ბევრქალს აწუხებს სახეზე სხვადასხვა ფორმის, ზომის და შეფერილობის ლაქების არსებობა. აღნიშნული ლაქები, ანუ ქლოაზმა სხვადასხვა მიზეზის გამო შეიძლება განვითარდეს, მაგალითად, ორსულობის, ვიტამინების ნაკლებობისას, სხვადასხვა დაავადების ( ქალური დაავადებები, კუჭ-ნაწლავის, ღვიძლის დაავადებების ) დროს.
ქლოაზმა განსაკუთრებით ემჩნევა შავგვრემანსა და მუქი ფერის კანის მქონე ქალებს. მათ ლაქები უფრო დიდხაანს უნარჩუნდებათ და ძნელად ემორჩილება მკურნალობას.
მყარი, მნიშვნელოვნად გამუქებული პიგმენტური ლაქები შესაძლოა კრემებისა და საცხების გამაღიზიანებელი მოქმედების შედეგადაც გაჩნდეს. ზოგჯერ თავს იჩენს კანის მომატებული მგრძნობელობა ჩვეულებრივი, ერთი შეხედვით უვნებელი კოსმეტიკური საშუალებების და პროცედურების მიმართ, რაც მჟღავნდება მთელი სახის კანის გამუქებაში ან პიგმენტურ ხაზებში. ამიტომ საჭირო არ არის სხვადასხვა კოსმეტიკური პრეპარატებით გატანება ან პროცედურების ძალიან ხშრად გამეორება.
ზოგჯერ პიგმენტური ლაქები ზუსტად იმ ადგილებზე ჩნდება, სადაც სუნამოს იპკურებთ ხოლმე. ამიტომ სუნამო წაისვით ღაწვებზე, ყურის მიმართულებით თმიან ნაწილში, სადაც კანი უფრო უხეშია, ვიდრე ყელის მიდამოში, სასურველია აგრეთვე, სუნამო იდაყვის და მაჯის შიდა მოსახრელზე მიიპკუროთ.
პიგმენტური ლაქების საწინააღმდეგო ნიღბები
ბოსტნეულის, კენკრისა და ხილის ნიღბები ძალზე კარგად კვებავენ, ათეთრებენ და ამკვრივებენ კანს.
პიგმენტური ლაქების მოსაცილებლად ეფექტურია ბორისმჟავიანი კიტრის ნიღაბი (6-8 ნიღაბი დროგამოშვებით).
სახის გასათეთრებლად ყველაზე რაციონალური და ქმედითია საფუარის ნიღაბი.
სასურველია, გამოიყენოთ წითელი მოცხარის წვენი, რომელიც სავსებით ცვლის ლიმონის წვენს, მშრალი კანის შემთხვევაში 1-2-ჯერ წაისვით წითელი მოცხარის წვენი და ზემოდან დაიდეთ არაჟანი.
ნიღბის მოხსნის შემდეგ სახე გაიწმინდეთ თბილი მცენარეული ზეთით და ფრთხილად გაიმშრალეთ ტილოს ხელსახოცით. შემდეგ კი მიიყარეთ ბრინჯის ან კარტოფილის პუდრი.
პიგმენტური ლაქების მოცილება
თუ სახეზე ქლოაზმები გაგიჩნდათ, აუცილებლად უნდა მიმართოთ ექიმ-კოსმეტოლოგს ან დერმაატოლოგს, რათა დადგინდეს მათი წარმოქმნის მიზეზი.
პიგმენტური ლაქების გაჩენისას საჭირო არ არის მაშინვე გამოიყენოთ ვერცხლისწყლიანი მათეთრებელი საცხი, რომელიც ” თქვენს ახლობელს დაეხმარა”. სწორედ დასაწყისშია აუცილებელი მკურნალობის სწორად წაარმართვა. ამასთან, უნდა დაიცვათ შემდეგი წესი: მკურნალობისას და მის შემდეგ აუცილებელია სახის დაცვა მზის პიდაპირი სხივებისაგან. თუ დიდხანს გიხდებათ მზის ქვეშ ყოფნა, წაისვით დღეში ორჯერ პირშუშხასა და სუფრის ძმარზე დაყენებული ლავანდის ყვავილების ნაყენი (ცხიმიანი ან ნორმალური კანისთვის ). კარგია ასევე წინასწარ წყლით დასველებულ ლაქებზე ლიმონის ნაჭრის 5-6 წუთით წასმა. გამათეთრებელ ზემოქმედებას ახდენს სახეზე 50 გრამი 3 %-იანი წყალბადის ზეჟანგსა და 2 გრამ ნიშადურის სპირტში დასველებული ბამბის 10-15 წუთით დაფენა.
რაც შეეხება მათეთრებელ კრემს, სასურველია, ის მსუბუქად შეიზილოთ და დაიტოვოთ სახეზე არანაკლებ ნახევარი საათისა.
2 %-იანი სალიცილის სპირტის წასმამ შეიძლება გამოიწვიოს ლაქების მსუბუქი აქერცვლა.
პიგმენტური ლაქების მოსაშორებლად ეფექტურია ეპიდერმისის ღრმა ქერცვლის მეთოდი.
