამცირებს. ნუშის რეგულარული გამოყენების დროს უმჯობესდება გონებრივი საქმიანობა და ქრება უძილობა.
შეიყვარეთ ისპანახი
ისპანახი ტუტე პროდუქტების მეფეა, ამიტომაც ის ყველა სამზარეულოში უნდა იყოს. ეს მწვანილი დაგეხმარებათ კერძები და სასმელი ვიტამინი A და K-თი, კალიუმით, მაგნიუმით, რკინით გაამდიდროთ.
მსგავსი პროდუქტები:
ბროკოლი, სატაცური, ნიახური, კიტრი, სტაფილო, პომიდორი, ბარდა, ყველა ტიპის თხილი, კომბოსტო, ყაბაყი, მარცვლეული. ორგანიზმის გასუფთავებისთვის ძალიანს სასარგებლოა ციტრუსები, ავოკადო, მწვანილი და საზამთრო.
ამბობენ, რომ ყველა დაავადება, მათ შორის კიბო მავნე მჟავების ბრალია. ეს გამასუფთავებელი პროცესი ყოველ შემთხვევაში, ძალიან სასარგებლოა. გაიუმჯობესეთ განწყობა დღეიდან!
