ტვინის მუშაობის გაუმჯობესებისთვის და დაავადებების თავიდან ასაცილებლად კარგია კითხვა, ლოგიკური ამოცანების ამოხსნა, საკუთარი მიზნებისთვის ცხოვრება. გარკვეულ როლს ასრულებს კვებაც და ყოველდღიური წეს-ჩვეულებები. გამხდარი სხეულის და ლამაზი კანის სურვილი იმდენად ძლიერია, რომ იშვიათად ვფიქრობთ ტვინის კვებაზე.
ჯანსაღი ტვინისა და ნათელი ფსიქიკისთვის პირველი ნაბიჯები ძალიან მარტივია და ყველასთვის ხელმისაწვდომი. გამოცდილი ნეიროქირურგები გვირჩევენ, რომ ავდგეთ ადრე, დავლიოთ ორი ჭიქა ოთახის ტემპერატურის წყალი და ვისაუზმოთ. პირველი ჭიქა ეხმარება მუშაობის დაწყებაში კუჭ- ნაწლავის ტრაქტს. მეორე ჭიქის დალევის შემდეგ ამოქმედდება მთელი ორგანიზმი. ტვინის მუშაობის მაქსიმალური აქტივობის ორი პერიოდი არსებობს: 10-12 სთ. და 16-18 სთ. თუ იგრძნობს დაღლას, შეგიძლიათ ყავით გაუმასპინძლდეთ. აუცილებელია საუზმე, ის ხელს უწყობს ძილის შემდეგ ტვინის გამოფხიზლებას და აუცილებელი მიკროელემენტების მიწოდებას. სადილი უნდა იყოს დაბალანსებული, არ უნდა გადატვირთოთ კუჭი, უპირატესობა მიანიჭეთ უბრალო წყალს და არა წვენებს. ტკბილი არ არის ჯანსაღი პროდუქტი, მაგრამ თუ კარგ ხასიათზე გაყენებთ, შეგიძლიათ მიირთვათ ცოტა. უნდა იცოდეთ ამ დროს კარგია შავი შოკოლადი, ნატურალური ცხელი კაკაო ან თაფლი, რომელიც ყველაზე მეტად მოსწონს ტვინს.
უნდა იკვებოთ გონივრულად და არა კატეგორიულად, ხშირად და პატარა ულუფებით. მართალია ხორცი ტვინს არ კვებავს, მაგრამ კარგია სხეულისთვის, ეს ეხება ქათმის და ინდაურის ხორცსაც, მთავარია ხორცი იყოს ნაკლებად ცხიმიანი. ტვინს არ უყვარს ცხიმი და მარილი. დღესასწაულების გარდა უნდა გამორიცხოთ მარილიანი საკვების მიღება.
ნუ დაივიწყებთ, რომ ჩვენი ტვინი ძილის დროსაც მუშაობს. არ გადატვირთოთ უძილობით და მნიშნვნელოვანი საკითხების ღამით გადაწყვეტით. თუ ძილის წინ არ იფიქრებთ, გაღვიძებულს უკვე ყველა კითხვაზე გექნებათ პასუხი. ტვინი ძილის პერიოდში კავშირს ამყარებს აზრებთან, გადაწყვეტილებებთან, მეხსიერებასთან და აწვდის იდეას. ამიტომ დაივიწყეთ უძილობა, გახსოვდეთ, რომ ლამაზი სიზმარი გაასუფთავებს თქვენს ტვინს ცუდი მეხსიერებისგან.
ფიზიკური ვარჯიში აუმჯობესებს ტვინის მუშაობას და მეხსიერებას. სამი მნიშვნელოვანი რამ სჭირდება ტვინს: ლაპარაკი, წერა, მოძრაობა. ბევრმა დაივიწყა მუსიკა და მისი აუცილებლობა, სამწუხაროა ისიც, რომ ადამიანები აღარ ცეკვავენ. ცეკვა როგორც დადასტურდა ხელს უშლის ალცჰეიმერის დაავადების ადრეულ განვითარებას.
თქვენი ტვინის ყველაზე საუკეთესო მეგობარი ღიმილია. პოზიტიური ემოციები ხელს უწყობს მწუხარების გადალახვას და მოქმედებს გონების აქტივობაზე. იმეგობრეთ კეთილ ადამიანებთან და აკეთეთ ის რაც გსურთ.
