საქართველოს პირველი არხის გადაცემა „პირადი ექიმი – მარი მალაზონია“
საუბრობს ბავშვთა და მოზარდთა ფსიქოლოგი ნინო გოგიჩაძე:
„ბავშვი უნდა გრძნობდეს მხარდაჭერას და მნიშვნელოვანია, აცნობიერებდეს, მის ქცევებში თეთრი და შავი რა არის…“
შარდსაწვეთის დაზიანება – სიმპტომები და დიაგნოსტიკა, მკურნალობა…
შარდსაწვეთის დაზიანება
შარდსაწვეთის დაზიანება ყველაზე ხშირად მენჯის ტრავმის ან მუცლის ღრუზე ქირურგიული ჩარევის დროს ვითარდება, მაგ. საშვილოსნოს ან მსხვილი ნაწლავის ამოკვეთის (ჰისტერექტომია და კოლექტომია), მუცლის აორტის ანევრიზმაზე ოპერაციის ან ურეტეროსკოპიის დროს (შარდსაწვეთის დათვალიერება მაგარი ან დრეკადი, კამერიანი მილით). დაზიანების სხვა მიზეზი შეიძლება შემავალი, ცეცხლსასროლი ან ცივი იარაღით მიყენებული ჭრილობა იყოს. სხეულზე პირდაპირი, ბლაგვი დარტყმის გამო შარდსაწვეთის დაზიანება ხშირი არ არის. იშვიათად, ბლაგვი ტრავმისას, როცა ტანი უკან მკვეთრად იხრება, შესაძლოა შარდსაწვეთის ზედა ნაწილი თირკმლიდან მოიგლიჯოს.
თუკი დაზიანებას არ უმკურნალეს, შეიძლება გართულებები განვითარდეს, მაგ., ხვრელმილი (პათოლოგიური კავშირი სხვა ორგანოსთან), სტრიქტურა (შევიწროება), ან შარდის მუდმივი ჟონვა და ინფექცია.
სიმპტომები და დიაგნოსტიკა
ადამიანი შეიძლება უჩიოდეს ტკივილს მუცელში, გვერდში (ნეკნებსა და თეძოს შორის) ან შეამჩნიოს ჭრილობიდან შარდის გამოჟონვა. შარდის მუდმივი ჟონვა შესაძლოა ინფექციით გართულდეს, რასაც მაღალი ტემპერატურა ახლავს თან. შარდში შეიძლება სისხლი იყოს.
იმის გამო, რომ შარდსაწვეთის დაზიანება იშვიათია და ნაკლებადაა ამ სიმპტომების გამომწვევი, შესაძლოა დიაგნოზი დროულად ვერ დაისვას. როგორც წესი, ექიმებს ამ დაზიანებაზე ეჭვი მაშინ მიაქვთ, როცა სიმპტომების მქონე ადამიანს უახლოეს წარსულში ოპერაცია გაუკეთდა ან მუცლის ღრუში შემავალი ჭრილობა აქვს. შარდსაწვეთის სავარაუდო დაზიანების დროს გამოსახულებითი კვლევებია საჭირო. საწყის ეტაპზე ხშირად კეთდება კომპიუტერული ტომოგრაფია საკონტრასტო ნივთიერებით ან ინტრავენური უროგრაფია. ზოგჯერ, ექიმი რეტროგრადულ უროგრაფიას ნიშნავს. ამ დროს საკონტრასტო ნივთიერება პირდაპირ შარდსადენის ბოლოში შეჰყავთ და რენტგენის საშუალებით გამოსახულებას იღებენ. ზოგჯერ შარდსაწვეთის დაზიანების აღმოჩენა ქირურგიული ჩარევის დროს ხდება.
მკურნალობა
შარდსაწვეთის ზოგი მსუბუქი დაზიანების დროს მასში 2-6 კვირით დრეკადი მილი, სტენტი შეჰყავთ შარდის ბუშტიდან ან თირკმლიდან, გვერდზე კანის პატარა განაკვეთით (კანქვეშა ნეფროსტომა). შედეგად შარდი შარდსაწვეთის მაგივრად სტენტში გაივლის და შარდსაწვეთს დაზიანებების მოშუშების საშუალება ეძლევა. თუკი ეს ეფექტური არ აღმოჩნდა, შესაძლოა დამატებითი ოპერაცია გახდეს საჭირო. უფრო მძიმე დაზიანებების დროს შარდსაწვეთის მთლიანობის აღდგენა ქირურგიული გზით ხერხდება.
მკურნალობა მიზნად ისახავს გართულებების თავიდან აცილებას და თუ ისინი მაინც განვითარდა – მათ გამოსწორებასაც.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)
ჯანმრთელობის საშინაო ცნობარი. (გამომცემლობა პალიტრა L)
საქართველოს აქვს პროგრესი შრომის უსაფრთხოებისა და სამუშაო ადგილებზე ჯანმრთელობის დაცვის მიმართულებით
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში, ზურაბ აზარაშვილის ხელმძღვანელობით, სოციალური პარტნიორობის სამმხრივი კომისიის სხდომა გაიმართა.
ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
„სამინისტროს წარმომადგენელმა, კომისიის წევრებს, საქართველოს შრომისა და დასაქმების პოლიტიკის 2024-2028 წლების ეროვნული სტრატეგიის პროექტი წარუდგინა, რომელიც შრომის ბაზრის აქტიური პოლიტიკის გაძლიერებასა და დასაქმებულთა რაოდენობის ზრდას გულისხმობს.
დოკუმენტი, ასევე, მოიცავს, შრომის ბაზარზე, გენდერული თანასწორობის უზრუნველყოფასა და სამუშაო პირობების კიდევ უფრო გაუმჯობესებას.
კომისიის სხდომაზე განიხილეს, „ევროკავშირის გაფართოების პოლიტიკის“ 2023 წლის ანგარიშით გათვალისწინებული რეკომენდაციებიც. აღინიშნა, რომ საქართველოს აქვს პროგრესი შრომის უსაფრთხოებისა და სამუშაო ადგილებზე ჯანმრთელობის დაცვის მიმართულებით.
შეხვედრას მინისტრის მოადგილე თამილა ბარკალაია, განათლებისა და მეცნიერების მინისტრის მოადგილე გელა გელაძე,რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი, ეკონომიკისა და მდგრადი განვითარების მინისტრის მოადგილე გენადი არველაძე, იუსტიციის მინისტრის მოადგილე ბუბა ლომუაშვილი, საქართველოს პროფესიული კავშირების გაერთიანების თავმჯდომარე ირაკლი პეტრიაშვილი, დამსაქმებელთა ასოციაციის პრეზიდენტი ელგუჯა მელაძე, შრომის ინსპექციის სამსახურის უფროსი ბექა ფერაძე და დარგის წარმომადგენლები ესწრებოდნენ“, – ნათქვამია ინფორმაციაში.
კახეთის გზატკეცილზე ძაღლების სავალდებულო ვაქცინაცია და მონიტორინგი მიმდინარეობს
სურსათის ეროვნული სააგენტოს ცნობით, კახეთის გზატკეცილი, სადაც ძაღლის ცოფით დაავადების შემთხვევა დაფიქსირდა, საკარანტინო ზონად გამოცხადდა და შესაბამისი ღონისძიებები ტარდება.
“აღნიშნულ ტერიტორიაზე, კანონმდებლობით გათვალისწინებულ საკარანტინო ზონაში მიმდინარეობს ძაღლების სავალდებულო ვაქცინაცია და მონიტორინგი,” – წერია სეს-ის განცხადებაში.
სურსათის ეროვნულმა სააგენტომ 19 დეკემბერს გაავრცელა ინფორმაცია, რომ ეძებდნენ მოზარდს, რომელიც კახეთის გზატკეცილზე, გალფის ბენზინგასამართ სადგურთან ძაღლმა გაკაწრა. ძაღლს ცოფი დაუდასტურდა.
ჯანდაცვის სამინისტროს ინფორმაციით, ბავშვის ვინაობა დადგინდა. ბავშვს ვაქცინაცია დაწყებული აქვს, რადგან გაკაწვრის შემდეგ, მშობლებმა შესაბამისი ზომები მიიღეს.
სურსათის ეროვნულმა სააგენტომ გუშინ გაავრცელა ინფორმაცია, რომ თბილისში, კახეთის გზატკეცილზე, კოსმონავტის ძეგლის მიმდებარედ არსებული “გალფის” ბენზინგასამართი სადგურის ტერიტორიაზე მკვდარ მიუსაფარ ძაღლს, ლაბორატორიული კვლევის შედეგად, ცოფი დაუდასტურდა.
იცით თუ არა, რომ… ადამიანთა უმრავლესობას, რომლებსაც ჭარბი რაოდენობით ბაქტერიები აქვთ შარდში, სიმპტომები არ აწუხებს და მკურნალობაც არ ესაჭიროება
იცით თუ არა, რომ…
ადამიანთა უმრავლესობას, რომლებსაც ჭარბი რაოდენობით ბაქტერიები აქვთ შარდში, სიმპტომები არ აწუხებს და მკურნალობაც არ ესაჭიროება.
უსიმპტომო ბაქტერიურია
უსიმპტომო ბაქტერიურიის დროს შარდში ბაქტერიები ნორმაზე დიდი რაოდენობითაა, მაგრამ სიმპტომები არ ვლინდება.
ამ მდგომარეობას, როგორც წესი, არ მკურნალობენ, რადგან გართულებები იშვიათია, ხოლო ბაქტერიების მოშორება – საკმაოდ რთული. ასევე, ანტიბიოტიკების მიღებამ შეიძლება ორგანიზმში მიკროორგანიზმების ბალანსის მოშლა გამოიწვიოს და ზოგჯერ ისეთი ბაქტერიები გამრავლდეს, რომელთა საწინააღმდეგო მკურნალობაც კიდევ უფრო რთულია.
გამონაკლისს წარმოადგენენ ისინი, ვისაც საშარდე გზების ინფექციის განვითარების დიდი რისკი აქვს. ასეთი მდგომარეობებია: ორსულობა, გადანერგილი თირკმელი, იმუნური სისტემის დამთრგუნველი მედიკამენტების მიღება ან დაქვეითებული იმუნიტეტი (შიდსის, ზოგი სიმსივნის, სისხლის თეთრი უჯრედების ნაკლებობის გამო). მაგალითად, ცისტიტის დროს შეიძლება ინფექცია აღმავალი გზით, თირკმლებში გავრცელდეს და პიელონეფრიტი გამოიწვიოს, რაც ძალიან საშიშია ორსულებისთვის. ამ დროს შესაძლოა ნაადრევი მშობიარობაც კი დაიწყოს. საშარდე გზების ინფექციამ, ასევე შეიძლება შეუქცევადად დააზიანოს ერთი ან ორივე თირკმელი გადანერგვის შემდეგ. რაიმე მედიკამენტის მიღების ან დაავადების გამო იმუნიტეტის დაქვეითებისას საშარდე გზების ინფექციამ შეიძლება სისხლის ინფიცირებაც კი გამოიწვიოს, რაც პოტენციურად სასიკვდილოა. ზოგჯერ იმუნური სისტემა კიბოს ქიმიოთერაპიის შემდეგაც ითრგუნება. უსიმპტომო ბაქტერიურიის მკურნალობა საჭიროა ადამიანებში, რომლებსაც თირკმლის კენჭების ზოგიერთი სახე აღენიშნებათ, მათი მოშორება ვერ ხერხდება და საშარდე გზების ინფექციები ხშირად ვითარდება.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)
ჯანმრთელობის საშინაო ცნობარი. (გამომცემლობა პალიტრა L)
სიმპტომები არ ვლინდება – შარდში ბაქტერიები ნორმაზე დიდი რაოდენობითაა
უსიმპტომო ბაქტერიურია
უსიმპტომო ბაქტერიურიის დროს შარდში ბაქტერიები ნორმაზე დიდი რაოდენობითაა, მაგრამ სიმპტომები არ ვლინდება.
ამ მდგომარეობას, როგორც წესი, არ მკურნალობენ, რადგან გართულებები იშვიათია, ხოლო ბაქტერიების მოშორება – საკმაოდ რთული. ასევე, ანტიბიოტიკების მიღებამ შეიძლება ორგანიზმში მიკროორგანიზმების ბალანსის მოშლა გამოიწვიოს და ზოგჯერ ისეთი ბაქტერიები გამრავლდეს, რომელთა საწინააღმდეგო მკურნალობაც კიდევ უფრო რთულია.
გამონაკლისს წარმოადგენენ ისინი, ვისაც საშარდე გზების ინფექციის განვითარების დიდი რისკი აქვს. ასეთი მდგომარეობებია: ორსულობა, გადანერგილი თირკმელი, იმუნური სისტემის დამთრგუნველი მედიკამენტების მიღება ან დაქვეითებული იმუნიტეტი (შიდსის, ზოგი სიმსივნის, სისხლის თეთრი უჯრედების ნაკლებობის გამო). მაგალითად, ცისტიტის დროს შეიძლება ინფექცია აღმავალი გზით, თირკმლებში გავრცელდეს და პიელონეფრიტი გამოიწვიოს, რაც ძალიან საშიშია ორსულებისთვის. ამ დროს შესაძლოა ნაადრევი მშობიარობაც კი დაიწყოს. საშარდე გზების ინფექციამ, ასევე შეიძლება შეუქცევადად დააზიანოს ერთი ან ორივე თირკმელი გადანერგვის შემდეგ. რაიმე მედიკამენტის მიღების ან დაავადების გამო იმუნიტეტის დაქვეითებისას საშარდე გზების ინფექციამ შეიძლება სისხლის ინფიცირებაც კი გამოიწვიოს, რაც პოტენციურად სასიკვდილოა. ზოგჯერ იმუნური სისტემა კიბოს ქიმიოთერაპიის შემდეგაც ითრგუნება. უსიმპტომო ბაქტერიურიის მკურნალობა საჭიროა ადამიანებში, რომლებსაც თირკმლის კენჭების ზოგიერთი სახე აღენიშნებათ, მათი მოშორება ვერ ხერხდება და საშარდე გზების ინფექციები ხშირად ვითარდება.
იცით თუ არა, რომ…
ადამიანთა უმრავლესობას, რომლებსაც ჭარბი რაოდენობით ბაქტერიები აქვთ შარდში, სიმპტომები არ აწუხებს და მკურნალობაც არ ესაჭიროება.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)
ჯანმრთელობის საშინაო ცნობარი. (გამომცემლობა პალიტრა L)
პიელონეფრიტი ერთი ან ორივე თირკმლის ბაქტერიული ინფექციაა
პიელონეფრიტი
პიელონეფრიტი ერთი ან ორივე თირკმლის ბაქტერიული ინფექციაა.
ინფექცია შეიძლება საშარდე გზებიდან თირკმლებში გავრცელდეს ან ბაქტერიები ამ ორგანოებში სისხლის ნაკადიდან მოხვდეს.
შესაძლოა გამოვლინდეს შემცივნება, ცხელება, წელის ტკივილი, გულისრევა და ღებინება.
პიელონეფრიტის სადიაგნოზოდ შარდისა და ზოგჯერ სისხლის ანალიზები გამოიყენება.
ინფექციის სამკურნალოდ ანტიბიოტიკები ინიშნება.
მიზეზები
პიელონეფრიტი ქალებში უფრო ხშირია, ვიდრე მამაკაცებში. შემთხვევათა 90%-ში გამომწვევი მსხვილი ნაწლავის ერთ-ერთი ბაქტერია, ე.წ. ნაწლავის ჩხირია (იმ ადამიანებში, რომლებიც საავადმყოფოში არ არიან და მოხუცებულთა სახლში არ ცხოვრობენ). ინფექცია ხშირად შარდსადენიდან აღმავალი გზით ვრცელდება შარდის ბუშტში, შარდსაწვეთებსა და თირკმლებში. ჯანმრთელი საშარდე გზების მქონე ადამიანში, როგორც წესი, იგი არ ვითარდება, რადგან ბაქტერიები შარდსაწვეთსა და თირკმლებში გავრცელებას ვერ ახერხებენ. ეს იმით აიხსნება, რომ შარდის ნაკადი ბაქტერიებს გარეთ გამორეცხავს და ასევე, მოშარდვისას შარდსაწვეთების ბოლოები იხშობა და შარდი შარდის ბუშტიდან უკან აღმავალი გზით არ აედინება. თუმცა, შარდის დინების მექანიკურად დახშობა ან მისი უკან, შარდსაწვეთებში ადინება (რეფლუქსი) ზრდის პიელონეფრიტის განვითარების რისკს. დახშობა შეიძლება სტრუქტურული პათოლოგიით, თირკმლის კენჭით ან გადიდებული წინამდებარე ჯირკვლით იყოს გამოწვეული. პიელონეფრიტის რისკი ორსულობის დროსაც იმატებს. ფეხმძიმე ქალებში გადიდებული საშვილოსნო შარდსაწვეთებს აწვება და ნაწილობრივ ახშობს შარდის ნორმალურ, ქვედა მიმართულებით დინებას. ორსულობისას შარდის უკან, შარდსაწვეთებში ადინების რისკიც იზრდება, რადგან ეს მილები ფართოვდება და იმ კუნთთა შეკუმშვებიც სუსტდება, რომლებიც, წესით, შარდს ბუშტისკენ გადადევნიან.
თირკმელში ბაქტერიები შეიძლება ორგანიზმის სხვა ნაწილიდანაც მოხვდეს სისხლის მეშვეობით, მაგალითად, კანის სტაფილოკოკური ინფექციისას.
პიელონეფრიტის რისკი და სიმძიმე იზრდება შაქრიანი დიაბეტის ან დაქვეითებული იმუნიტეტის მქონე ადამიანებში, რადგან ამ დროს ორგანიზმს არ შეუძლია ინფექციებთან ბრძოლა. ამ დაავადებას ძირითადად ბაქტერიები იწვევენ, მაგრამ შესაძლოა მიზეზი ტუბერკულოზი, სოკოები ან ვირუსებიც იყოს.
ზოგ ადამიანს ხანგრძლივი ინფექცია უვითარდება (ქრონიკული პიელონეფრიტი). თითქმის ყველა მათგანს სერიოზული თანმდევი დაავადება აქვს, მაგალითად, საშარდე გზების ობსტრუქცია, თირკმლის დიდი ზომის კენჭების ხანგრძლივი არსებობა ან, უფრო ხშირად, შარდის უკუდინება ბუშტიდან შარდსაწვეთებში (უფრო ხშირია პატარა ბავშვებში). ქრონიკული პიელონეფრიტის დროს ბაქტერიები შეიძლება სისხლში გადავიდეს და მეორე თირკმლის ან სხვა ორგანოების ინფიცირებაც გამოიწვიოს. იშვიათად, ამ დაავადებამ შეიძლება დროთა განმავლობაში მძიმედ დააზიანოს თირკმლები.
ზოგ ადამიანს ქსანტოგრანულომატოზური პიელონეფრიტი უვითარდება, ქრონიკული პიელონეფრიტის ერთ-ერთი სახე, რომელსაც თირკმლის კენჭები იწვევს. ხშირად თირკმელში ჭარბად ვითარდება ნაწიბუროვანი ქსოვილი (და შეუქცევადად აზიანებს მას) ან ჩირქგროვები (რაც ცხელებასა და ძლიერ ტკივილს იწვევს).
სიმპტომები
პიელონეფრიტის სიმპტომები ხშირად უეცრად ვლინდება: შემცივნება, მაღალი ტემპერატურა, ტკივილი წელის არეში, რომელიმე მხარეს, გულისრევა და ღებინება.
ამ დროს ადამიანთა მესამედს ცისტიტის სიმპტომებიც აქვს, მათ შორის ხშირი, მტკივნეული შარდვაც. ერთი ან ორივე თირკმელი შეიძლება გადიდებული და მტკივნეული იყოს. ამასთან, ექიმმა დაზიანებულ მხარეს შეიძლება წელის მიდამოს მტკივნეულობა გამოავლინოს. ზოგჯერ მუცლის კუნთები მჭიდროდ არის შეკუმშული. ინფექციის ან თირკმლის დაძრული კენჭის მიერ შარდსაწვეთის გაღიზიანებამ შეიძლება მისი სპაზმი გამოიწვიოს, რის დროსაც ადამიანს გაუსაძლისი ტკივილი აწუხებს (თირკმლის ჭვალი). ბავშვებში თირკმლის ინფექციის სიმპტომები უფრო მსუბუქია და ძნელად შესამჩნევი. მოხუცებში პიელონეფრიტი შესაძლოა საერთოდ არ გამოვლინდეს ისეთი სიმპტომებით, რომ საშარდე გზების პრობლემაზე მიიტანონ ეჭვი. ამის ნაცვლად მათ დელირიუმი ან სისხლის ინფიცირება (სეფსისი) უვითარდებათ.
ქრონიკული პიელონეფრიტის დროს ტკივილი შეიძლება მსუბუქი, გაურკვეველი იყოს, ხოლო ცხელება შეიძლება დროგამოშვებით ან საერთოდ არ განვითარდეს.
დიაგნოსტიკა
პიელონეფრიტისთვის დამახასიათებელი სიმპტომების გამოვლენისას, ექიმები ორ ანალიზს ნიშნავენ, რათა დადგინდეს თირკმელში ინფექციის არსებობა: შარდის ნიმუშის მიკროსკოპით კვლევა და მისი ბაქტერიული კულტურის დათესვა გამომწვევის დასადგენად. სისხლის ანალიზით შეიძლება თეთრი უჯრედების მომატება ან მასში ბაქტერიების არსებობაც კი დადგინდეს.
დამატებითი კვლევები ინიშნება ადამიანებში, რომელთაც თირკმლის ჭვალისთვის დამახასიათებელი ძლიერი წელის ტკივილი აქვთ, ანტიბიოტიკებით მკურნალობა 48 საათის განმავლობაში არ არის ეფექტური, კურსის ჩამთავრების შემდეგ სიმპტომები კვლავ იჩენს თავს ან პიელონეფრიტი ხანგრძლივია და განმეორებით ვითარდება. დამატებითი კვლევები საჭიროა მამაკაცებშიც, რადგან მათში ეს დაავადება ძალიან იშვიათია. ამ დროს ულტრასონოგრაფიულად ან კომპიუტერული ტომოგრაფიით შესაძლოა თირკმლის კენჭების, სტრუქტურული პათოლოგიების ან საშარდე გზების დახშობის სხვა მიზეზის აღმოჩენა მოხერხდეს.
პროგნოზი
ადამიანთა უმრავლესობა სრულიად გამოჯანმრთელდება. დაავადების მიმდინარეობის გახანგრძლივება და გართულებები უფრო ხშირია, თუკი ადამიანს ჰოსპიტალიზაცია დასჭირდა, აქვს თირკმლის კენჭი ან გამომწვევი მიკროორგანიზმი ანტიბიოტიკებისადმი რეზისტენტულია. ეს ასევე მოსალოდნელია ზოგიერთი სიმსივნის, შაქრიანი დიაბეტის ან შიდსის გამო დაქვეითებული იმუნიტეტის მქონე ადამიანებში.
პრევენცია და მკურნალობა
ანტიბიოტიკებით მკურნალობა პიელონეფრიტზე ეჭვის მიტანისა და ანალიზებისთვის ნიმუშების აღებისთანავე იწყება. ლაბორატორიული კვლევების შედეგების (მათ შორის შარდის კულტურის) მიხედვით შესაძლოა მედიკამენტი ან მისი დოზა შეიცვალოს. ეს ასევე დამოკიდებულია იმაზე, რამდენად ავადაა ადამიანი და ინფექცია საავადმყოფოში ყოფნისას განვითარდა თუ არა. საავადმყოფოში არსებული ბაქტერიები რეზისტენტულები არიან ანტიბიოტიკების მიმართ, ანუ მათზე ნაკლებად ეფექტურად მოქმედებს ეს მედიკამენტები. სახლის პირობებში მკურნალობა და ანტიბიოტიკების დასალევი ფორმით მიღება ხშირად ეფექტურია, თუ:
ადამიანს არ აქვს გულისრევა ან ღებინება;
გაუწყლოვნების ნიშნები არ არის;
იმუნური სისტემის დამასუსტებელი დაავადებები არ აღინიშნება (მაგ. ზოგი სიმსივნე, შაქრიანი დიაბეტი, შიდსი).
არ ვითარდება მძიმედ მიმდინარე ინფექციის ნიშნები, მაგ. დაბალი არტერიული წნევა ან ცნობიერების მოშლა.
დასალევი ტკივილგამაყუჩებელი საშუალებები ეფექტურია.
სხვა შემთხვევაში, მკურნალობა დასაწყისში საავადმყოფოში უნდა ჩატარდეს. თუკი ჰოსპიტალიზაცია და ანტიბიოტიკოთერაპია საჭირო გახდა, პირველი 1-2 დღე ანტიბიოტიკი ვენაში გადასხმით კეთდება, შემდეგ კი – დასალევად ეძლევა ადამიანს.
პიელონეფრიტის დროს ანტიბიოტიკები 14 დღის განმავლობაში ინიშნება, რათა ინფექცია ხელახლა არ განვითარდეს. თუმცა, მამაკაცებში, რომლებშიც ინფექცია პროსტატიტის გამო ვითარდება, კურსი შესაძლოა 6 კვირამდეც გახანგრძლივდეს, რადგან ინფექციის სრულად აღმოფხვრა უფრო ძნელია. ანტიბიოტიკების შეწყვეტიდან ცოტა ხანში შარდის საბოლოო ანალიზი ტარდება, რათა დადასტურდეს, რომ ინფექცია განკურნებულია.
თუკი კვლევებით სხვა, მანამდე არსებული დაავადება დადგინდა, მაგ., საშარდე გზების დახშობა, სტრუქტურული პათოლოგია ან კენჭი, შესაძლოა ქირურგიული ჩარევა გახდეს საჭირო. ქსანტოგრანულომატოზური პიელონეფრიტის დროს, ხშირად ინფიცირებული თირკმლის ამოკვეთაა აუცილებელი, რადგან ინფექციები მრავალჯერ შეიძლება განმეორდეს. ეს ოპერაცია კეთდება ქრონიკული პიელონეფრიტის მქონე ადამიანებშიც, რომლებსაც მალე თირკმელი უნდა გადაენერგოთ. გადანერგილ ორგანოზე ინფექციის გავრცელება ძალიან საშიშია, რადგან ამ დროს ადამიანები იმუნიტეტის დამთრგუნველ მედიკამენტებს იღებენ. ეს აუცილებელია, რათა ორგანიზმმა გადანერგილი თირკმელი არ მოიშოროს, მაგრამ, მეორე მხრივ, აქვეითებს ინფექციებთან ბრძოლის უნარსაც.
როცა პიელონეფრიტი ხშირად ხელახლა ვითარდება ან ანტიბიოტიკოთერაპიის ჩამთავრების მერე კვლავ იჩენს თავს, ექიმმა შესაძლოა ამ მედიკამენტების მცირე დოზა დანიშნოს ყოველდღე მისაღებად. ამ პრევენციული მკურნალობის იდეალური ხანგრძლივობა უცნობია, მაგრამ, ხშირად იგი ერთი წლის განმავლობაში გრძელდება. თუკი ინფექცია მაინც განმეორდა, ანტიბიოტიკების მიღება შეიძლება განუსაზღვრელი დროით გახდეს საჭირო. თუკი შვილოსნობის ასაკში მყოფი ქალი იღებს ამ მედიკამენტებს, სასურველია ორსულობის თავიდან აცილება და ექიმთან გასაუბრება, თუ რამდენად უსაფრთხო იქნება ანტიბიოტიკების მიღება ფეხმძიმობის დროსაც.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)
ჯანმრთელობის საშინაო ცნობარი. (გამომცემლობა პალიტრა L)
ვის აქვს შეზღუდვები დონორობაზე, ვის შეუძლია გახდეს დონორი
საქართველოში ამოქმედდება რეგულაცია, რომლის თანახმად, სისხლის დონაცია მხოლოდ უანგაროდ დაიშვება. სისხლის გაღების სანაცვლოდ ფულს არავის არ გადაუხდიან. კოვიდ-პანდემიის მძვინვარების პერიოდში, როდესაც მოსახლეობის უმრავლესობა დაინფიცირებული იყო, იმ პაციენტების ბედი, ვისაც სისხლის კომპონენტები სჭირდებოდა, ფაქტობრივად ფასიან დონორებზე დამოკიდებული იყო. ამიტომაც, ახალი რეგულაციის მოლოდინში ბუნებრივია ჩნდება კითხვა, შეიქმნება თუ არა კრიზისი სისხლის ბანკებში?
ჯეიმს ვებმა ურანს ამ დროისთვის ყველაზე დეტალური ფოტო გადაუღო
NASA-ს ჯეიმს ვების კოსმოსურმა ტელესკოპმა ეს კვლავ მოახერხა — პლანეტა ურანი ახალ, საოცარ დეტალებში გადაიღო.
ჯანმომ დაასახელა COVID-19 ვარიანტი JN.1 მისი სწრაფად გავრცელების გამო
საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ამბობს, რომ ჯანდაცვის მსოფლიო ორგანიზაციამ დაასახელა COVID-19 ვარიანტი JN.1, როგორც ცალკე ინტერესის ვარიანტი BA.2.86.
ჯანდაცვის მსოფლიო ორგანიზაციამ დაასახელა COVID-19 ვარიანტი JN.1, როგორც ცალკე ინტერესის ვარიანტი BA.2.86 მშობელი ხაზისგან, მისი სწრაფად მზარდი გავრცელების გამო; მიმდინარე მტკიცებულებებზე დაყრდნობით, JN.1-ით გამოწვეული გლობალური ჯანმრთელობის რისკი დაბალი რჩება.
ჯანდაცვის ორგანიზაციამ დასძინა, რომ ის მუდმივად აკონტროლებს მტკიცებულებებს და საჭიროების შემთხვევაში განაახლებს JN.1 რისკის შეფასებას.
ჯანდაცვის მსოფლიო ორგანიზაციის თქმით, ამჟამინდელი ვაქცინები აგრძელებენ დაცვას მძიმე დაავადებისა და სიკვდილისგან
The World Health Organization has classified the COVID-19 variant JN.1 as a separate variant of interest from the parent lineage BA.2.86 due to its rapidly increasing spread; based on current evidence, the global health risk posed by JN.1 remains low.