ტექსტი:
სქესობრივი მომწიფების პერიოდში მოზარდები, განსაკუთრებით კი მოზარდი გოგოები, ხშირად ხდებიან დაცინვისა და დარცხვენის მსხვერპლი ორგანიზმში მიმდინარე ცვლილებების გამო.
ასეთი გამოცდილებები არაერთი კომპლექსის, სტიგმის, ტრავმისა და მენტალური თუ ფიზიკური ჯანმრთელობის პრობლემის წყარო ხდება.
აუცილებელია, ვიცოდეთ, რომ სქესობრივ მომწიფებას თან ახლავს სავსებით ნორმალური და ბუნებრივი ცვლილებები.
ამ პერიოდში:
-
იმატებს თმიანობა. თმა იწყებს ზრდას იღლიებისა და სასქესო ორგანოების უბნებში. ხელებსა და ფეხებზე კი უფრო ხშირი და მუქი ხდება. იცოდეთ, რომ მხოლოდ თქვენი გადასაწყვეტია, როგორ მოუვლით სხეულზე ამოსულ თმას — მოიშორებთ თუ არა.
-
ფორმას იცვლის და ყალიბდება მკერდი. გახსოვდეთ, რომ არ არსებობს ჯანსაღი და ობიექტური სტანდარტი, რომელსაც თქვენი მკერდის ზომა და ფორმა უნდა მოერგოს.
-
იწყება მენსტრუაცია. მენსტრუცია თქვენი ზრდის პროცესის ბუნებრივი ნაწილია და ამაში სამარცხვინო და დასამალი არაფერია.
-
იცვლება წონა. ეს აუცილებელია, რომ სხეულმა მიიღოს სათანადო განვითარებისთვის საჭირო რესურსები. შესაბამისად, წონის მატებაში არაფერია სამარცხვინო და არაბუნებრივი. ამ დროს თქვენი სხეული ყველაფერს აკეთებს იმისთვის, რომ ჯანსაღი განვითარების შესაძლებლობა მოგცეთ.
-
ჩნდება გამონაყარი და აკნე. ცხიმის ზედმეტმა გამოყოფამ შეიძლება კანის ფორების დახშობა გამოიწვიოს. სწორედ ესაა აკნესა და გამონაყარის მიზეზი. კანის სიჯანსაღისთვის შეინარჩუნეთ მისი სისუფთავე და ტენიანობა და გამოიყენეთ მზისგან დამცავი.
მიიღეთ მეტი ინფორმაცია მოსალოდნელი ცვლილებების შესახებ, გამოხატეთ სიყვარული და მადლიერება თქვენი სხეულის მიმართ, იზრუნეთ მასზე და ისიამოვნეთ ცხოვრების ახალი ეტაპით!
სცენარის ავტორი: ვერო მელუა
გრაფიკული დიზაინერი: ანო ნეფარიძე
მოუშენ დიზაინერი: იერვანდ მურადიანი
QR კოდიshenisilamaze.ge
შენი სილამაზე. (2025). ვიდეო — სქესობრივი მომწიფება და მასთან დაკავშირებული ფიზიკური ცვლილებები. 4 მარტი, 2025. https://shenisilamaze.ge/%e1%83%95%e1%83%98%e1%83%93%e1%83%94%e1%83%9d-%e1%83%a1%e1%83%a5%e1%83%94%e1%83%a1%e1%83%9d%e1%83%91%e1%83%a0%e1%83%98%e1%83%95%e1%83%98-%e1%83%9b%e1%83%9d%e1%83%9b%e1%83%ac%e1%83%98/
