ეჭვი გეპარება შენი კანის მოვლაში? ფიქრობ, რომ შეიძლება უკეთესი ყოფილიყო?
გადაამოწმე, უშვებ თუ არა გავრცელებულ შეცდომებს, რომლებიც ხელს უშლიან კანის მოვლის 100%-ით მუშაობას.
გაწმენდა არის პროცესი, რომელიც 2 ეტაპისგან შედგება. ორმაგი გაწმენდა საჭიროა იმისთვის, რომ კანის ტონი უფრო თანაბარი გახდეს, კანის მდგომარეობა გაუმჯობესდეს და კრემებმა უფრო ეფექტურად იმუშაონ. დაიწყე ზეთზე დაფუძნებული გამწმენდი საშუალებით, როგორიცაა სახის დასაბანი გამწმენდი ზეთი. შემდეგ გამოიყენე წყალზე დაფუძნებული გამწმენდი საშუალება.
კანის პილინგი და განახლება კანის მოვლის საკვანძო ეტაპია. ის, უდავოდ, საჭიროა ფორების გასაწმენდად, მკვდარი უჯრედების მოსაშორებლად და კანის გასაგლუვებლად. მაგრამ თუ ბოროტად გამოიყენებ სკრაბებს, შეიძლება დაარღვიო კანის ბუნებრივი დამცავი ბარიერი. გირჩევთ გამოიყენო სკრაბი კვირაში არაუმეტეს 2-3-ჯერ და ყურადღება მიაქციო კანის მდგომარეობას. ასევე ძალიან მნიშვნელოვანია, არ შეიზილო პროდუქტი კანში – მხოლოდ ნაზი მასაჟი.
თუ შენი კანის მოვლის პროცედურა შედგება მრავალი ეტაპისგან სხვადასხვა პროდუქტების გამოყენებით, შესაძლოა, მათ არასწორი თანმიმდევრობით იყენებ, რაც მათ ეფექტურობას ამცირებს. სწორი თანმიმდევრობა: გაწმენდა, ტონიზირება, თვალის ქუთუთოების კრემი, შრატი, დღის ან ღამის კრემი.
უმეტესობა ჩვენგანი გადაჭარბებით აფასებს პროდუქტის იმ რაოდენობას, რომელიც ნამდვილად ეფექტური იქნება. მუშაობს პრინციპი “რაც ნაკლები, მით უკეთესი”. როგორც წესი, საკმარისია მცირე რაოდენობის პროდუქტი, ბარდის მარცვლის ან მონეტის ზომის.
QR კოდიshenisilamaze.ge
შენი სილამაზე. (2024). კანის მოვლისას დაშვებული შეცდომები. 10 ივნისი, 2024. https://shenisilamaze.ge/%e1%83%99%e1%83%90%e1%83%9c%e1%83%98%e1%83%a1-%e1%83%9b%e1%83%9d%e1%83%95%e1%83%9a%e1%83%90/
